كل اللي نفسه في حاجة عن اللوجان يدخل هنا

[ringoo]

المشاركة الأصلية كتبت بواسطة د.كمال الاخ الفاضل رنجو..اشكرك على سعه صدرك فى الرد على استفسارات الزملا..وارجو ان تخبرنى عن صوت ماتور اللوجان هل هو عالى بالفعل ام هادى ام غير مسموع زى اللنسر والتويوتا الاننى لااطيق سماع صوت الماتور وانا داخل العربيه وهزا سيتوقف عليه شرا اللوجان بالنسبالى....واشكرك على المعلومات القيمه فى هزا القسم.........

مفيش شك ان ماتور اللوجان صوته اعلى من اصوات بعض السيارات ومنهم طبعا العمالقة اللى حضرتك ذكرتهم
لكن هو عامتا مش صوته عالى اوى ومش مسبب معايا اى مشكلة وصوت الماتور بيهدى كتيير بعد وصول السيارة
لافضل اداء ليها (3000 كيلو) وبيهدى مرة اخرى بعد اول صيانة (5000 كيلو)
......................... ..........
لاحظ بردو ان صوت الماتور بيقابله عزل جيد داخل الكبينة يعنى الشيئ لزوم الشيئ
......................... .........
صوت ماتور اللوجان نقدر نقول عليه عالى بالنسبة للسيارات فى هذه الفئة .. عند وصول الماتور لاقصى عزم له
وهو 3000 rpm يعنى بالبلدى كدة فى اول الحرق على الغيار
غير كدة صوت الماتور عادى جدا زيه زى اى ماتور تانى .. لو واقف فى اشارة مش حتعرف العربية دايرة ولا لأ
......................... ....
انا نصيحتى لحضرتك انك تحاول تجرب عربية لوجان او حتى تجربها فى المعرض بس تكون العربية فى مكان مفتوح مش داخل المعرض
وشوف صوت الماتور هل هو فعلا عالى اوى ولا الناس بتهول ... وانا بنصح حضرتك بالتجربة علشان دى مسألة نسبية
ممكن واحد كان بيسوق عربية قديمة يكون من وجه نظره ان صوت ماتور اللوجان زى صوت فيروز بالظبط
وممكن واحد كان بيسوق عربية حديثة وصوت ماتورها هادى يكون من وجه نظره ان ماتور اللوجان صوته زى صوت يوسف داوود
اتمنى اكون وضحت لحضرتك الصورة

[p3_ahmed]

المشاركة الأصلية كتبت بواسطة ringoo بص يا استاذ احمد عايزك تتأكد من حاجة فين المسمار التخيين اللى بيعشق فيه الباب ... افتح كل باب واتاكد ان المسمار دة مربوط كويس ولو فيه واحد فيهم مش مربوط كويس اربطه حتى بايدك وجرب وقولى النتيجة

الف مليون شكر ياستاذ رينجو فعلا انا لاقيت المسمار التخين فى الباب بجانب السائق مفكوك واول ما ربطه انتهت المشكله وبقى كل شيء تمام ...كان نفسي اعزمك على كوباية شاي لكن انا هدعيلك احسن ((ربنا يهدي بالك ويصلح حالك ويسعدك طول حياتك))
معلش ان كنت اثقلت عليك لكن الفرامل عندي بتعمل صوت لما ادوس عليها هي طبعا شغاله زي الفل وبتسد وقت الازمه لكن الصوت ده بيضايقني هل لو رحت صيانة 5000 ممكن يضبطو الموضوع ده والا لا؟؟

على فكره لكل من يقرأ هذه المشاكل انا بستعمل العربيه بتاعتى استعمال شاق يعني كل يوم تقريبا 100 كيلو وبمشي كتيييير بيها في الزحمه وطرق رديئه جدا

[د.كمال]

حبيبى رنجو..اشكرك على الرد السريع فهزا يدل على حسن خلقك ونقاء سريرتك..وانا نفسى اشترى اللوجان وانا اعرف قيمه الفكر الفرنسى فانا عندى رينو اوبتيما وعارف قيمتها لكن ما جعلنى متردد فى شراء اللوجان ليس صوت الماتور فقط ولكن التوكيل اللى محتكر كل شى ومغالى فى الاسعار..فعندما زاد الطلب على العربيه زاد السعر الف جنيه وقطع الغيار نار ..ازاى مرايه الجنب اكتر من الف جنيه وهيه اكتر حاجه بتتخبط فى عربيتى..امال لو دخلنا على الكبالن والعفشه..وازاى العربيه مفيهاش وسايل امان abs ebd ومكتفيين ب اير باج واحده فقط ومفيهاش انزار ولافتح للشنطه والتنك من الداخل ولاسنسور بارك.مع ان الصينى نازل وفيه كل وسايل الامان والرفاهيه والفخامه وارخص سعراا

[ringoo]

المشاركة الأصلية كتبت بواسطة p3_ahmed الف مليون شكر ياستاذ رينجو فعلا انا لاقيت المسمار التخين فى الباب بجانب السائق مفكوك واول ما ربطه انتهت المشكله وبقى كل شيء تمام ...كان نفسي اعزمك على كوباية شاي لكن انا هدعيلك احسن ((ربنا يهدي بالك ويصلح حالك ويسعدك طول حياتك)) مبروك يا باشا على حل المشكلة ودعوتك دى عندى بمليون جنيه مع ان بردو كوباية شاى مع حضرتك اكيد حيكون ليها طعم تانى معلش ان كنت اثقلت عليك لكن الفرامل عندي بتعمل صوت لما ادوس عليها هي طبعا شغاله زي الفل وبتسد وقت الازمه لكن الصوت ده بيضايقني هل لو رحت صيانة 5000 ممكن يضبطو الموضوع ده والا لا؟؟ لو صوت تزييق ممكن يكون من بدال الفرامل ذات نافسه يتحل ببعض التزيت او التشحيم او بسائل wd40 وعموما بسيطة اوى يعنى لو قصدك على صوت صفارة فدة بيكون نتيجة الرايش بتاع تيل الفرامل (عادى جدا) وحله نضافة مش اكتر وعامتا فى صيانة ال 5000 حيعملوهالك بس ماتنساش تقولهم عليها طبعا على فكره لكل من يقرأ هذه المشاكل انا بستعمل العربيه بتاعتى استعمال شاق يعني كل يوم تقريبا 100 كيلو وبمشي كتيييير بيها في الزحمه وطرق رديئه جدا

مافيش عربية مافيهاش مشاكل فالكمال لله وحده ... لكن عربية زى اللوجان مميزاتها طاغية على عيوبها بشكل كبيير
وبالتالى فهى عربية جميلة وحمالة قاسية بجد وبدون تحيز
وانا زيك بالظبط كل يوم بعمل من 100 الى 120 كيلو داخل طرق اسكندرية وبوابات اسكندرية بحكم شغلى
وما ادراك ما طرق الاسكندرية فى هذا الوقت دمار شامل بعيد عنك يا خويا لكن اللوجان الحمد لله بتسد فى اى طرق الحمد لله
وربنا يبارك لحضرتك فى لوجى الجميلة ويعطيك خيرها ويكفيك شرها وتستمتع بيها فى الخير ان شاء الله

[ringoo]

المشاركة الأصلية كتبت بواسطة د.كمال حبيبى رنجو..اشكرك على الرد السريع فهزا يدل على حسن خلقك ونقاء سريرتك.. العفو يا دكتور على ايه وانا تحت امرك وانا نفسى اشترى اللوجان وانا اعرف قيمه الفكر الفرنسى فانا عندى رينو اوبتيما وعارف قيمتها لكن ما جعلنى متردد فى شراء اللوجان ليس صوت الماتور فقط ولكن التوكيل اللى محتكر كل شى ومغالى فى الاسعار الكلام دة غير موجود على ارض الواقع فيوجد قطع غيار لرينو لوجان فى السوق ولو عايز ناس عندها قطع غياراللوجان المغربى فموجودين لكن اللوجان المغربى لسة جديدة وبالتالى مش كل قطع غيارها انتشرت خارج التوكيل الموضوع محتاج شوية وقت مش اكتر وحط نفسك مكان تاجر رينو ايه اللى يخلي التاجر يروح يجيب شحنة قطع غيار للوجان و وهو اصلا مش عارف الاسعار حتستقر على ايه وقطع غيار اللوجان رخصت فى التوكيل ورخصت مرة اخرى من يومين لكن لسة ماشوفتش الاسعار وصلت لكام كل دة داخل التوكيل اللى هو اصلا اى توكيل بيكون اغلى من برة ..فعندما زاد الطلب على العربيه زاد السعر الف جنيه وقطع الغيار نار دى بقى حاجة تتعلق ببلدنا الجميلة ... واضم صوتى لصوتك ... فين الجهة التى تحمينا من جشع التجار وتنظيم الاسعار لكن الجهة تعتبر ان امتلاك سيارة للمواطن المصرى نوع من الرفاهية وبالتالى شيئ مش ضرورى وبالتالى الالتفات الى ما هو ضرورى ......................... ....... والدليل على كلامى ان سعر البروتون ساجا وهى اقرب المنافسين للوجان هى كمان زاد الف جنيه بدون اى مبرر ......................... ...... ولنا الله هو الوحيد اللى يرحمنا من هذا الغلاء والاستغلال ..ازاى مرايه الجنب اكتر من الف جنيه وهيه اكتر حاجه بتتخبط فى عربيتى.. هنا بقى تيجى دراسة حضرتك للموقف .. اخر سعر سمعته لمراية اللوجان الكهربا هو 1100 عفريت لما ينططوهم لكن بينى وبينك كدة انهى مراية كهربة لاى نوع عربيات بتكون رخيصة اصلا ......................... ......... طيب يبقى انا كواحد عايز اشترى لوجان بس خايف احسن المراية تتكسر او الفوج لايت او الحاجات دى يبقى اشترى لوجان بردو بس اشترى هاف اوبشن وسعر المراية للهاف اوبشن حوالى 500 جنيه اظن واضح الفرق

وازاى العربيه مفيهاش وسايل امان abs ebd ومكتفيين ب اير باج واحده فقط ومفيهاش انزار ولافتح للشنطه والتنك من الداخل ولاسنسور بارك.مع ان الصينى نازل وفيه كل وسايل الامان والرفاهيه والفخامه وارخص سعراا

اولا يا دكتور هاتلى عربية فيها الكلام دة سعرها 80000 جنيه مش حقولك بسعر اللوجان
......................... .........
بالنسبة للصينى والعربيات الاخرى
كل عربية بتستهدف مستهلك معين .... انا راجل معايا 60 الف جنيه وعايز اوبشن كتيير باروح اشترى عربية صينى واعيش حياتى بالاوبشن لكن خلى فى حسبانك ان الاوبشن دى كلها مش بتكون اعتمادية ووارد جدا جدا جدا ان حاجة او حاجات تبوظ فى وقت قصير ومتستناش توكيل يلحقك
لكن فى نفس الوقت اللى بيشترى صينى هو حر ودى متطلباته من العربية ورأيه يحترم جدا جدا
......................... .....
نيجى لنقطة تانية ...... صانع السيارة ذات الاسم العريق سواء كورى او اوروبى او يابانى او اى منشأ له اسم عريق
لما بيصنع عربية جديدة بيكون كل همه الاعتمادية وقوة واداء السيارة بمعنى
لو بصينا فى اللوجان حنلاقى فيها ماتور محترم جدا جدا
انت بقى تخيل معايا .. حط اللوجان امامك بماتورها الجيد والمشهود له بالكفاءة .. وحط جنب اللوجان عربية تانية لكن بماتور لا تعلم مدى اعتماديته مع تزويد هذه العربية ببعض الاوبشن الزيادة عن اللوجان
......................... ............
هى دى النقطة الحيوية فى قرار شراء العربية عايز اعتمادية وقوة واداء جيد بسعر رخيص موجود لكن مع التضحية ببعض الرفاهية
......................... ........
عايز رفاهية من كل شكل ولون مع سعر رخيص بردو موجود لكن مع بعض التضحية بالاعتمادية والعمر الافتراضى للسيارة
......................... ......
عايز رفاهية مع وسائل امان مع اعتمادية يبقى تضحى بالفلوس و تدفع بقى يا حلو وتطلع من الفئة الغلبانة اللى بنتكلم عليها دى خالص
يا رب اكون قدرت اوضح وجه نظرى وتحت امرك يا دكتور