هل كيا ريو هاتشباك 2014 متوفرة في مصر ؟

[star_2121]

السلام عليكم ورحمة الله وبركاتة

لو سمحت انا ناوي اشتري كيا ريو هاتشباك وكنت حابب أسأل كام سؤال بعد اذنكم

بالنسبة لموديل 2014 هل هو متوفر حاليا في مصر

وسمعت ناس بتقول ان في خليجي وفي عادي وانا مش فاهم الفرق ايه

انا ناوي ان شاء الله اجيب الهاي لاين بس مش عارف ايه الزيادة فيها وهل فيها GPS ولا لأ

وأشتريها من التوكيل ولا من معرض وإيه الفرق

يا ريت توضحولي الأسئلة دي بعد إذنكم لأني حاسس ان الصورة مش واضحة خالص بالنسبالي

[ReMoZ]

المشاركة الأصلية كتبت بواسطة star_2121 السلام عليكم ورحمة الله وبركاتة لو سمحت انا ناوي اشتري كيا ريو هاتشباك وكنت حابب أسأل كام سؤال بعد اذنكم بالنسبة لموديل 2014 هل هو متوفر حاليا في مصر وسمعت ناس بتقول ان في خليجي وفي عادي وانا مش فاهم الفرق ايه انا ناوي ان شاء الله اجيب الهاي لاين بس مش عارف ايه الزيادة فيها وهل فيها GPS ولا لأ وأشتريها من التوكيل ولا من معرض وإيه الفرق يا ريت توضحولي الأسئلة دي بعد إذنكم لأني حاسس ان الصورة مش واضحة خالص بالنسبالي

وعليكم السلام ورحمة الله وبركاته

بصراحه معرفش الـ 2014 نزلت ولا لسه بس اعتقد موجوده لو لسه يبقى على شهر 10 ان شاء الله
الفرق بين الخليجي والعادي من بره الجنط الخليجي 17 رياضي,والعادي جنط 15
لكن من جوه معتقدش في فرق كبير ممكن يكون في الفرش بس.
اما من ناحية الضمان انا كنت هجيب الخليجي بس مفيش عليها ضمان يعني الصيانه هتبقى كلها عليك
والـ gps , الخليجي بتيجي بشاشه فـ هيبقى فيها , لكن العادي مفهاش شاشه بس ممكن تشتريها وتركبها في التوكيل .
اتمنى اكون افدتك ولو في اي سؤال تاني ان شاء الله اقدر افيدك

[ADHAM$]

المشاركة الأصلية كتبت بواسطة star_2121 السلام عليكم ورحمة الله وبركاتة لو سمحت انا ناوي اشتري كيا ريو هاتشباك وكنت حابب أسأل كام سؤال بعد اذنكم بالنسبة لموديل 2014 هل هو متوفر حاليا في مصر وسمعت ناس بتقول ان في خليجي وفي عادي وانا مش فاهم الفرق ايه انا ناوي ان شاء الله اجيب الهاي لاين بس مش عارف ايه الزيادة فيها وهل فيها GPS ولا لأ وأشتريها من التوكيل ولا من معرض وإيه الفرق يا ريت توضحولي الأسئلة دي بعد إذنكم لأني حاسس ان الصورة مش واضحة خالص بالنسبالي

المشاركة الأصلية كتبت بواسطة ReMoZ وعليكم السلام ورحمة الله وبركاته بصراحه معرفش الـ 2014 نزلت ولا لسه بس اعتقد موجوده لو لسه يبقى على شهر 10 ان شاء الله الفرق بين الخليجي والعادي من بره الجنط الخليجي 17 رياضي,والعادي جنط 15 لكن من جوه معتقدش في فرق كبير ممكن يكون في الفرش بس. اما من ناحية الضمان انا كنت هجيب الخليجي بس مفيش عليها ضمان يعني الصيانه هتبقى كلها عليك والـ gps , الخليجي بتيجي بشاشه فـ هيبقى فيها , لكن العادي مفهاش شاشه بس ممكن تشتريها وتركبها في التوكيل . اتمنى اكون افدتك ولو في اي سؤال تاني ان شاء الله اقدر افيدك

وعليكم السلام ورحمة الله وبركاتة

اعتقد انة 2014 لسة منزلتش

بالنسبة للفرق بين التوكيل والخليجي انة الخليجي جنط 17 وفيها تكييف تاتش وسمارت كي اللي هو تشغيل ووقف تشغيل السيارة بدون مفتاح عن طريق زر تشغيل وايقاف المحرك وكمان تكييفها بيكون اقوى لانة مصمم بمواصفات خليجية يعني للعمل في درجات الحرارة العالية وكمان الدهان او الطلاء الخارجي للخليجي بيكون افضل واقوى لتحمل درجات حرارة الشمس في الخليج وبالتالي طبعا الخليجي افضل من جميع النواحي لكن طبعا عيبه الوحيد انة مالوش ضمان والحل انك تشتريلة ضمان من الوكيل لو الموضوع دة يهمك ويفرق معاك

تحياتي

[star_2121]

المشاركة الأصلية كتبت بواسطة ReMoZ وعليكم السلام ورحمة الله وبركاته بصراحه معرفش الـ 2014 نزلت ولا لسه بس اعتقد موجوده لو لسه يبقى على شهر 10 ان شاء الله الفرق بين الخليجي والعادي من بره الجنط الخليجي 17 رياضي,والعادي جنط 15 لكن من جوه معتقدش في فرق كبير ممكن يكون في الفرش بس. اما من ناحية الضمان انا كنت هجيب الخليجي بس مفيش عليها ضمان يعني الصيانه هتبقى كلها عليك والـ gps , الخليجي بتيجي بشاشه فـ هيبقى فيها , لكن العادي مفهاش شاشه بس ممكن تشتريها وتركبها في التوكيل . اتمنى اكون افدتك ولو في اي سؤال تاني ان شاء الله اقدر افيدك

المشاركة الأصلية كتبت بواسطة ADHAM$ وعليكم السلام ورحمة الله وبركاتة اعتقد انة 2014 لسة منزلتش بالنسبة للفرق بين التوكيل والخليجي انة الخليجي جنط 17 وفيها تكييف تاتش وسمارت كي اللي هو تشغيل ووقف تشغيل السيارة بدون مفتاح عن طريق زر تشغيل وايقاف المحرك وكمان تكييفها بيكون اقوى لانة مصمم بمواصفات خليجية يعني للعمل في درجات الحرارة العالية وكمان الدهان او الطلاء الخارجي للخليجي بيكون افضل واقوى لتحمل درجات حرارة الشمس في الخليج وبالتالي طبعا الخليجي افضل من جميع النواحي لكن طبعا عيبه الوحيد انة مالوش ضمان والحل انك تشتريلة ضمان من الوكيل لو الموضوع دة يهمك ويفرق معاك تحياتي

شكرا على الردود دي

طب بالنسبة لفرق السعر بين الخليجي والعادي بيفرق حوالي كام ؟

وبالنسبة لمسألة الضمان ... الضمان عبارة عن إيه بالظبط

[mohamedashoor]

لو سمحت لو اشتريت الهاي لاين من الخليجي سعرها كام دلوقتي وحبيت اشتري ضمان من الوكيل هيكون كم سعر الضمان وهل هو مبلغ بيدفع مرة واحدة ولا أقساط شهرية أو سنوية وأسف على الإطالة