دايو راسر موديل 94

[hema_hn]

المشاركة الأصلية كتبت بواسطة mkkk23 عربيه وحش و جميله بسش بتاكل بنزين واكيد قطع غيارها بقت نادره

شكرا لتفاعلك
بس عايز افهم منك هى بتاكل ولا مبتكلش بنزين

[mansoub504]

المشاركة الأصلية كتبت بواسطة hema_hn فيه حد عنده تجارب مع العربية دى اصل ادامى عربية بحالة ممتازة وكاملة مانوال ومتبهدلتش ومن الداخل فبريكة والسقف والشنطة عايز اعرف رأيكم وايه مشكلة العربية دى سمعت ان مشكلتها قطع الغيار مع العلم انى سألت فى المحلات قلولى ان حاجتها متوفرة

كان معايا واحدة كل حاجه فيها زي الفل وناعمه ومتزنه كمان ومريحة في قعدته وسحبه عشرة علي عشرة مقارنة بسعرها وشبه الاكسل بس قطع غيارها مش رخيصة بالمقارنه بال للانوس
بس دي عامله كام يا باشا الوقتي

[hema_hn]

المشاركة الأصلية كتبت بواسطة mansoub504 كان معايا واحدة كل حاجه فيها زي الفل وناعمه ومتزنه كمان ومريحة في قعدته وسحبه عشرة علي عشرة مقارنة بسعرها وشبه الاكسل بس قطع غيارها مش رخيصة بالمقارنه بال للانوس بس دي عامله كام يا باشا الوقتي

العربية ماشاء الله كويسة جدا عمله حوالى 27 الف
يريت تقلى ايه الحجات الى قطع غيارها ملقتهاش فى السوق

[mansoub504]

المشاركة الأصلية كتبت بواسطة hema_hn العربية ماشاء الله كويسة جدا عمله حوالى 27 الف يريت تقلى ايه الحجات الى قطع غيارها ملقتهاش فى السوق

هي ما قعدتش معايا كتير حوالي 5 شهور
بس كنت محتاج لها الزراير بتاعة الأزاز الكهرباء ملقتيها بس كان في في بور سعيد
نصيحتي العربية ديه حاجته متوفرة في برو سعيد بس انا بعتها عشان العربية اللي كانت معايا كان فيها مشكله
كان فيها شرخ في الدواسه اليمين من تحت وكان عاوز يتعمل صح
وانا كسلت وكان كل شويه لازم يظبط زوايا وانا ماكنتش فاضي بس ما شاء الله عليها عربية زي الفل هي اوحش دايو نزلت كانت دايو زاز
بس انا متهيألي ان ممكن تنزل سعرها عن كده شويه ممكن لو حالتها كويس تخلص اقل لاني كنت جايبها من حوالي سنتين وكانت حالتها فابريكه بره وجوه وازاز كهرباء وكانت بالسعر ده تقريبا كانت واقفه عليا 27.5 وفيها 5000 قصط بس اسأل د تامر في قسم البيع يفيدك في السعر اكتر مني وربنا يكرمك فيها بس ارفعها في بنزينه وبص علي البارومه من تحت كويس عشان العربيات في مصر البارومه بتبهدلها

[mansoub504]

معلش الكلام خدني ونسيت اقولك كانت زراير الأزاز اللي بين الكراسي
والفوانيس موجوده بس غالية
لكن انا جبت من بور سعيد بس بصراحة مش فاكر الزراير عاملة 100 جنيه تقريبا وجبت ماكينه ازاز كهرباء اليمين قدام والاكصدام الامامي