كيا بيكانتو هاى لاين - الحقونى بسرعة

[sherifabden]

المشاركة الأصلية كتبت بواسطة 3bdo يعنى حضرتك سبت اليابانى كله ومسكت فى الصنى الى متقفلة فى مصر وبعدين ازاى تقارن تويوتا كورولا بالانترا ومهما كانت الصنى فهيا افضل من عربيات كورى تانية معلش يا باشا روح شوف انت عربيتك مكملتش 8 سنين وكمية المشاكل اللى بتلاقيها فيها والدليل مواضيعك انت بتحاول تصبر نفسك ان الكورى اجمد حاجة عشان معاك عربية كورى وعايز تقارنه باليابانى باى طريقة مع ان صدقنى روح سوق الكورولا 2012 والالنترا 2012 وقولى رايك

اولا : الكورولا فئة والالنترا فئة تانية خالص يعني لما الكورولا ترخص او الالنترا تغلى اتكلم براحتك
ثانيا : مش معنى ان الحنطور اللي عليه شعار النيسان تبقا عربية كويسة انزل شوف واتفرج على العربية دي وقارنها بالاوبترا او الريو او الاكسنت وسلملي على الحنطور الياباني
ثالثا : لما تتكلم على الكوري اتكلم على العربيات الحالية مش تتكلم على الشوما او الاكسيل او الاكسنت القديمة او الافانتي
رابعا الراجل معاه فيرنا ازاي تيجي الفيرنا قدام الكورولا ؟؟ حتى لو الفيرنا كويسة بس متجيش قدام الكورولا او حتى قدام اللانسر مع احترامي للفيرنا
خامسا انا رايي انك تروح تركب الكورولا وبعد كده اركب النترا وشوف الفرق بنفسك الالنترا دركسيونها اخف وشكلها اروع وموتروها اقوى واهدى واستجابه الفتيس اعلى واوسع من الكورولا وواخدة جايزة سيارة العام من امريكا وكمان تقفيلها ممتاز وروعة من جوه وانا مش بفتي على فكرة انا بقول الكلام دا بعد تجربة لاني قعدت في العربيتين وهكتب باذن الله مقارنة بينهم في اقرب وقت

[myson medo]

المشاركة الأصلية كتبت بواسطة sherifabden ايوه خلاص عرفت الموضوع فعلا البيكانتو نازلة بكل الكلام دا كله وبسعر 96 الف جنيه يعني ممكن حضرتك تجيبيها وخصوصا انها اوتوماتيك والف مبروك

بشكرك جدا بس محتاجة أتاكد من حد تانى لانى سالت واحد فى الطارق ومقلش على كل الكلام ده - فإما انه ميعرفش قوى أو فعلا فى حاجات من دول مش موجودة

المشاركة الأصلية كتبت بواسطة memodina1 العربية نازلة بجميع الكامليات ومن حوالى 5 شهور العربية ممتازة وجميلة جدا الخامات ممتازة وجيدة التكييف جيد وتسارعها ممتاز على 1200 سىسى ورغم صغر حجمها الا انها اكبر من الفيرنا فى الكنبة الخلفية فقط وانا معايا فيرنا على فكرة عموما انا جربتها حوالى مرتين وفعلا كويسة وعلى الطريق هادية جدا

بشكرك جدا جدا

المشاركة الأصلية كتبت بواسطة memodina1 انا نفسى الناس تقطنع انى مفيش فرق بين الكورى واليابانى ويمكن فى عربيات الكورى افضل بمراحل يعنى حد جرب تويوتاا كورولا عربية ممتازة جدا طب حد جرب الالنترا اللى جرب هيعرف انا بقول اية وطبعا انا مرضتش اجيب مقارنة بين النيسان صنى وبين اى عربية كورى لانها تقارن فقط بين التوكتوك او تروسيكل وطبعا التوكتوك يكسب بجد عربيه اخر قرف من 2007 الى 2011

انا فعلا حسيت خصوصا خصوصا فى العربيات اللى هنا فى مصر - يمكن الموضوع مختلف بره وده اكيد لكن هنا اعتقد زيد وعبيد اخوات - وعموما هنا بيفكروا فى البيع قبل الشرا

المشاركة الأصلية كتبت بواسطة احمد على 1999 طبعا البيكانتو عربية لا غبار عليها كفاية ال ABS و EBD و ال AIRBAGS بس اللى يقدر اختيار موفق و تستاهل السعر دا و على فكرة الماتور جبار بالاخص مع وزن العربية لان فى حاجة اسمها power to weight ratio اللى هو نسبة قدرة الماتور لوزن العربية و ده رائع مع البيكانتو يخلى ادائها يكاد يتفوق على عربيات كتير اكبر انا مكنتش قريت بقيت الكماليات و قريتهم ..........ما شاء الله حاجة قيمة بجد

شكرا جدا لحضرتك

المشاركة الأصلية كتبت بواسطة 3bdo بصى حضرتك من المعروف ان موقع كونتاكت كار موقع متخلف و عمره ماكتب مواصفا صح لاى عربيى و الموقع ده متدخليهوش الا لو عايزة تبيعى عربيتك او تجيبى عربيى مستعملة او تجيبى عربيى غير كده مفيش لانى عمرى مالاقيته كاتب مواصفات عربية جديدة صح و كلام موقع كيا مصر هو الصح لان دى عربيتهم وهما عارفين فيها ايه و موقع كيا مصر بيتم تحديثة بشكل مستمر

فعلا انا لاحظت كده ولذلك دخلت موقوع كيا اشوف ايه الموضوع وشكرا ليك

[myson medo]

المشاركة الأصلية كتبت بواسطة yahiaashraf بالفعل الاوبشنز دى موجوده فى العربيه بس الحاجه الوحيد اللى انا اشك فيها هو وجود خاصيه ركن السيائه تلقائيا لان انا اعرف دى فولكس اللى بتعملها هى العربيه متنفعش لعائله تنفع لاستخدام شخص او شخصين

المشاركة الأصلية كتبت بواسطة titos انا عندى بولو 2001 مريحانى جدا و عندى مرسيدس تانيه تقريبا مش بركبها بس انا رايي ان ال 100000 دو اجيب بيهم حاجه المانى مستعمله حتلاقى فيها كل حاجه و حجات مش موجوده فى الكيا اصلا و تتمتع بالثبات و الامان العالى و رفاهيه الالمانى و على الاقل حتكون العيوب و المميزات معروفه مش لسه بطيخه مقفوله و يطلع فيها عيب يقسم تمنها النص فى اعاده البيع و الله اعلم

المشاركة الأصلية كتبت بواسطة عامر سعد لومش فارقة انها تكونعربية صغيره زودي 8 الااف وهاتي اول اتوماتيك سيراتو او اكسنت rb افضل واعرفي ان العربيات ال 1600 سي سي هيا الي بتعيش وفلوسها فيها اي حاتعرفي تبيعيها وحكاية الكماليات دي مش مشكلة انا معايا كوبية سيراتو كامله كل ما تتخيلية بس بع التعود عادي ماكانتش مستاهله ال25 الف الزيادة كانت سيراتو اول اتوماتيك وخلاص اسف لابداء الرأيء

شكرا ليكم كلكم ولرأيكم - نورتونى

[myson medo]

بس دلوقتى محتاجة رأيكم قوى ( لو هشترى كيا بيكانتو هاى لاين أو سانديروأتوماتيك )

أختاااااااااااااار ميييييييييييييييييين

[احمد على 1999]

كيا بيكانتو هاى لاين