كيا شوما

[kahk2008]

المشاركة الأصلية كتبت بواسطة اسلام دنيا انا لسة شارى كيا شومة 2001 من اسبوعين ونازل من تويوتا 95 يعنى اى حد يستغرب ولكن الشوما هى الى الان معايا عربية محترمة وقطع غيارها موجود فى كل حتة وانا سالت بنفسى عليها .......... وتوكل على اللة وصلى بردة استخارة والنصيب دة لا يعلمة الا الخالق

طب ياباشا ممكن تقولى عاملة كام
لانى معجب بالعربية دى ونفسى اجيبها

[sharooo]

عربيه محترمه وهي الاصدار الرياضي من السيفيا وقطع غارها موجوده بس بعضها غالي
مثلا الفونيس الاماميه الواحد ب 750 والاكصدامات والكبوت غير كده كله في المعقول

[حسام البورسعيدى]

طبعا مع احترامى لكل ملاك العربية اللى كلهم على راسى من فوق ...

لكن الشوما دى عربية ضعيفة جدا الصاج ورق (محدش يقدر ينكر دى بالذات) والعفشة ضعيفة التحمل .. وكمان الموتور عايز معاملة خاصة غير كده هتلاقيه صوته علا وتحتاج تغير طقم الصبابات (الكستبانات) (وطبعا ده بالمقارنة بباقى الكورى) ..

لكن برضه العربية مفيهاش عيوب تمنع الواحد انه يشتريها بس كل واحد على حسب طريقة استخدامه للعربية والشوما عايزة استخدام هادئ خالص ...

اتمنى اكون افدتك يا باشا ..

تحياتى ...

[sharooo]

السلام عليكم
السياره ممتازه وراسيه على الطريق بدرجه عاليه جدا جدا
الاخ الي بيقول ان عفشتها كانت مراجيح ده ممكن يحصل فعلا بس في حاله من دول:
1-ان يكون فيه مساعد تالف وبتغير المساعد والي قصاده معاه والطقم بيعمل 500 جنيه جديد واصلي
2-ان جلب الشدادات الخلفيه تكون تالفه وفي الحاله ده بتغير الشدادات كامله120 جنيه الواحد جديد و اصلي

[عبداللة قاعود]

على فكرة الشوما عربية محترمة جدا وقطع غيرها عادية بالنسبة للسعر وتعتبر من اكفاء السيارات وهل تعلم انها لما نزلت مصر كان سعرها اكثر من 100000 جنية بس الوكيل معرفش يسوقها صح لاسباب تجارية خاصة ببعض التجار الكبار اللة يرحمهم