|
Hyundai-i Family Hyundai-i Family (i10,i20,i30,i40,ix20,ix35) |
|
أدوات الموضوع |
#1
|
|||
|
|||
تقرير عن الجميله hyundai I10 Gl A/T من احد مالكيها
السلام عليكم و رحمه الله ازيكوا عاملين واحشني كتير بس معلش بقى امتحانات و كده الموضوع ده كان نفسي اعمله من زمان بس ظروف الدراسه خلتني اجله المهم ربنا كرمني و اشتريت Hyundai I10 Gl A/T من شهر 11 اللي فات و ده تقرير عن العربيه اولا : بالنسبه للشكل الخارجي العربيه تصميمها الجديد احلى من القديم بكتيير سواء من الامام او الخلف علشان دول اللي اتعدلوا في الفيس ليفت و اتعدلوا بطريقه حلوه و جميله ثانيا : الشكل الداخلي العربيه يا جماعه تحسها صغيره من بره لكن مجرد اما تدخل فيها تلاقي انها فيها وسع غريب و راحه في الكراسي و كل حاجة و طبعا الفرش الجميل الجلد في قماش معمول بحرفيه روعه مع وجود اماكن تخزين كتير سواء عند الفتيس او في الابواب او في الدرج ثالثا : بالنسبه للوحه العدادات فبصراحه حاجة فوق الخيال من اللون الازرق المتوهج فيها و فيها الكاسيت و عداد كيلوميتر ديجيتال و عداد البنزين عباره عن شرط بلون جميل يعيبه بس ان مافيش امبير حراره !! بس لو الكاتالوج بيقول لو الحراره زادت في لمبه تحذيريه بتنور رابعا : الكبوت طبعا ياخذ عليه انه صغير نسبيا و ده لحساب المقصوره الداخليه و لكن في المجمل شكله حلو خامسا : االشنطه طبعا هاتش باك و مساحتها مش وحشه مع امكانيه طي الكنبه و استغلال المساحه للتخزين اه فيه حاجة مافيش دراع لفتح الشنطه من جوه (و غالبا كل الهاتش باك كده ) و ده طبعا لأنك لو فتحتها من جوه هتنطر جامد و لو حد واقف ورا ممكن يتعور سادسا: ده بالنسبه للأجزاء الخارجيه و الداخليه نيجي بقى بالنسبه للموتور و التكييف الموتور العربيه مزوده بموتور 1100 سى سى 66 حصان 4 سلندر 12 صمام بالنسبه لاستهلاك البنزين داخل المدينه : 20 لتر لكل 330 كم خارج المدينه : 20 لتر لكل 445 كم تسارع الموتور حلو جدا و مقبول من غير تكييف مع التكييف بيقل بصوره كبيره مع وجود زرار ال overdrive اللي بيقفل النقله الرابعه عشان لو عاوز عزم عشان تعدي حد بالنسبه للتكييف تبريده جميل جدا عن تجربه في الحر الشديد و كان مخليني بردان استهلاك العربيه للبنزين راااائع تروح المشوار و ترجع و ممكن تلاقيها نزلت شرطة و لا اتنين بالكتير سابعا : الكاسيت و السماعات العربيه مزوده بكاسيت Roadstar بوجه امامي قابل للنزع مزود بفتحه USB و فتحه memory card و فتحه Aux و سماعتين فقط في الابواب الاماميه صوتها نقي و حلو بعض المعلومات عن السياره من موضوع استاذ yahiaashraf الابعاد :- الطول : 3565 العرض : 1595 الارتفاع : 1550 سعة خزان الوقود : 35 ----------------------------- جنوط 13 السياره صناعه كورى وحصلت على 4 نجوم فى اختبارات الامان بعض الصور ديه لعربيتي طبعا متوفره بعده الالوان انا شايف احسنهم من وجهة نظري الازرق الزهري _________________________ ___ _________________________ __________ _________________________ ________ _________________________ ___________ _________________________ __ _________________________ ________________ _________________________ ___________ _________________________ ______________ |
#2
|
|||
|
|||
رد: تقرير عن الجميله hyundai I10 Gl A/T من احد مالكيها
مبروك عليك العربية.. ولكن هى العربية كام سلندر. أنت بتقول 12 صباب بس؟ هى كامة واحدة ولا أثنين كامة بالنسبة للمحرك.
|
#3
|
||||
|
||||
رد: تقرير عن الجميله hyundai I10 Gl A/T من احد مالكيها
مبرووووك
__________________
مهندس / محمد حمدى
https://www.facebook.com/timoncito انا عضو فى جروب اسبرانزا للجميع https://www.facebook.com/groups/Speranza4all/ |
#4
|
|||
|
|||
رد: تقرير عن الجميله hyundai I10 Gl A/T من احد مالكيها
هي 4 سلندر و بتهيألي كامه واحده
|
#5
|
||||
|
||||
رد: تقرير عن الجميله hyundai I10 Gl A/T من احد مالكيها
مبروك عليك
ربنا يكفيك شرها |
|
|