ألحقوا مصر

[د0تامر محمد]

المشاركة الأصلية كتبت بواسطة احمد الشناوى1981 مع كامل احترامى لحضرتك وحبى لك إلا اننى فوجئت بكلامك لم اكن ان الفيلم الذى صنعه الاعلام المصرى ينطلى على احد مثلك لا أصدق الإعلام المصرى على الإطلاق ولكن أصدق صوت العقل ولا أثق بالنظام لكنى أتلمس نسيم التغير ومتفائل يا دوكتور انت عارف ان الدعوه لليوم ده كانت بين الشباب على الفيس بوك و الإخوان الى الإعلام عايز يلبسهم الموضوع ده قالو قبل المظاهرات انهم مش هيشتركو فيها او هيكون ليهم دور للتضامن الرمزى مش عارف 50 واحد او حاجه كده و الناس كلها شافت الناس الى فى التحرير فى القتوات العربيه و الbbc شكلهم مينفعش يكونو اخوان يعنى لبس ضيق و ناس روشه و مينفعش حد يفهمنا انهم اخوان و بعدين بعد المظاهرات ما خرجت كل الناس الى عايزه تظهر لقيناهم بيتكلمو على انهم اصحاب الى حصل ده زى الاحزاب الى مفيش حد عارف عنها حاجه او البرادعى الى برده محدش يعرف عته حاجه و كل واحد بيتكلم كأنه بانيابه عن الناس الى فى التحير انا أعرف الإخوان ومنهم أصدقاء ومرضى وماذا تقول فى إختفاء المجموعة التى أعرفها قبل المظاهرة التى حدثت يوم الجمعة وعندما قابلت واحد منهم فى المساء وسألته فقال أنه كان فى المظاهرة وماذا تقول فى تجمع سيارات نقلتهم منذ أربعة ايام ولم يظهر منهم أحد عموما ربنا يحلها من عنده و لا يكون هناك اخون والا برادعى و الا حد من الناس بتوع الاحزاب الى برضو محدش يعرف عنهم حاجه قبل كده بس برده علشان تكون فاهم على الرغم لعدم ارتياحى لفكر الاخوان لانى مبعرفش الناس دى جوه عقولها فىه ايه و لانى عارف ان مش الصح ان يوصل للحكم حد زى الخوان يقوم الدنيا علينا و يدى فرصه لاى دوله من الى بيتلككو حوالنا انهم يحطو منخيرهم فى امورنا بحجه الارهاب الى لزقوه بشكل المسلمين إلا اننى غير متفق معاك فى كلامك لما تقولى ان جالك حد من الخوان تعبان عنده مش عارف ايه فيكون ده تفسير انهم بيعملو تدريبات و الكلام الفاضى ده احنا مش بنتفرج على فيلم لعادل امام الناس دى مش ارهابين زى الجماعات بتاعه التكفير او الجهاد و لا هما جايين من افغانستان مش عارف انا شايفهم عاملين داوشه حوالين نفسهم على الفاضى يعنى الكلام الكبير بتاع المرشد العام و مسؤل الاخوان عن المحافظه الفلانيه و الاسامى الى بيحطوها لنفسهم الى بتخلى الناس تبص عليهم على انهم غير بقيه المسلمين بس فى الآخر انا بشوفهم ناس عاديين كل الموضوع اننا ناخد بالنا و احنا بنتعامل معاهم لان زى ما قولت انا معرفش ايه حكايتهم بالظبت و ان كان الظاهر لى ان كل الدوشه دى هما عاملينها لنفسهم على الفاضى وماذا تقول عندما تردد علىّ بعضهم منذ أعوام وإلى وقت قريب يعانون من تمزق بالعضلات متكرر وآلام متكررة أعرف أنها نتيجة لممارسة رياضات عنيفة وتدريب فوق طاقتهم وماذا تقول فى أن سألت ذويهم ممن أعرفهم فأكدوا انهم فى التحرير وقد خرجوا من أعماق الريف ؟ ولعلمك الدين الإسلامى بقواعده وسماحته عند جماعة أنصار السنة وكثير من الأزهريين وللعلم كثير من الأخوان لا يعرفون من العلم إلا القليل لكن لا أنكر أن معظمهم ملتزمين نيجى بقا للحكومه الى بتلزق الموضوع للإخوان اول ما طلع موضوع السجون كنت بتفرج على التلفزيون و لقييت فيه واحد بيتصل بيقول احنا بيضرب علينا نار و فى ناس بتحاول تقتحم علينا السجن و ده كان بعد ما الداخليه كلها خلعت و سابت البلد للحراميه شويه و الراجل اتصل تانى لسه ما حدش جالنه الحقونا وبعدين سمعنا الخبر ان السجن تم اقتحامه و اخراج المساجيب منه و قتل قوه الحراسه يتكرر الموضوع بعدها يعنى لو الجيش الى نزل بعد ما الداخليه خلعت ب 3 او 4 ساعات مالحقش السجن الاول ليه سابو بقيت السجون و مبعتوش تامين من الجيش كل شويه حد يتصل و يقول السجن الفلانى و ناس تقول احنا شايفين المساجين ماشين فى الشارع الحقونا موضوع خروج المساجين فيه روايات ومنها خيانة الشرطة ولا أستبعد هذا الإحتمال وقد سألت مسجون هارب شخصيا وأفاد بانهم تم الهجوم عليهم من قبل ملثمين فيهم من لهجته بدوية وامروهم بالخروج بعد ان فرت الشرطة وقالوا انهم سيشعلون السجن وقد خرج مع من خرجوا التلفزيون عمل لقاء مع مسجون فى بيته قاله احنا كنا بنمشى فى مجموعات كل 1000 مع بعض تقدر تقول هما الاخوان الى قالو للداخليه تمشى و تسيب السجون و الا هما الى قالو للجيش ميلحقش باقى السجون فكر و قلب الموضوع فى دماغك بالعقل

فكرت وقلبت وإستمعت وحللت وكتبت ما خرجت به وما كتبته من أجل مصر وأبناء مصر الذين تضرروا فى أعمالهم وأرزاقهم وأمنهم
شكرا لرأيك وإختلافك ولك كل تحية

[د0تامر محمد]

المشاركة الأصلية كتبت بواسطة dr_maged ممكن انقلها يا دكتور محمد عندى على الفيس بوك

دكتور تامر وليس محمد
أنقلها لاى مكان تحبه

[lol64]

طيب تفسر بايه ان الموجودين دلوقتى فى التحرير اكثر من 60 فى الميه اخوان والكلام ده من احد الموحودين بالتحرير ؟

[د0تامر محمد]

المشاركة الأصلية كتبت بواسطة lol64 طيب تفسر بايه ان الموجودين دلوقتى فى التحرير اكثر من 60 فى الميه اخوان والكلام ده من احد الموحودين بالتحرير ؟

الله ينّوّر عليك
منذ قليل تحدث الموسيقار عمار الشريعى المؤيد لثورة الشباب-كما نحن بالطبع- إلى قناة دريم مع عمرو الليثى وقال أن الشباب المتظاهرين من المجموعة الأصلية التى بدأت الثورة ومازال جزء منها متبقى فى التحرير فى حوار معه هاتفيا أبلغوه بأن الأخوان سيطروا على الميدان تماما ووصلوا لأكثر من 60 % وأن المتظاهرين أصبحوا ما بين فك الشرطة الت تقبض على الخارجين من الميدان وما قد يفعله الأخوان !!!

[MIDO-SPICY]

انا عايز اقول انى لسه شايف على التليفزيون المصرى دلوقتى مداخلهمن شاب اسمه تامر مقدرتش اعمل او اقول حاجه بعدها غير انى اخد سيجارتى واخرج اقف فى البلكونه علشان ادارى دموعى وحرقة قلبى واللى مقدرتش انى اوقفهم ..

الشاب بيتوسل للتليفزيون وهو منهار تماما من كتر البكاء انه يتواصل مع الشباب قبل بكره ويقولهم يروحوا

هو واحد من اللى بقالهم 10 يام فى الشارع ولما احتكم لصوت العقل روح هربان علشان ماحدش يقول عليه انهخاين

ومعرفش قرار الحربيه بامكانية انهم يروحوا غير لما راح عند اقارب ليه فى غمره

وبيتوسل للتليفزيون انه يوصل التحرير دلوقتى ويبلغ الشباب بالقرار دا

فين ناس كتير جدا عايزه تروح وخايفه من امن الدوله

بيقسم بالله العظيم اكثر من مره ان فيه ناس مش مصريين دلوقتى جوه المظاهرات وكانوا معاهم من اول يوم بيتكلموا معاهم وكانوا بيتظاهروا معاهم وبيجيبولوهم وجبات وشاى وسجاير وبيعملولهم اللافتتات اللى هما عايزينها وقاعدين ياثروا عليهم طول الليل

وقال انهم قالولهم ان بكره جمعه الوداع .. وداع لمين ؟؟؟

وانهى مكالمته وهو فى حالة اعياء من كتر البكاء

بالماسبة مزيع القناه طلب منه انه يجى دلوقتى على التليفزيون علشان يتكلم معاه وحولوا الخط على الكنترول علشان ينسق معاهم هيجى ازاى بس الولد مابداش قبول او رفض

_________________________ _________________________ ____

انا حاسس يا جماعه ان مصر بتسقط .. مصر تعدت مرحلة الثورة واصبحت فى حالة حرب .........

وحرب على مين ... حرب علينا احنا مش على شويه مبانى ولا على شويه فلوس نقدر بتعبنا وعرقنا اننا نعوضهم واحنا فخورين باللى عملناه

دى حرب ابادة للشباب اللى انا فى قمه حزنى انى ماكنتش معاهم علشان افضل فخور بنفسى باقى عمرى ادام نفسى وادام بنتى وادام عيلتى وبلدى

حرب اباده للشباب اللى رفعوا اسم مصر فوق قوى .

حرب اباده للشباب اللى ماحدش قدر يعمل زيهم مش من 30 سنه لا يمكن من 50 سنه او اكتر

حتى ثوره يوليو الشهيره اللى عملها مش شويه شباب عزل .. لا دى قياده جيش ليهم سلطه ونفوذ فى البلد ومعاهم سلاح ثقيل

مش عارف اعمل ايه للناس دى علشان احاول اجنبهم ولو ا % من اللى ممكن يحصلهم بكره

دمهم هيروح هدر

مش لاقى غير انى اقوم اتوضى دلوقتى واصلى وادعى ليهم ان ربنا يحميهم بكره من عنده ويبعد عنهم اى شر ويبيد الظالمين

الناس دى مش عايزه حاجه اكتر من انها تحس انها ليها كرامه فى بلدها ودى ابسط حقوقهم وكون ان الحكومه تنفذلهم دا فدا مش تفضل منهم وانما دا واجب عليهم

يارب حافظ علينا وعلى بلدنا وابعد عنا اى شر ..

اللهم اضرب الظالمين بالظالمين واخرجنا منهم سالمين

يارب رجع لاخواتنا فى ميدان التحرير دلوقتى رشدهم وعقلهم قبل ما تحصل الكارثه اللى كلنا هتسيب جوانا شرخ كبير

وبطلب من جميع الاعضاء اللى فى المنتدى انهم بكره فى صلاه الجمعه ان امام المسجد يدعوا فى صلاته ليهم وان ربنا يخرجنا من اليوم دا سالمين

يارب

انا بكتب المشاركه دى فى اكتر من موضوع دلوقتى علشان اكبر عدد من الاعضاء يقروها ويدعوا معايا للشباب دى ويدعوا وهما بيصلوا من دلوقتى لبكره فى صلاة الجمعه