ممكن تفهموني .. أية الي مش عاجبكم في الاعلان الدستوري ؟!!!

[AbOnOrA]

المشاركة الأصلية كتبت بواسطة سهر الجنزوري AbOnOrA , miam0502788391 تيب اسمحلي اقول لحضرتك .. اني المجلس العسكري كان في إيدة جميع السلطات سواء تشريعية تنفيذية .. لفترة قرابة السنة ولما اعلن تسليم السلطة .. يوم 30/6 من فترة 6 شهور . كان في بعديها مجلس شعب وشوري . يقدر يعمل دستور ... لكن مع اختلاف القوي السياسية مرة واتنين وتلاتة .. وصلنا للوضع الحالي . وكنوع من الألتزام بالقانون انا لازم اصدر اعلان دستور مكمل . عشان الراجل ألي جي يحكم دة عالاقل يعرف هوة هيقول القسم قدام مين . صح كدا ولا انا غلطانة . اما بالنسبا لنقطة الاعتراض علي السلطة التشريعية .. فحضرتك دة مجلس شعب خايب وخيبنا معاة ( وجهة نظر ) واتحل بشكل دستوري . لذالك رجعت السلطة للعسكر تاني .. ولا يمكن اننا نحسبها انة طمع فيها . كدولة عسكرية مر عليها 60 عام لا يمكن ان تصبح من اول مرحلة دولة مدنية ... الامر ليس بتظاهر ويافطة وكام واحد فالميدان كل شىء بالعقل يتحسب . دلوقتي الي كسب هوة محمد مرسي انا بصراحة لا اثق في هذا الرجل ان يصبح لة سلطة علي الجيش المصري في الامور . دة راجل مش عارف يكلم كلمتين علي بعض اديلو سلطة بالمهلبية كدا وواضح اوي انو راجل ملوش في حاجة وماشي ورا المرشد فعلا " نكلم بصراحة بلاش دبلوماسية " فتتوقعو لما يعين قيادات فالجيش عشان تكون موالية لية هتكون مين ؟! غير شوية جلاليب ودقون !! بعدين محدش يقول في امريكا بيكون حق الحرب وحق مش عارف اية .. في ايد الرئيس . لاني امريكا اولها واخرها هما حزبين كبار يعني نص الشعب هنا ونص لشعب هنا . لكن في مصر كل يوم بدخل حزب شكل ولون ! وكمان وضعنا مش ناقص تحمل اخطاء حكماء جمال عبد الناصر عمل اية لما عمل فيها سبع الرجال ... قعدنا اهوة مش لاقيين اللضا . والتاني قالك كرامة كرامة واعمل حرب .. والتالت قالك عشان الحرب دية هتعيشو ربطيين الحزام50 سنة .. فخلاص بقا كفايانا قرارات عنترية ملهاش داعي . لازم اتنين وتلاتة يشتركو في القرار ويعرفو الكلام دة هيعمل فالبلد اية ..جهاز كان شغال وبيدير كل اجهزة الدولة من الاصغر للاكبر وبكدا ملوش دستورية ؟ بعدين استفتاء نعم ولا اول واحد دة... ماكان توضيح لطريقين مهو اعطي مجلس الشعب حقة الكامل في تأسيس لجنة للدستور واتفقنا علي ألا نتفق لازم ندي المجلس ألي لية وألي علية

معلش يا ست الكل متكتبيش اسمى كده تانى فى معرض ردود غريبة انا مش عارف مبنيه على انهى كلام

وفى المقابل ممكن حضرتك تستخدمى اداة الاقتباس لتوضيح الكلام المراد اقتباسه وقائله وبعدين تكتبى ردك عليه

[osama-x]

يعني ياريت نتناقش .. فالاعلان .. لاني شايفة اني ... مرسي .. او شفيق .. مش مضمونين
في الحتة دي انا موافقك جدا بس سؤال هو مين اللي قتل الشباب في محمد محمود و ماسبيرو و البالون و مجلس الوزراء و السفارة الاسرائيلية و 7 يناير ؟؟ مين اللي عمال يسجن كل واحد بيطالب بحقة ؟؟ مين اللي عرا ست البنات في التحرير ؟؟ مين اللي ساجن لحد دلوقتي فوق ال14000 الف في السجون العسكرية ؟؟ لو عرفتي الاجابة انزلي اقرب فرع من ميادين الثورة و طالبي باسقاطه لان اللي استباح دم و عرض في يوم علشان يحمي مصالحه اللي هية من مصالح امريكا و اسرائيل هييجي يوم و يعملها مع حد تعرفيه او معاكي علشان فكرتي تطالبي بحقك .. استقيموا يرحمكم الله

[goudai]

المشاركة الأصلية كتبت بواسطة samirayad على فكره على الرغم إنى معرفش حضرتك كويس من جهة الإسم والسن وخلافه بس فعلا أنا مقتنع جدا بأنك من المحامين المحترمين والأذكياء فى نفس الوقت ---------------------- فتحيه عطره منى لشخصكم الكريم

اشكرك جزيلا
وانا فعلا اكن لك ما لا تعلم مع اننى لا اعرفك معرفة شخصية واتمنى ان ياتى يوما اقابلك فيه لانه ببساطة يشرفنى ويسعدنى ان اتعرف على شخص عاقل ومحترم ومثقف
ك م/ سمير عياد