السلام عليكم ,, للاهميه الكبيره - مشكله في سياره كيا شوما

[sherif fersh]

الموضوع محتاج متخصص مفاتيح

[hazem_khidr]

المشكله احتمال كبير جدا تكون بطاريه
هاتي بطاريه زميلتك و حطيها في العربيه و جربي
بس خدي بالك من مكان الموجب و السالب
و اعتقد انه حصل مشكله عند عمل توصيله من العربيه الاخري لعربيتك
و هو ان الاسلاك مش متوصله كويس الموجب راكب علي السالب و العكس فحصل قفله في العربيه
عموما جربي بطاريه تانيه و شوفي هيحصل ايه
و خلي الكهربائي يشوف فيوزات الدينامو
اما قصه الايموبلايزر مستبعده قليلا لان سيارتك اعتقد انها موديل قديم شويه
و مافيش فيها ايموبلايزر
خصوصا انها كانت شغاله كويس قبل ما تسافري

[غريبو99]

ما هى نوع سيارتك لو سمحتى وموديلها اية
إن شاء الله فى حل
وشكرا

[sharooo]

السلام عليكم
اختي الفاضله..المشكله الي عندك ان العربيه نازله جميع الكماليات .فمن ضمن الكماليات ده ال(Immobilizer)وده زي ماتفضل الاعضاء شريحه بتكون في راس مفتاح السياره يقوم الكونتكت بالتعرف عليها قبل بدايه التشغيل. ولما حضرتك نسيتي اللمبه بتاعه الصالون مفتوحه سحبت البطاريه جدا لدرجه ان غالبا الكود اتمسح من الكونترول
والشوما الي نزلت مصر فيها الاوبشن ده عددها قليل عشان كده الناس متعرفش ان في شوما فيها ايمو..عموما المشكله بسيطه انشاء الله حاولي تنفذي الخطوات ده:
1-اتاكدي انك بتشغلي العربيه بنفس نسخه المفتاح الي كنتي بتشغليها بيها قبل ما تسافري(مش باي نسخه تانيه)
2-حاولي متعمليش توصيله للبطاريه..خلي الكهربائي يشحنلك بطاريتك ويركبهالك
3-افتحي الكونتك لمده 5 ثوانيواقفلي تاني(كرري الموضوع ده 3 مرات)وبعدين شغلي العربيه
3-لو ما اشتغلت..يبقى هتجيبي ونش وتودي العربيه للتوكيل(في ابو رواش عند بوابه الطريق الصحراوي)او في القطاميه على الدائري وهتدفعي في حدود 350 جنيه تقريبا(ده غير تكاليف الونش طبعا)

وفيه حل تاني:
هتجيبي رقم الشاسيه من مكانه في صدر العربيه (مش من الرخصه)وعن طريق البحث في مواقع الصيانه على النت بواسطه رقم الشاسيه ..هتجيبي الكود السري بتاع عربيتك.وبعدين هتروحي لبتوع كشف الاعطال وتديهم الكود ويوصلولك العربيه بالجهاز ويدخل الكود الي اديتيهوله.

وفيه حل تالت:كلمي جمال مهران0110909049 واستاذنيه انه يجيب الجهاز وييجي يخلصلك الموضوع ده كوله..وهو راجل زوق واخ فاضل ومش بيتاخر عن اي حد

المهم يعني متقلقيش..المشكله سهله وحلها بسيط انشاء الله....وابقي بخري العربيه عشان شكلها كده خدت عيييين ههههههههه

[قوت القلووب]

أهلا وسهلاً مستر sherif fersh - أن شاء الله بشوف موضوع المفتاح وبخبرك .
********
أهلين مستر hazem_khidr
أنا فعلا جربت هالحلول أني أركب بطاريه صديقتي وبرده مااشتغلت وركبت بطريتي الها عشان تشحن شوي وماشغلت سيارتها .
وأجه كهربائي يشوف المشكله وأعتقد انه طلع مابيفهم كويس عشان لما ركب البطاريه تبعتي وعمل شوي شغلات - لما حاولت أشغل السياره ونجرب عملت صوت عالي من الشكمان - زي فرقعه . أعتقد انه خرب شي كمان . بس انا سألته عن سبب الصوت قال انه عادي تفريغ هوا - مابعرف صح ولا لاء.
*******************
أهلين غريبو99 .
نوعها - كيا شوما موديل 99 - أوروبي .