مجرد فضفضة فى زمن الإخوان

[Eng/salwa]

المشاركة الأصلية كتبت بواسطة reda310 5 لتر فى اليوم لا واللى فوق 1600 هياخد اللتر 6 جنيه يعنى التانك ال60 لتر اللى كان بيتملى كل اسبوع ب111 جنيه هيتملى ب360 فى الاسبوع يعنى تقريبا 1500 فى الشهر بنزين

حسبنا الله ونعم الوكيل

[ahmed el gendy]

يا جدعان انتوا هتشتغلوا اهالينا اخوان مين اللي بتوع دين العبوا غيرها اقولكم علي بتوع الدين انا شغال مندوب دعايه ف شركه ادويه وفيه دكتور اخوانجي باروح له وتشوفه ده راجل سكره شيخ اصلي وهو اخواني ومن القيادات كمان اعتقد المهم الراجل طلب مني يحضر مؤتمر علي نفقه شركتي والمؤتمر اصلا احنا بنشترك فيه اغلب السنوات المهم وعدته ان الموضوع ده خلصان والراجل قعد يكتب لي الدواء بتاعي كويس جدا واشتغل ميه ميه المهم لقيت قبل المؤتمر باسبوع الورق بتاعه خلصان والدكتور الاخوانجي محجوز له ف المؤتمر بس للاسف محجوز له تسجيل بس يعني انه يحضر المؤتمر لكن للاسف مش محجوز له اقامه ف الفندق اللي فيه المؤتمر والمؤتمر كان ف القاهره والدكتور من الزقازيق تكلفه التسجيل ف المؤتمر اللي احنا عملناه له 1500 جنيه وتكلفه الاقامه ف الفندق 4 ايام اللي هي عدد ايام المؤتمر لن تقل عن 3000 جنيه
المهم انا بصراحه ما انزعجتش لما شركتي قالت لي انه الدكتور له يحضر المؤتمر والاقامه مالناش دعوه بيها ورحت للراجل عادي ولا كأن حاجه حصلت واعتزرت له عن ان مفيش تسجيل لقيته بيقولي لا خلاص كده المؤتمر ده مايلزمنيش نهيت معاه الموضوع بطريقه شيك وخرجت
بعدها بيومين قابلته ف المستشفي وكلمته عن الدواء بتاعي عشان افكره ليكون نسي لقيته بيقولي معدتش هاكتبه تاني خااااالص عشان مينفعش اللي حصل ده
طبعا انا استغربت جدا ان دواء هو جربه وكتبه ونتايجه كانت حلوه جدااا ويسيبه ويكتب منافس تاني علي الرغم ان الدوا بتاعي ارخص واحد ف البدايل اللي زيه والفرق ف السعر 23جنيه ف العلبه الواحده والمريض بيمشي عليه لمده طويله لا تقل عن 6 شهور لانه مرض مزمن والعلبه بتكفي 7 ايام

طبعا هي دي الناس بتاعت ربنا يكلف مريض طلعان عين اهله ف القرش 23جنيه اسبوعيا عشان هيطلع مؤتمر وينام ف فندق وياكل كباب وكفته ببلاش

بس بصراحه يومها انا هزقت ابوه بالزوق قلت له انت بتكتب الدوا ده عشان كنت عاوز تطلع مؤتمر ولا عشان مقتنع بيه ؟؟؟ مردش عليا واتهرب من الاجابه
طبعا ده اخوان زي ما قلت لكم ف الاول ومن القيادات بتاعتهم كمان وسلملي علي بتوع ربنا

[reda310]

لا حول ولا قوة الا بالله دا البنزين بس دا التقيل جاى ورا
اصبروا بس اما الانتخابات تعدى ويعدوا هنتروق

[Eng/salwa]

السلام عليكم ورحمة الله وبركاته

هل لاحظتم إخوانى الكرام زيادة فواتير الكهرباء والغاز والمياه من الشهر
اللى فات الكهرباء تقريبا زادت 30%

وهل لاحظتم زيادة سعر الأدوية
معظم الادوية سعرها زاد جدا

وطبعا كلنا لاحظنا زيادة اسعار السيارات الجنونى

يبدو ان النهضة معناها نهضة الاسعار للسلع وخلافه

كل يوم اكتشف انى كنت مش فاهمة مشروع النهضة خااااالص





البقية تأتى ولنا الله

[AbOnOrA]

ايام المظاهرات كنا بنهتف ونقول كيلو العدس بعشرة جنية الغلابة تعمل ايه دلوقتى كيلو العدس بقى ب 18 جنية وممكن اكتر وكل حاجة يا ست الكل غليت السمك حتى غلى وكل حاجة فى السوق المدام يومياً بتقولى غليت والحجة دلوقتى علشان السولار وتكلفة نقل البضائع بقت اعلى
حتى من يومين كنت بتفق مع صنايعى على شغل رخام لقيت الاسعار هى كمان غليت والحجة برضو السولار طبعاً ازمة السولار كبيرة ومؤثر لكن مش بالشكل المباشر ده لكن هى العادة عندنا ان اى سلعة استراتيجية بتغلى بتشد معاها كل حاجة تانية وكل ده ولسه متوقع استمرار الزيادات لاخر السنة

انا بصراحة مشفق على الناس اللى كانت مصدقة ان فيه حاجة اسمها مشروع نهضة غير نهضة الجماعة نفسها ولحساب نفسها ان شاء الله يكون التمن ان البلد كلها تدفن بالحيا