جمعة الرحيل

[hyundai2005]

الواحد زهق من الحبسه وقله النوم وصوت ضرب النار ومافيش فلوس والمحلات كلها قفلت والخراب عم

[nktis]

رسالة عاجلة الى شباب مصر إلى كل شعب مصر
أعلنت دار الأفتاء ان الجمعه هى غرة ربيع الأول هو أحد الأشهر الحرم اللى حرم الله فيها القتال ولو مع الكفار الا دفاعا عن النفس فرجاء تهدئة الأوضاع ولا تقاتلوا ولا تعثوا فى الأرض مفسدين

" وتعاونوا علي البر والتقوي و لا تعاونوا علي الإثم والعدوان "

و لنذكر الناس بقول النبي صلي الله عليه و سلم

" كل المسلم علي المسلم حرام دمه و ماله و عرضه

[MIDO-SPICY]

المشاركة الأصلية كتبت بواسطة sam ram حضرتك متصور ان اللي مستنيين المصروف من بابا و ماما حيفضلوا قاعدين في الشارع عاملين نفسهم متظاهرين على اساس انهم قاعدين في ماكدونالدز و كنتاكي التحرير بيتفرجوا على ميلودي

ههههههههههههههههههههههههه ه
غير كده انت عارف كمان ان لو كانوا اللى بياخدوا مصروف من بابا وماما بالاعداد اللى احنا شفناها فى الشارع دى من يوم 25 يناير لغايه النهارده كنا زمانا احسن بلد فى العالم وعمرك ما كنت شفت اللى انت قرفان منه دا
اللى انت شايفهم دول يا سيدى عدة ثوارات ملتفه تحت هدف واحد وهو اسقاء الرئيس ..ولو حابب تعرف ايه هما الثورات دول.. فهما ثوره الجياع .. وثوره الجهله .. وثوره المنهوبين فى مالهم واعراضهم وشرفهم .. وثورة مهدرى الكرامه
عرفت بقى دول مين؟؟؟

[فادى]

واضح انو السادة الثورجيين مش فاهمين الوضع كويس,
مصر دولة مستهدفة, مصر دولة مستهدفة, زعزعة نظام حكم مستقر فى مصر يترك الفرصة لهؤلاء الخونة و العملاء و الأجانب.
سرقة أقسام الشرطة, و فتح السجون و الهجمات على المتحف المصرى, لو نظرت الى الوضع تجد كل شىء منظم بشكل دقيق,
لا جدال فى ان عناصر مخابراتية لدول اجنبية لها يد و أكثر.
الرئيس مبارك منتخب شرعيا من الشعب المصرى, و لو اعدنا الانتخابات سوف يكتسح بانتخابات نزيهة او غير نزيهة.
شوية العيال اللى فاكرينها لعبة فى ميدان التحرير و موضة جديدة لا يعرفون خطورة ما يفعلونه. انهم لا ينقلبون على الرئيس بل ينقلبون على الشرعية و الدستور و القانون. و يطبقون نموذج الفوضى الخلاقة الأمريكى البغيض.
النظام المصرى كان به عناصر فاسدة و عناصر صالحة, و هذا هو الحال فى اى دولة فقيرة, حيث يرتبط الفساد بالفقر, لكن الاصلاح ممكن دون ثورة, بل ان النظام المصرى كان فى طريقه للاصلاح لولا الاحداث الحالية.
الشباب التوتى فروتى معظمهم مشيو خلاص من ميدان التحرير عشان كنتاكى و ماكدونالدز قفلو هناك هيقعدوا ليه؟!, و الموجودين دلوقتى يا اما فلولهم المحبوسين هناك, و بعض البلطجية و عناصر اجنبية تحضر لانقلاب على الشرعية و القانون.

[MIDO-SPICY]

المشاركة الأصلية كتبت بواسطة Kilany2011 اتفق معك ولذا يجب ان نحافظ على ما حصلنا علية بالتزام الهدوء الان لان سيناريو العراق وصل لاخر مراحلة فلنقف صفا واحدا الان ثم نعود للحساب لاننا عرفنا الطريق والزمن لا يمكن ان يعود للوراء وسنحاسب جميعا امام الله اذا فرطنا فى بلدنا خالد كيلانى

كلامك صحيح 100 % أ/كيلانى وانا معارض ان حسنى يمشى دلوقتى
بس هو اللى مل فيهم كده
تاخره عليهم فى الرد على مطالبهم من يوم 25/1 وتدخل الشرطه بالشكل اللى احنا كلنا شفنهاه وبعد كده نزول البلطجيه عليهم وهما متاكدين انهم من الحكومه وانهم بيشوفوا اصحابهم اللى دمهم سالت عمرهم ما هيرجعوا
الحكومه هى اللى افقدت الثقه فى نفسها عند الشعب