مشكلة التكيف !!

[krim71]

المشاركة الأصلية كتبت بواسطة odaoda يا بااااااااااااااااشا خليهم يدوسوا على زرار a\c عشان يستخدم الفريون وهو هيتلجلك العربية التكيف زى الفل ولا الهوا الحمد الله ومشغلة دايما

يا باشا احنا مصريين اه بس مش اغبية اوي كده :P
هو اللي حصل ان التكيف راح مطلع دخانا كده مرة واحدة و من بعديها مبقاش يطلع هوا ساقع
اما صاحبي ده فانا اللي كنت مفرجه على العربية و كده و اقنعته يجيبها و هو بيخاف من الصيني يعني فكل واحد بطبعه انا مش خايف خالص و متمسك بالعربية و كنت هندم لو جبت عربية تانية و انا فاهم كويس ان اي عربية بيطلع فيها حاجات حتى لو كانت بي ام و الكمال لله وحده
انا برده مستغرب ليه مغيروش تكيف التاني رغم اني كنت اطمنت من التوكيل لما غير التكيف بتاع الاولاني بس ممكن ان ناس كتير جم بالمشكلة دي فزودت عليهم التكلفة او كده والله مفهم بس التاني هو اللي قالي الكلام انا مكنتش معاه لكن الاولاني كنت معاه في الصيانة

[TELEBK]

المشاركة الأصلية كتبت بواسطة د.كمال بالرغم ان التكييف عندى كويس جداا الا انى مش فاهم المشكله عندك فين...طب صاحبك الاولانى غيروله التكييف وطلع التوكيل كويس.....طب ليه صاحبك التانى مغيروش له التكييف او مصلحهوش ...وهو كل واحد تظهر عنده مشكله بسيطه يتشائم ويبيع عربيته ...طب ماهو ممكن يشترى عربيه تانيه ويظهر فيها مشكله هيتشائم برده ويبعها .....انا عايز اللى تظهر عنده مشكله ميسكتش ويستسلم ويروح التوكيل ويطالب بحقه ... العربيه لسه فى الضمان... ومتمشيش من هناك الا لما تتحل مشكلتك ....وانا شايف ان التوكيل متفاهم بدليل انهم غيروا لصاحبك التكييف وبلغوك تروح التوكيل الرئيسى فى طريق مصر اسكندريه...وطمنا عليك واحنا معاك لحد لما تتحل مشكلتك,,,

أنا متفق مع حضرتك يا دكتور كمال في الكلام إللي حضرتك قولته عن المطالبة بالحق من التوكيل ، وخصوصا إن التوكيلات بتكبر دماغها لو إللي إدامها مش فاهم أوي ومش حساس بالنسبة لمشكلة عربيته ، وبيحاولوا يقنعوه من خلال مهندسين التوكيل إن ده حاجة طبيعية علشان يمشي ويخلصوا ، بس المهم الواحد يكون لحوح وواثق من نفسه في الحوار مع التوكيل وأكيد هم علشان يحافظوا علي سمعتهم حيرضوه علشان القلق والشوشره .
وبعدين كل عربية وليها مشاكلها ومش معني إنها صيني تبقي وحشة ولا ياباني تبقي كويسة ، لأ كل عربية وليها مشاكلها وفي الآخر ديه حته حديدة يعني كل شئ وارد فيها .
وربنا يوفقك

[odaoda]

اسف استاذ كريم لم اقصد الاستهزاء ابدا والله
معذرة للجميع
عموما انا مش مع انة يبيع عربيتة لاى سبب دة يوح التوكيل ويقف على دماغهم ويهدد انة يبعت ايميلات للشركة الام وشوية زعيق وهكذا زى اى توكيل فالمحروسة

[د.كمال]

أن متفق مع حضرتك يا دكتور خالد ان التوكيلات مكبره دماغها ومتفق مع الاخoda oda فيما يقترحه لاننا اول ناس شاريين العربيه واول ناس نتعامل بيها مع التوكيل فلو وجدوا واحد فينا مستسلم الدور هيجى على غيره ....فلو واحد عنده مشكله يكتب ونقترح عليه يعمل ايه واحنا كلنا معاه لحد لما تتحل مشكلته ....وربنا ميجيب حاجه وحشه ...وشكراا لكم