استفسار من اصحاب الماتركس

[darsh1511]

المشاركة الأصلية كتبت بواسطة tham1010 فرامل يا . السبب بيكون فى الفرامل ممكن أسألك شوية أسئلة 1- أنت عملت شغل فى العربية علشان تظهر المشكلة دى؟ 2- هل فى تأثير على العربية من حيث الفرملة سواء فى اليد أو فرملة الرجل؟ 3- هو اللمبة بتكون مولعة كل مرة بتسوق فيها العربية ولا مرة أة ومرة لا. 4- هل بتنور اللمبات مع أول بداية الحركة بالسيارة أم لما تمشى فترات؟ 5- هل مرتبط ظهور نور اللمبات مع الفرملة. يعنى مثلا لو مشيت لفترة بدون فرملة هل اللمبات بتفضل مطفية... طبعا أنا عارف انك مغير تيل فشوف الطنابير وكمان زيت الفرامل. ولو كله تمام يبقى حساس من الحساسات بعافية. وأغلب الظن هو الحساس لانه هو اللى يعطى الإشارة للكمبيوتر للإنذار...

متشكر جدا ياتامر على الاهتمام عايز اقلك انى رحت عند الكهربائى و قلى روح عند المكانيكى وخلية يشوف الحساس بتاع abs وانا رايحلة السبت ان شاء اللة و هبلغك انا عملت اية و شكرا مرة تانية على الاهتمام لانى انا رايح و انا فاهم علشان محدش يعك و انت فاهم بقى الصنيعية

[walidelmorsi]

حقيقى معلومات قيمة للغاية لكم جزيل الشكر

[tham1010]

ربنا يعديها على خير يا مصطفى. انا كنت حاسس ان الحكاية هتكون الحساس بتاع الفرامل ولكن قول يا رب يكون بس الحساس فاصل السلكة بتاعة ومش يكون بايظ لانه من الصعب ان تلاقى الحساس دة لان عم غبور مش بيحط فرامل ABS فى الماتركس, والاستيراد ساعات مش بيكون متوفر دائما. ابقى قولى حصل ايه يا

[darsh1511]

المشاركة الأصلية كتبت بواسطة tham1010 ربنا يعديها على خير يا مصطفى. انا كنت حاسس ان الحكاية هتكون الحساس بتاع الفرامل ولكن قول يا رب يكون بس الحساس فاصل السلكة بتاعة ومش يكون بايظ لانه من الصعب ان تلاقى الحساس دة لان عم غبور مش بيحط فرامل ABS فى الماتركس, والاستيراد ساعات مش بيكون متوفر دائما. ابقى قولى حصل ايه يا

انا رحت عند المكانيكى و حط العربية على الجهاز وجاب abs وجد ان فى مشاكل على الجهاز كمبيوتر العربية قريها و وبعدين قلى هعمل حاجة زى رستارت فى الكمبيوتر او رفرش وهشوف تانى لو ظهر نفس العيب يبقى نفك الحساس بتاع abs و على فكرة قلى انة متواجد ممكن نشترية بس مكنش عارف سعرة كام و الحمد الله اللمض منورتشى تانى ولا ظهر حاجة تانى على الجهاز بتاعة وطلع جرب العربية و ان كنت معاة وجرب الفرامل و قلى ان abs شغال كويس و منورش الطبلوة تانى و قلى جرب فى مشوار طويل لو نور تانى يبقى الحساس فية مشكلة و كشف على المتور و الحمد الله طلع مظبوط و مظهرش حاجة علة الجهاز عندة و اخد منى 30 جنية بس انا لسة مجربتش العربية فى مشوار طويل انا مشيت بيها مشاوير صغيرة جدا و منورش الطبلوة تانى

[tham1010]

الحمد لله يا مصطفى.. العربيات الحديثة دى عقدة بجد يعنى كل حاجة فيها كمبيوتر وهيصة وأى خلل بسيط يلخبط الدنيا بس خلاص الواحد اتعود على الرفاهية يعنى البور ستيرنج والكبالن والإنجكشن. ربنا يباك لك يا مصطفى. ويارب لا تحرمنا من خبراتك...