الكماليات التي ازالها غبور من ال getz (بالصور)

[ahmed-alaa]

المشاركة الأصلية كتبت بواسطة نبيل عبدالرحمن الله ينور عليك يا أحمد ، فعلاً الحاجات دى فعلاً متشاله من العربية ، وفى حاجة كمان إكتشفتها فى عربيتى إن لمبة الإنذار والإنذار كله مش فبريكة دا معمول بطريقة بلدى والأسلاك فى الضفيرة معمولة بطريقة سيئة جداً كأن اللى عملها كهربائى مبتدئ ، ومع ذلك العربية المانيوال دفعت فيها 73000 جنيه موديل 2010

شكرا لحضرتك
اه فعلا كل عربيات هيونداي تقريبا معمول فيها الموضوع ده اللمبة الصغيرة اللي بتنور دي

ربنا يرزق حضرتك باحسن منها ان شاء الله

[ahmed-alaa]

المشاركة الأصلية كتبت بواسطة ايمن منصور بس ياجماعه لو العربيه نزلت بالكمليات دي سعرها حيعلي اوي يعني ممكن تزيد 10000 جنيه علشان جمركها حيزيد كمان وسعتها محدش حيشتريها وكمان مش حيقدر ينافس في موضع السعر

يا استاذي انا مختلف معاك تماما في النقطة دي هي الطبيعي انها تبقي بكل الكماليات دي وتبقي ب السعر ده هو بيجيبها بنفس السعر ويشيل كل الكماليات عشان يكسب اكتر
يعني مثلا الفيات بونتو ايفو ب 90 الف المانيوال وفيها كل الكماليات دي واكتر كمان وجنوط و blue&me و airbags و abs و حاجات تانية كتير وايطالي يعني مش هيونداي وسعرها 90 الف ازاي بقي دي لو نزلت بالكماليات دي تبقي ب 100 الف وهي كوري يعني من المنطقي والمعروف ان الكوري ارخص من الاوروبي ده غير ان البونتو ايفو واخدة خمس نجوم في اختبارات الامان الاوروبية الصارمة مش العجل اللي غبور بيجيبهولنا ده

هوه تقريبا شال الحاجات ديه من الجيتز وحطها في الفيرنا عندي ما عدا طبعا الايرباج والاي بي اس وفتحة السقف والطاره المالتي فانكشن كتر الف خيره انه حط الباقي ومدناش صاج علي 4 عجلات بس

[ahmed-alaa]

المشاركة الأصلية كتبت بواسطة corsair هوه تقريبا شال الحاجات ديه من الجيتز وحطها في الفيرنا عندي ما عدا طبعا الايرباج والاي بي اس وفتحة السقف والطاره المالتي فانكشن كتر الف خيره انه حط الباقي ومدناش صاج علي 4 عجلات بس

حسبنا الله ونعم الوكيل

[Injection]

غبور كتر خيره أنه ساب الموتور ومشالهوش وحط بدال.
وأنا مش عارف فعلا أزاى عربية موديل 2010 أكبر ميزة فيها زجاج بالكهرباء وباور ستيرينج.
والناس بره بتطلب airbags و abs كأساسيات العربية ماينفعش تمشى من غيرها.
ربنا يهدى كل حوت فى مصر الى "المحيط" الصحيح ويفهم أنه مش عايش لوحده فى البلد.