أعرف كل شئ عن السباكة

[romyophoto]

جزاك الله خيرا واكلت لحم طيرا وتزوجت في الجنة بكرا وانجبت منها عشرا

[romyophoto]

بزعجك معايا يا باش مهندس ..انا في الدور الثالث بعد الارضي وعندي عداد المياه الخاص بيه ولكن الميه مش بتطلع كويس نظرا لان كل شقة في العمارة مركبة موتور ميه خاص بيها .انا كنت عايز اجيب موتور فياريت تقولي يبقي ماركته ايه؟ وكام حصان ؟ وسعره كام ؟ورشحلي محل اجيبه منه...وجزاك الله خيرا وبارك الله فيك

[newrocknew]

ممكن شرح طريقة تغير محبس المياة العمومى للشقة

[albashmohaseb]

والله يا ابوشروق حاجة تستاهل كل شكر الله يجازيك خير جزاك الله خيراً
انا باعمل دراسة جدوى لمحل سباكة بدون سيراميك او بورسلين وكهرباء ولوازم نجارة بقالى تقريبا 5 شهور وموضوعك مفيد جدا وبادعيلك بظهر الغيب ربنا يسترها معاك فى الدنيا وفى الآخره وانت ماشاء الله عليك بتكتب فى تعليقات حتى الاسعار
فاتمنى انك تساعدنى فى :-
1- انت ذكرت انواع كتيره لمواسير الشرب وتوصيلاتها منها باننجر والامل الشريف بولى بروبلين طيب انا من خلال بحثى فى الموضوع ده لقيت ان مقاسات المواسير بالمللى و ليها قوة ضغط بالبار وايه قصة البار ده فهل المتعارف عليه هو الملى ولا البوصة زى مواسير الصرف وايه هى اهم الأحجام الواجب توافرها فى المحل دا غير نوع cpvc واللى بيكون جدول 80 ولا الكلام ده مش مظبوط وفى الغالب السباكة فى مياة الشرب بتكون بولى بروبلين ولا سى بى فى سى
2- بالنسبة لمواسير الصرف بردو المواسير المتعارف عليها هى الصرف الابيض ولا البولى بجوان وايه الاحجام المتعارف عليها والواجب توافرها بالمحل وانواعها وانا اللى اعرفه ان مواسير الصرف جدول 40
3- بعيدا عن المواسير والوصلات ايه اللى ممكن اوفره فى المحل بخصوص السباكة بعيدا عن قواعد الحمامات والاحواض السيراميك وخلافه
4- تشور عليا بالتعامل مع مين كموردين جمله فى بدايتى او اتعامل مع شركات واسماؤها ايه وعناوينها
5- انا بقالى خمس سنين متغرب وقرفت ونفسى استقر واحس بتعبى ليا واللى ربنا يقسمهولى كتير قليل الحمد لله رضا وربنا يكرم فى المستقبل بس انا عاوز رأيك فى المشروع ده لانى ناوى اعمله ان شاء الله على شهر مايو 2013
انا عارف ان طلباتى كتيره بس انا من خلال 56 صفحة تابعتها فان شاء الله هتفيدنى وربنا يجعله فى ميزان حسناتك

[Dr.Adel]

السادة الأعضاء الكرام . أرجو الأفادة فى امكانية الغاء غرفتى التفتيش (الون الأحمر كما بالرسم ) الموجودتين داخل المحل الخاص بى لما يسببوه من حشرات وروائح ومنظر بشع . الجزء الظاهر عندى بالمحل عبارة عن ماسورة صرف زهر فى الجزء الأيمن متصلة مباشرة على البير اللى فى منتصف المحل والبير اللى فى الجانب الخلفى متصل بماسورة تحت الأرض بالبير اللى فى النص ده اللى أنا شايفه ( لأنى لسه شارى المحل من فترة قصيرة) فهل من الممكن اجراء تعديل بحيث تخرج هذه البالوعات خارج المحل ؟ هل يمكن استخدام النظام الأمريكى فى الصرف ؟ أو ممكن عمل بالوعة خارج المحل بحيث يتم التصريف عليها مباشرة من قوايم الصرف .... وما هو الحل البديل لأخراجهما خارج المحل مع عدم التأثير على وظيفتهما أو التأثير على صرف العمارة .أرجو الأفادة بالرسم أن أمكن وأشكركم جميعا"