مشكلة في النوبيرا مانيوال 1999 بريميوم

[ahmed.saieed]

المشاركة الأصلية كتبت بواسطة احمد على 1999 هو فعلا وارد تكون الموبينة ضعيفة بس اللى محيرنى ان اشمعنى فى التانى و التالت بس ؟!!!! يعنى الكلام ده مبيحصلش فى الاول و الرابع و الخامس خالص ؟ و فعلا كده تجرب موبينة استعمال و لو مفيش نتيجة يبقى طقم سلوك ( هو طقم السلوك مستبعد شوية عشان تأثيره حيبقى تنتيش ) بس ابقى غيره لو طلع العيب من الموبينة عشان ممكن يكون هوا اللى بوظها

لا يابشا علي السرعات العالية لا يحدث ابدا هو بين سرعة 20 حتي 70 وبعد كدة العربية مضبوطة يعني انا من اسبوع جي من القاهرة وجايب 160 او 170 بالعربية وماشية زي الفل .. لكن بالنسبة للاول لا احس بالموضوع دا لانك عارف الاول بمجرد تحرك السيارة بنقل الي الثاني . واكثر ما يحدث علي الثاني

[ahmed.saieed]

انا دلوقتي يا جماعة رايح للكهربائي وهغيير اسلاك البوجيهات والموبينة ويربنا يكرم . لاني من المكيانيكي الي الكهربائي الي السوق انشاء الله لو منفعش اخر امل

[samirayad]

هاتلك طقم سلوك كورى ب50 ج ( من عند فايز إللى عند الصينيه بتاعة الشيخ زايد )

وهاتلك بوبينا إستيراد من شارع هدى شعراوى بحوالى 200 ج

ولا تنسى أن تتفق مع البائع على أنها تحت التجربه وخليه برضه يجربهالك

وأنت واقف بسيارتك

وجرب السحب بالعربيه

وهتلاقى خيرا بإذن الله

[ahmed.saieed]

المشاركة الأصلية كتبت بواسطة samirayad هاتلك طقم سلوك كورى ب50 ج ( من عند فايز إللى عند الصينيه بتاعة الشيخ زايد ) وهاتلك بوبينا إستيراد من شارع هدى شعراوى بحوالى 200 ج ولا تنسى أن تتفق مع البائع على أنها تحت التجربه وخليه برضه يجربهالك وأنت واقف بسيارتك وجرب السحب بالعربيه وهتلاقى خيرا بإذن الله

شكرا ياباش علي ردك بس انا خايف اجيب موبينة وطقم السلك وبردو المشكلة تفضل زي ما هيا انا غيرت حاجات كتير في العربية يعني مش ناقص خسائر تاني غير لما اتاكد من العيب دا

[medosat]

اسمع من اخوك الحل عندي ان شاء الله انا كمان عندي نوبيرا2 مو99 بريميوم وارد الخارج مشكلتك ان شاء الله هتبقي 70%حساس شكمان وممكن تجيبه من مكنه اوبترا هيبقي انضف ودا بيعمل في حدود 175جنيه ويا ريت اللي هتشتري من عنده يحله من الفرن قدام عينك وخليه يجبلك الفيشه كامله والاحتمال الاضعف هتبقي من الكارته ونصيحه مني ما تفرتش في العربيه معايا بقالها سنتين وبجري بيها جنب اتخن عربيه