مشكلتين

[اشرف صلاح الدين]

1- ليه بحس وأنا سايق اسبيرانزا a 113 ان الجانب الأيمن من السيارة يميل أكثر وبالتالي بلف الدراكسيون ناحية الشمال علشان احس ان العربية مضبوطة وعلي استقامة واحدة.
2- اثناء الضغط علي الفرامل تحدث حاجة غريبة الفرامل بتنتش تحت قدمي لدرجة انني بأحس بأني مش عارف افرمل فما هو السبب

[mhamdy75]

إجابة السؤال رقم 2

الفرامل كده طبيعيه لأنها ABS

[احمد على 1999]

يعنى العربية بتحدف يمين ؟ و لا رسمة الدركسيون لو معدولة العربية تحود يمين ؟
على العموم فى الحالتين ظبطت الزوايا و ظبط ضغط الكاوتش حيحلوا المشكلة بإذن الله

[luaai]

المشاركة الأصلية كتبت بواسطة اشرف صلاح الدين 1- ليه بحس وأنا سايق اسبيرانزا a 113 ان الجانب الأيمن من السيارة يميل أكثر وبالتالي بلف الدراكسيون ناحية الشمال علشان احس ان العربية مضبوطة وعلي استقامة واحدة.

لازم تكشف على الآتي بالترتيب:
1-ضغط الكاوتش (الأمامي الأيمن بالتحديد) ممكن يكون ضغط الهوا أقل من الشمال وتحدف معاك وتظبطها بإنك تحكم الدركسيون للشمال شوية


الحل: ضبط الفردتين الأماميتين على نفس القيمة تماما (طبعا على أد ما تقدر ماحدش بيوصل لـ "تماما" دي 100%)



2- المساعد الأمامي الأيمن (ممكن يكون ضارب منك وأنت مش واخد بالك)


الحل: لو السيارة جديدة تروح عالتوكيل ولو بره الضمان اكشف عليها عند عفشجي محترم
مع إني أشك إن طول المساعد ممكن يتغير بالسهولة دي


3- زوايا العربية (حد عنده ضمير وممكن توصل له بإنك تحدد مكان سكنك والأعضاء يقترحوا عليك حسب المسافة)


الحل: طبعا أظبط الزوايا عنده وتخرج تجرب العربية والعفشجي معاك لحد ماتحس انها اتظبطت



4- المقصات الأمامية (ممكن المقص اليمين يكون مرحل ورا نتيجة خبطة في الرصيف)


الحل: نفس اللي فات والعفشجي هو اللي يحدد إذا كانت يتعمل لها زرجينة ولا تتغير

المشاركة الأصلية كتبت بواسطة اشرف صلاح الدين 2- اثناء الضغط علي الفرامل تحدث حاجة غريبة الفرامل بتنتش تحت قدمي لدرجة انني بأحس بأني مش عارف افرمل فما هو السبب

هو ده الطبيعي لأن دي الفرامل الـ ABS ويفضل عمل الآتي:



شارع واسع مافيهوش عربيات (ماتقولش فين، إتصرف)
حط كرتونة فاضية في آخر الشارع وامشي على سرعة في إتجاه الكرتونة وحاول تقف قبلها
وجرب فرامل عربيتك لحد ما تتعود على مسافة التوقف بتاعتها وصوت الفرملة وإحساس رجلك بالبدال
المفروض لما البدال يرقص تحت رجلك و(يزغزغك) تفضل دايس أو تتقل رجلك كمان

وقول لنا برضه السبب كان إيه عشان نتعلم لو حاجة جديدة

[اشرف صلاح الدين]

أشكر جميع الزملاء الكرام علي الرد المتواصل السريع .. وأني بكل تواضع سوف أرد علي الإجابات بعد ما أروح لعفشجي كويس كما قلتولي . إما مكان سكني فأنا من حلوانوبصراحة ماأعرفش عفشجي كويس ياريت لو أنتم عارفين أومن حلوان قلولي وجزاكم الله خيراً .. بس قبل ماأروح لسة من يومين ظهرت حاجة تانية وهي صوت سريخ أو صفارة حادة عندلف الدريكسيون حتي وأنا واقف وسألت سواق عندنا في الشغل قاللي لازم تشحم مش عارف هل ده صح ولا لأ عموماُ سوف أتابع معاكم آخر التطورات وشكراً جزيلاً