تصويت حول تكهين السيارات الملاكى القديمة

[بدر بسيونى]

اوافق لكن بشروط اهم تلك الشروط

عدم تحميل المواطن اى تكاليف ماعدا الرسوم فقط يعنى مبلغ متواضع

[mohamedsaleh]

المشاركة الأصلية كتبت بواسطة titoboy_tito بس يا باشا الموضوع هيكون اختيارى وهيطبق على العربيات الى فات عليها اكتر من 30 سنه يعنى الى قبل ال80 وهتكون العربيات معلهاش جمارك زى مشروع التاكسى وفترة السداد توصل ل7 سنين بس طبعا لازم يلموا قرشان فالمش هيغير هيزوده عليه فى الترخيص وهيشددوا فى الفحص يعنى اجبارى بس بالطريقه يعنى بيلفوا على الواحد ويشتغلوا ptmnlo123per111 وربنه يكرم الكل ptmnlo123per144

يا باشا مفيش اى كلام اكيد لسه لحد انهارده

[waelfarid]

العربية الواحد بيجيبها بطلوع الروح مش بيلاقيها ولا بيوزعوها مجانا فطالما فحص المرور الحالي بيشوف العادم بدون كوسة طبعا تبقي مبدئيا العربية صالحة بيئيا وبتؤدي الغرض منها ليه نعدمها ولا هي ناقصة اهدار لثرواتنا ptmnlo123per111

[hazem_khidr]

انا مع المشروع بشرط يكون اختياري مش اجباري
لان مش كل الناس معاها تدفع اقساط كل شهر لسنوات طويله
ولازم العربيات تتفحص فحص فني مشدد كل سنه مش كل تلاته
ماهو انت عاوز تركب عربيه قديمه اركب محدش حيقولك لاء
بس لازم تبقي العربيه سليمه
علشان ما تعملش حادثه و تضيع نفسك و جنبك عربيه و لا اتنين جداد
ماهو برضه دي فلوس ناس و زي ما من حقك تركب عربيه
المفروض تحافظ علي عربيات الناس

[MaXx]

المشاركة الأصلية كتبت بواسطة mohamedsaleh بس 7 سنين مش قليل شوية

ده هينعش التجارة و كمان هيخلي شكل البلد افضل ,,, اعتقد انهم برا في المانيا عملوا الموضوع ده في اول الازمة المالية العالمية علشان يشغلوا المصانع بتاعتهم و كان للعربيات اللي عدي عليها 5 سنين ,,, طبعا 5 علشان دي المانيا ,,, فنقول عندنا هنا 7 ,,, و ممكن العربيات المجمعة محليا تبقي هي اللي عليها شغل اكتر ,,, و تتعفي من الضرايب و يتم تقليل هامش الربح في نظير انه هيبيع كتير ,,,

يعني في افكار كتير لو الحكومة عايزة تجمل شكل البلد ,,, و في نفس الوقت تعمل حركة بيع و شرا هتنعكس بفايدة علي الكل و علي الموازنة العامة و مستوي المعيشة ,,,

انما الحكومة تاخدها سبوبة ( معلش للفظ بس معبر ptmnlo123per1127 ) يبقي علي الدنيا السلانكتيه ولا حد هيستفيد غير الحكومة و التجار ,,, و الناس تخبط راسها في الحيطة ,,, حتي بالمرة يهدوا العمارات المخالفة بدون تدخل الخكومة ptmnlo123per111