مشكلة فى اسطوانة دبرياج الياريس

[bebo12125]

--------------------------------------------------------------------------------

الاخوة الاعضاء اصحاب الياريس هو ان عندى مشكلة لحظتها امبارح فى اسطوانة
الدبرياج لما كنت اشتريت العربية جديد مثال عندما اكون على التانى احب اجيب التالت
كنت بستنى لما السرعة تيجى على 40 كيلو واجيب التالت كان وقتها Rbm كان 2000 دلوقتى على السرعة 40 كيلو وعلى التانى Rbm بيكون 2500 عرفت
ان كده فى تاكل فى اسطوانة الدبرياج عدد الكليوات 1700 كيلو
هل ده تطبيع الاسطوانة ولا ده تاكل فى الاسطوانة مع انى بتبع كافة النصائح للمحافظة
على اسطوانة الدبرياج
ارجو النصيحة
ولكم جزيل الشكر

[pharonicking]

السرعة ملهاش علاقة بالاسطوانة الدبرياج عمره مايعطل بعد 1800ك

[AbOnOrA]

انا برضو مش لاقى علاقة مباشرة بين سرعة الموتور (RPM) ووجود تأكل فى الاسطوانة

بص عامة طبيعى مع الاستخدام يحصل تأكل نسبى والاسطوانة مصممة لكده والمفروض فى الصيانات الدورية بيتشاف معدل التاكل ده وتتظبط على اساسة الاسطوانة CLEARANCE ADJUSTMENT

امتى تخاف ان التأكل زيادة عن الطبيعى
لو العربية فيها رعشة فى بداية الغيارات
لو العربية متقدرش تقوم على الغيارات الاكثر من الاولانى
لو العربية مش بتسحب خالص

وعلى كل حال لازم المعاينة من قبل مختصين

[bebo12125]

يا جماعة طبعا فى علاقة بين rbm وسرعة العربية لان الاسطوانة هى إلا بتنقل حركة سرعة الموتور الى عجلات العربية
يعنى لما العربية كانت جديدة عندما اكون على التانى rbm 2000 كانت سرعة العربية 40 كيلو اما حاليا rbm2000 والسرعة اقل من 40كيلو على التانى بمعنى كده ان الاسطوانة قلت كفأتها فى نقل حركة الموتور الى العجلات

[sam ram]

ضغط الهوا في العجل مظبوط .... شايل حاجه تقيله في العربيه .... عملت حاجه في الكهرباء .... مشغل التكييف .... فيه حاجه سدت مداخل الهوا للعربيه ( كيس نايلون مثلا ...)
فيه حاجات كتير ممكن ترفع الRPM ... غير انه يكون عيب اسطوانه او ديسك .... العربيه دي من العربيات الممتازه .... متقلقش بسرعه .... لأن اللي بتقوله مش مشكله او عيب يقلق