العودة   مصر موتورز مجتمع السيارات > السيارات الأوروبية > فيات FIAT > بونتو PUNTO


إضافة رد
 
أدوات الموضوع
  #1  
قديم 20-01-2011, 04:33 PM
الصورة الرمزية mohamed ellithy
mohamed ellithy mohamed ellithy غير متواجد حالياً
التخصص العملى: اخصائى اجهزه تعوضيه
 
تاريخ التسجيل: Aug 2010
المشاركات: 197
mohamed ellithy is a glorious beacon of lightmohamed ellithy is a glorious beacon of lightmohamed ellithy is a glorious beacon of lightmohamed ellithy is a glorious beacon of lightmohamed ellithy is a glorious beacon of lightmohamed ellithy is a glorious beacon of light
افتراضي Fiat Punto evo

يا جماعه اول من حبى الشديد فى العربيه دى انا لقيت الموضوع ده بالصدفه وللعلم ده منقول منقول منقول منقول ده للامانه ومش عارف هل ممكن اقول المصدر ولا لاء انا ممكن ابعته رساله للاداره
بس عموما حاجه وحده مش عجبانى فى العربيه دى هيا نور الطبلوه كله اصفر وده بيوجع عينى يا ريت لو فى حل لتغيره يبقى حد يقلى ازاى لان ال2008 برده اصفر المهم الموضوع بقى

========================= ===
=====================
==========
=====================
========================= ===

هذا التقر ير عن بونتو ايفو اوتو باكدج 2 ….. العربيه الان معايا عامله 1200 كيلو … اللون ابيض الفرش احمر …. موديل 2011
بلد المنشأ : ايطاليا
التوكيل " اوماتر"... لم اتعامل معه الى الان بس الموضوع ده فيه رأي الاعضاء عنه http://www.**********.net/Nile/191325-a.html (رايكم في توكيل فيات)
السعر 109000
قطع الغيار :: معقوله بالنسبه لكونها اوروبي ... مع المبالغه في سعر تيل الفرامل اللي دلوقتي يوكو و الاستاذ غمراوي و الاستاذ tareket بيشوفولو بديل علشان هو برى الضمان !
… نبدأ اولا بمعلومات عامه عن العربيه
الموتور : 1400 سي سي ... 77 حصان ... 4 سيلندر ... 8 صمامات sohc ... العزم 115@3000 rpm الدفع امامي
التسارع من 0-100 : 13.2 ثانيه
السرعه القصوى : 180
نظام التعليق الامامي : ماكفيرسون " مستقل "
نظام التعليق الخلفي : تورشن بيم " متصل "
الابعاد : الطول : 4056 مللي متر
العرض : 1678 مللي متر
الارتفاع : 1490 مللي متر
المسافه بين العجلتين الاماميه و الخلفيه : 2510 مللي متر
الارتفاع عن الارض للعتبه: 155 مللي متر
مساحه التخزين الخلفيه بدون طي الكراسي : 275 لتر

مساحه التخزين بطي الكراسي الخلفيه : 1030 لتر


سعه تانك البنزين : 45 لتر
الكاوتش و الجنط :15*65 * 185 ... و الجنط اسبور " شكله جامد الصراحه "

صندوق التروس : ديولوجيك 5 سرعات + مرشدير
الامان : العربيه مزوده ب 2 ايرباجز و و اخده 5 نجوم في اختبار التصادم
الزجاج : فاميه و مثبت على الرخصه
العربيه بيجي معاها مفتاح بريموت و مفتاح عادي .... و كود المفتاح و كود الكاسيت .. عده تغيير الاطار و اطار استبن " بس بجنط حديد عادي " ...ايريال عربيه و 4 كتالوجات " واحد للعربيه وواحد للكاسيت وواحد للبلو اند مي وواحد مكتوب بالايطالي و مش فاهم منه حاجه "و يالطبع فيه ذي غلاف كده تحط فيه الكتالوجات شيك اوي الصراحه لونه ازرق

نبدأ بقى ندخل شويه اكتر في العربيه
التصميم الخارجي : العربيه من قدام مستوحاه من فيات 500 و شكلها مختلف عن الجراند بونتو في وضعيه الشبكه الاماميه

... اما من الخلف فهي مشتوحاه من الجراند بونتو مع اختلاف شكل الفوانيس المزوده بأنوار " الصراحه شكلها خرافه led lights "

الشكل الداخلي : مستوحى من الفيات برافو و التابلوه بينزل بلون الفرش مع شكل العدادت مخلي العربيه من جوه شكلها جامد جدا ... و الخامات المستخدمه هي مزيج من الجلد الطبيعي و الكربون فيبر و فعلا خامات محترمه جدا.


المفتاح : ذي بتاع الجراند و البرافو و ال 500 في الشكل و هو فيه 3 زراير .... واحد لفتح العربيه و واحد لفتح الشنطه و واحد لغلق العربيه ... و بالضغط على علامه فيات يطلع المفتاح

" و ايضا الشنطه يمكن ان تفتح من الخارج عن طريق الضغط على علامه فيات في الخلف " مثل البرافو "
نأخذ بقى العربيه حتى حتى كده
اولا نبدأ بالسحب : العربيه بالرغم ان موتورها 77 حصان الا انه مرضي جدا و بيعمل اللي انا عايزه و كده كده احنا مش على طول هنشد المهم الاستمتاع بالسواقه ... و الصراحه الموتور لم يخذلني حتى الان في أي شيء بجد ... و صوت الموتور هادي جداا !

الثبات : العربيه ما شاء الله ثابته جدا على الارض و معومتش مني ولا مره و انا بسوق على كوبري اكتوبر 140 و بأخد المنحنيات مستريح " و بأيد واحده كمان " ... بجد ما شاء الله صخره على الارض .
الفرامل : العربيه فراملها مفتريه بجد و انا اتعذبت في الاول علشان اتعود عليها ... بجد باللمس بتكلبش فيا ريت اللي يجبها يسوقها براحه اوي علشان ممكن تفرمل غصب عنك جامد اللي وراك يخبط فيك ... و برده في نظام امان مع الفرامل يعني لما تدوس فرامل جامد العربيه تعمل انتظار برتم سريع لتحذير اللي وراك من الفرمله المفاجئه .
العزل : العربيه عزلها حلو جدا و هي افضل من الجراند في الموضوع ده ... بجد تبقى قاعد حواها مش سامع صوت من برى خالص لضمان الهدوء .

انوار و مصابيح العربيه :
الفانوس الامامي و الانوار الاماميه : فيه عده انظمه و شكله قريب جدا من فانوس الجراند ... الانظمه اللي موجوده في الفاانوس 1) نور خفيف جدا بيشتغل مع نور التابلوه
2) نور متوسط و ده قوي و يكفي في الاضائه الليليه ... الا لو الطريق سفر او كحل
3) نور عالي : و ده قوي جدا بجد و بيعمي أي حد امامي
4) نور الصباح ( نور جانبي ) و ده بيشتغل من كمبيوتر العربيه و ملوش دعوه بأنوار العربيه خالص و بيفضل شغال على طول مجرد ما تشغل العربيه ... لكن بيقفل لما تشغل النور المتوسط او الفوجات " علشان متعميش الناس "
و الانوار الماميه فيها فنوس صغير للاشاره فوق الفوجات
الفوج الامامي : ده نوره قوي و بينفع في الشوارع المكسره ... و فيه خاصيه بتخليه ينور مع اتجاه عجله القياده " و ده علشان ينور الشارع اللي انت داخل فيه ..و برده الفوج بيتحرك مع عجله القياده corner lights "
و بمناسبه الحديث عن عمي الناس ... العربيه فيها حاجه كده بتخلى اافانوس اللي على الشمال نوره مركز اكتر في الطريق امامك عن الجنب الشمال علشان ميضرش في عين اللي جي عكسك

الفانوس الخلفي و الانوار الخلفيه : يحتوي على انوار " ليد " للاضائه الليليه ..و لميه توقف و لميه اشارات
و تحت فيه فانوس المرشدير و الفوج الخلفي " اللي لونه احمر ده "

الانوار من الداخل: ا ماميه فقط و هي عباره عن جزئين واحد للراكب و واحد للسائق و ممكن اضائه الاتنين مع بعض . و بجد انا مستغرب ليه مش عاملين نور للكنبه اللي ورى .

صندوق القفازات فيه نور برده خاص بيه و يضاء عند فتح الصندوق ... العربيه من جوه انوارها لونها احمر ذي ما في الصوره
عجله القياده : multi function

نتكلم شويه عن صندوق التروس الديولوجيك اللي الناس مستغرباه


الفتيس عباره عن فتيس مانيول تماما مكون من ديسك و اسطوانه ... لكن اللي مخليه اوتو هو الدبرياج اللي بدل ميكون بدال ... بيكون موتور كهربائي يتحكم فيه كمبيوتر العربيه و الفتيس مكون من "+ و – للنقل و
....و في عجله القياده فيه دراعين للنقلm/a ..Paddle shift للنقل بين وضع اوتو و مانيول , R للمرشدير ,.للتموير N لتبديل ا لنقل السرعات برده .... في الفتيس ده العربيه بتنزل نقلات لوحده في جميع الاوضاع و
بتنقل لوحدها في وضع اوتو ... يعني ال الوضع مانيوال ده بيبقى لتثبيت الترس ... و الفتيس ده بيديك احساس المانيول في كل حاجه يعني في النقل و التسقيط و التسارع و كمان العربيه تريح منك على المطالع لو مش ضاغط فرامل و عمرها ما بتمشي لوحدها ذي الاوتو العادي ... يعني مانيول في الاداء و اوتو في الراحه .
نيجي لكراسي العربيه و الاتساع الداخلي : كراسي العربيه مريحه جدا جدا بجد و كرسي السائق يمكن تحريكه الى اعلى و اسفل و امام و الخلف و تحريك الظهر عن طريق بكره في الجنب
الوسع الداخلي الصارحه مناسب لاسره من 4 افراد مشتريحيين و ممكن شخص خامس بس يكون رفيع شويه
و اللي قاعد ورا بيكون مستريح و قاعد كويس ... يعني العربيه واسعه من جوه مقارنه بسيارات هاتش باك تانيه.

العربيه فيها زجاج كهرباء امامي فقط و فيها تحكم في المرايات الجانبيه بالكهرباء .. لكن الضم يدوي " و ده احسن علشان المرايات كبيره اوي و ببتخبط كتير ... بس الصراحه بتجيب الطريق كله بوضوح "

العربيه فيها مخرج كهرباء لكن مفهاش ولاعه ولا طفايه علشان صديقه للبيئه المفروض
تانك البنزين بيفتح من الخارج بالمفتاح .
بمناسبه التحدث عن البنزين فالعربيه موفره جدااا للبنزين " الاستهلاك 15 كيلو للتر " و مزوده بنظام ايكو و ده في الاوتو بس و فكرته بينقل العربيه بسرعه يعني على ار بي ام قليل "2 " و كده بوفر البنزين و برده في برنامج اسمه ايكو درايف و ده نتكلم عليه مع البلو اند مي.

نيجي للكماليات :
نبدأ بأهم حاجه في العربيه blue & me
و هو نظام مطور من شركه microsoft و به عده خصائص مثل اتصاله بالموبايل و استقبال المكالمات و الرد عليها عن طريق زرار في عجله القياده .. و يمكن منه اصدار اوامر صوتيه للعربيه مثل call " mohamed " , next track, etc.. و فيه قارء للرسائل و فيه usb لتشغيل الاغاني و وضع برنامج eco drive و تحديث Blue & me

برنامج eco drive ده برده مطور من micorsoft و خاص بفيات فقط و ده عن طريقه بتقاس طريقه سواقتك اذا كانت aggressive or ideal و بيقيس استهلاك البنزين عن كل رحله و يديك feed back عنها و يقارنلك الرحلات و يديلك نصائح لتعديل نظام سواقتك .

بعد كده sound system : و العربيه فيها cd player " mp3 " و فيها 4 سماعات كبار و 4 صغيرين و 2 تويتر و بجد الصوت ممتاز جدا و نقي ... و في ال cd player ممكن التحكم في صوت blue& me و تشغيل نظام يعلي صوت الكاسيت في السرعه العاليه و يوطيه عند التهدئه و فيه equalizer ,ضيط bass و هكذا .... نظام الصوت هو من نوع blu punket الالماني .

الباور : العربيه فيها زرار اسمه سيتي بيخلي الدركسيون خفيف جدا و ده بيستخدم في الركن و الزحمه فقط
التكييف : الصراحه مجربتوش في الصيف علشان استلمت في الشتاء بس الصراحه انا شايفه قوي و في التوكيل قالو لي انه معمول على كمبرسور ياباني .
start/stop: و ديه خاصيه موجوده في الايفو فقط دونا عن سيارات فيات الاخرى في مصر ..ز و هو نظام بيفصل العربيه في الاشارات و الزحمه و مجرد متدي نقله او تدوس بنزين العربيه تشتغل تاني .. و ده بيوفر بنزين جدا و موجدو له زرار في التابلوه علشان تلغيه لو مش عايزه .
خاصيه follow me home : و ديه علشان لما تركن امام بيتك و الدنيا ظلام تنور نور العربيه الامامي لمده صغيره بعد ما تسيب العربيه و تمشي لات=ناره الطريق امامك و بيقفل لوحد طبعا و حد وقت اقصى 120 ثانيه
شاشه المعلومات ... و ديه بقى فيها حجات كتير منها تقلب اغاني و تجيب استهلاك البنزين و تجيب نناقص بنزين قد ايه و تجيب متوسط السرعه و تجيب كل حاجه في menu العربيه مثل تشغيل الاضواء الجانبيه ... تعليه صوت التنبيه في العربيه ... عمل تنبيه على سرعه محدده كي لا تتجاوزها ... تشغيل نظام غلق الابواب بعد تجاوز سرعه 30 ... تشغيل trip b لو هتقارن رحلتين . و برده لوحه المعلومات تظهر اي باب مفتوح مثلا rear right open or front left open . و كمان لو لمبه اتحرقت في العربيه تحددلك مكانها ... و لو فيه اي مشاكل في العربيه في الفتيس .. تيل الفرامل ... الفرامل .. الزيت ... الشاشه تبينلك .... و كمان يظهر عليها انت على وضع auto ولالا manual و تظهرلك النقله ... و او جالك تلليفون تبينلك المتصل ...و ممكن تقلب منها في الارقام بتاعت موبايلك . " ارجو مكنش نسيت حاجه "

cruse control : و ده مثبت سرعه يعمل عن طريق ذراع خلف عجله القياده و فيه ممكن تزود السرعه و تنقصا دون الضغط على الدواسات و الموضوع ده بيتلغي مجرد الضغط على الفرامل ... و فيه زرار recored علشان تسجل السرعه اللي عايزها و تدوس عليه يجبلك السرعه لوحده " لو دوست فرامل و مثبت السرعه قفل "
في رأي العربيه ديه بسعرها ده حلوه جدا و تنافس بشده في السوق المصري ... و تمنها فيها الصراحه
اعتقد كده قلت كل حاجه تقريبا اعرفها عن عربيتي ... ارجو مكنش نسيت حاجه ان شاء الله
اتمنى يكون التقرير افادكم
تفبلو تحياتي
الصور المرفقة
نوع الملف: jpg dsc0171t.jpg‏ (17.9 كيلوبايت, المشاهدات 367)
نوع الملف: jpg dsc0150ao.jpg‏ (29.3 كيلوبايت, المشاهدات 366)
نوع الملف: jpg dsc0170sx.jpg‏ (20.7 كيلوبايت, المشاهدات 362)
رد مع اقتباس
  #2  
قديم 20-01-2011, 05:37 PM
الصورة الرمزية خالداعزالناس
خالداعزالناس خالداعزالناس غير متواجد حالياً
من انا؟: مهندس/ خالد
التخصص العملى: مهندس اتصالات
هواياتي: التنزه - السفر
 
تاريخ التسجيل: Feb 2009
الموقع: القاهره
المشاركات: 3,679
خالداعزالناس has a reputation beyond reputeخالداعزالناس has a reputation beyond reputeخالداعزالناس has a reputation beyond reputeخالداعزالناس has a reputation beyond reputeخالداعزالناس has a reputation beyond reputeخالداعزالناس has a reputation beyond reputeخالداعزالناس has a reputation beyond reputeخالداعزالناس has a reputation beyond reputeخالداعزالناس has a reputation beyond reputeخالداعزالناس has a reputation beyond reputeخالداعزالناس has a reputation beyond repute
افتراضي رد: Fiat Punto evo

شكرا على التقرير الممتاز
لكن حظ فيات وموديلاتها الجديده قليل فى مصر
__________________

اللهم احفظ بناتنا ونسائنا فى كل مكان من شياطين الانس
رد مع اقتباس
  #3  
قديم 20-01-2011, 10:41 PM
MO MO غير متواجد حالياً
من انا؟: Mo
 
تاريخ التسجيل: Jan 2009
الموقع: Cairo
المشاركات: 840
MO has a reputation beyond reputeMO has a reputation beyond reputeMO has a reputation beyond reputeMO has a reputation beyond reputeMO has a reputation beyond reputeMO has a reputation beyond reputeMO has a reputation beyond reputeMO has a reputation beyond reputeMO has a reputation beyond reputeMO has a reputation beyond reputeMO has a reputation beyond repute
افتراضي رد: Fiat Punto evo

مبروك يا ريس , يديك خيرها و يبعد عنك شرها
تسلم ايدك تقرير هايل , ادعلي اجبها ان شاء الله علي الصيف
رد مع اقتباس
  #4  
قديم 21-03-2011, 06:14 PM
zooom111 zooom111 غير متواجد حالياً
 
تاريخ التسجيل: Mar 2011
المشاركات: 2
zooom111 is on a distinguished road
افتراضي رد: Fiat Punto evo

السلام عليكم...انا جبت البونتو ايفو من ثلاث شهور و عربيه جميله جداا بس ناس كتير خوفونى انى مينفعش احوت زينون عشان ال computer هايعطل ...يرات تقولى الصح هو دا ولا لا
رد مع اقتباس
  #5  
قديم 01-04-2011, 08:47 AM
essential essential غير متواجد حالياً
من انا؟: حره
التخصص العملى: طبيبه اسنان
هواياتي: القراءه وكره اليد
 
تاريخ التسجيل: Mar 2010
الموقع: مدينه نصر
المشاركات: 8
essential is on a distinguished road
افتراضي رد: Fiat Punto evo


المشاركة الأصلية كتبت بواسطة zooom111 مشاهدة المشاركة

السلام عليكم...انا جبت البونتو ايفو من ثلاث شهور و عربيه جميله جداا بس ناس كتير خوفونى انى مينفعش احوت زينون عشان ال computer هايعطل ...يرات تقولى الصح هو دا ولا لا
السلام عليكم انا الحقيقه هموت واجيب الايفو وكلام كتير عن توطكيلها السئ وضعفها ممكن اتواصل مع حد جابها
اشكركم
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 03:30 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017