|
مصر بايكرز قسم الدراجات النارية - موتوسيكلات - صور دراجات - استعراضات - احدث موديلات الدراجات - اشهر القائدين - مناسبات وانشطة الدراجات النارية فى مصر والعالم Masr Bikers |
|
أدوات الموضوع |
#1
|
||||
|
||||
فئات الموتوسيكلات.
الموتوسيكلات زى العربيات بالظبط , زى مالعربيات فيها سيدان وهاتشبالك وجيب (suv) وكل فئة بتختلف عن التانية فى فى أسلوب القيادة, الشكل والغرض, الموتوسيكلات بتتقسم لفئات هنعرفها مع بعض.
1- الريس :مين فينا مصحيش بليل على صوت حاجة بتعمل فوووووووووه, ده يارجالة هوه الريس. الريس فئة موتوسيكلات خفيفة جدا وقوية جدا بالنسبة لوزنها, وده بيديها تسارع جبار وسرعة قصوى مهولة, ده غير شكلها الأنسيابى الجميل, وهو ده سر شعبيتها بين الشباب المشكلة فى الريس أنه بيسخن بسرعة, ولازم يتمشى بيه على طرق سريعة علشان يبرد كويس, فى الزحمة بقى كأنك قاعد على فرن, ده غير قعدته اللى بتلوح الظهر و"حتت تانية", ولازمله زى بالكامل مش خوذة بس زى ما جاك شرح فى موضوع السيفتى يعنى اللى يشترى يايكون شاب مبيلبسش بدل أو هدوم رسمية, مبتفرقش معاه الحر والسلقة فى اللبس الجلد(السيفتى) ولبس السيفتى وسعره الغالى, يا واحد معاه عربية وجايب الموتوسيكل لعشقه ليه ولركوبه, وسعر الريس كويس ورخيص, عيبه أستهلاك مرتفع للبنزين. 2- الهارلى أو الكاستم( موتوسيكل ضباط الشرطة) :وده طبعا مش محتاج تعريف, ملوك الموتوسيكلات, مواتير كبيرة جدا فى السعة وقوة حصانية جبارة, يشبه من السيارات الكابريس, العزم قليل بالنسبة للريس, لاكن لما الريس يقفل عداده ده هيكمل, وطبعا أتقل من الريس بمراحل. وطبعا ده غير الريس فى قعدته وطريقة سواقته, لأنه بيتطلب قوة بدنية علشان توجههه, بس بتستريح من قعدة الريس ومشاكله, ومش لازم تلبس سيفتى كامل, وطبعا ده أكتر موتوسيكل مناسب لسفر, علشان قعدته مريحة جدا بالنسبة للريس وسرعته عالية وثابت ممكن تسيبه يمشى مع نفسه. عيبه أنه غالى جدا, وبتمن هارلى تجيب فيرنا على الأقل وتعمل منها عروسة, وأستهلاكه فى البنزين عالى جدا. 3- الأسكوتر(الفسبا): مش عارف دى محسوبة علينا موتوسيكل ولا لأ, المهم, الفسبا هى شركة أيطالية لتصنيع الأسكوترات اللى بيطلق عليها فى مصر أسم الفسبا وأشتهرت فى التمانينات والتسعينات فى مصر وأدت الأسكوتر أسمه. موتور صغير جدا وأقتصادى جدا فى أستهلاك البنزين, صيانة سهلة جدا, وقطع غيار موجودة, ومفيد جدا للمشاوير القصيرة ومريح فى سواقته وقعدته وثمنه رخيص. العيوب هى نفس المميزات,و أنا هسيب الصور تتكلم. 4- أنواع تانية: طبعا الموتوسيكلات الصينى مالية مصر, ومينفعش بأى طريقة تصنيفها حسب شكل أو موتور, علشان كده هنحطها فى فئة واحدة, الموتوسيكلات دى رخيصة جدا, وأستهلاكها للبنزين قليل علشان أمكانيتها المحدودة وسرعتها القصوى القليلة, والناس بتجيبها تبهدلها الا من رحم ربى من الناس اللى جايبنها لغرض معين. والعيال التييييييت عندنا بيجبوها ويشيلوا علبة الشكمان وصوته مزعج وعالى جدااااااااا, أكيد كلكم عارفين عين شمس عاملة أزاى. يمكن عيبه أنه فى موتوسيكلات منه قطع غيارها موجودة وفيه لأ, وممكن أثنين كل واحد يشترى موتوسيكل نفس النوع ومع ذلك واحد يبوظ بعد سنة والتانى بعد 10. 5- الدراجات الجبلية (dirt bikes): طبعا كعادة المصريين الجهابزة فى الفهلوة وأستخدام الحاجات فى غير أستخدامها, البايك ده معمول للطرق الجبلية مخصوص, وبره فى أمريكا مبيترخصش من المرور للطريق خالص, البايك ده بيتميز بمواتيره الصغيرة وعزمه اللى أعلى من الريس بمراحل وده بيديله تسارع جبار وقدرة على صعود المنحدرات, لكن هورس باور قليل جدا وبالتالى سرعة قصوى قليلة. وده مش مناسب للطرق العادية من جميع النواحى, الأطارات معمولة للأراضى الجبلية, سرعة قصوى قليلة, تانك بنزين صغير,أرتفاع عالى جدا بالنسبة للريس عن الأرض, وده بيفيده فى الأراضى الوعرة لكن بيديله ثبات أقل على الطريق وعادى بيمشى فى شوارع المحروسة منه كتير. نرجو أن تكونوا أستفدتم, والموضوع معملكوش ملل وأحباط زى ماعملى.
__________________
التعديل الأخير تم بواسطة Injection ; 29-07-2010 الساعة 09:24 AM |
#2
|
رد: فئات الموتوسيكلات.
تمام يا انجكشن بدايه قويه
انا مش من عشاق اتلموتوسيكلات بس قولت اخش ابارك و احييك علي موضوعك
__________________
حـازم خـضـر
|
#3
|
||||
|
||||
رد: فئات الموتوسيكلات.
تسلم ايدك انا حسيت انى معرفتش حاجة عن الموتسيكلات فى حياتى
__________________
الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون.... ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
|
#4
|
||||
|
||||
رد: فئات الموتوسيكلات.
العفو ياحازم باشا, ربنا يخليك لينا , وأشوفك راكب حتة نينجا ولا هيابوسا.
__________________
|
#5
|
||||
|
||||
رد: فئات الموتوسيكلات.
__________________
|
الكلمات الدليلية |
موتوسيكل, أنواع موتوسيكلات, بايك, ريس |
|
|