محتار بين 131 - 132 - ريجاتا - بولونيز - 504 - 305 - 929 ارجو الافاده

[saadelden]

احسن خيار ليك 131 او 132 لو حالتهم كويسه مش هيعدو 18 الف و يكون معاك 2000 عشان لو فيهاا حاجه مش مظبوطه و تغيير الفلاتر و طقم الكهربا
المهم الفيات بالذات قطع غياره موجوده ف كل حته و رخيص جداا جداا غير المازدا هتقعد تدورلها علي قطع غيار و هتلاقيها غاليه
الصاج بتاع ال 131 بيرجع زي ماكان حتى الشاسيه و القوايم لو اتعملت صح بترجع زي الاول و عن تجربه

طبعا عشان توفر ماتجيبش ماتور يزيد عن 1600cc عشان مايبقاش حريقه بنزين و ماتدفعش كتير ف الترخيص
و عشان انت مشوارك طويل ف 1600 هيبقى حلو معاك و هيشد جامد طالما مظبوط

[zico7m]

المشاركة الأصلية كتبت بواسطة harpoonattack انا ارشحلك : 1- ريجاتا 2- فيات 131 والاتنين زى الفل وعن تجربه شخصيه وبالنسبه للسعر اللى انت محدده فادلوقتى العربيات تعتبر فى الارض وان شاء الله تجيب حاجه من الاتنين كويسه وكويسه اوى كمان وانا رأئى لو لقيت ريجاتا كويسه 87 او 88 مثلا نضيـــــــــفه اتوكل على الله وطبعا هتكون فابريقه دواخل وسعرها هيكون 17000 تقريبا ......... والله الموفق خالص تحيـــــــاتى

ريجاتا ب 17000 ايدي علي كتفك وربنا يكرم

[harpoonattack]

المشاركة الأصلية كتبت بواسطة zico7m ريجاتا ب 17000 ايدي علي كتفك وربنا يكرم

ايوه وده توبها وعلى فكره انا اشتريت من حوالى شهر ونص ريجاتا بتاعة دكتور موديل 87 فابريقه جوه ولونها رصاصى حالتها كويسه وكان طالب 17000 وخلصناها 16000 وده كمان عشان انا شفت العربيه لقيتها تمام فامحبتش ابخثها للراجل فاخدناها بالتمن ده واديت للراجل اللى كان مودينى 200 يعنى يعتبر وسيط . يعنى وقفت علينا ب 16200 وعربيه ما شاء الله وربنا يرزقك بحاجه زى دى .

خالص تحيــــــاتى

[zico7m]

المشاركة الأصلية كتبت بواسطة harpoonattack ايوه وده توبها وعلى فكره انا اشتريت من حوالى شهر ونص ريجاتا بتاعة دكتور موديل 87 فابريقه جوه ولونها رصاصى حالتها كويسه وكان طالب 17000 وخلصناها 16000 وده كمان عشان انا شفت العربيه لقيتها تمام فامحبتش ابخثها للراجل فاخدناها بالتمن ده واديت للراجل اللى كان مودينى 200 يعنى يعتبر وسيط . يعنى وقفت علينا ب 16200 وعربيه ما شاء الله وربنا يرزقك بحاجه زى دى . خالص تحيــــــاتى

يا ريت تنصحني بالظبط اعمل ايه علشان الاقي حاجه بالسعر ده "ممكن سوق الجمعه"

[saadelden]

المشاركة الأصلية كتبت بواسطة zico7m يا ريت تنصحني بالظبط اعمل ايه علشان الاقي حاجه بالسعر ده "ممكن سوق الجمعه"

ابعد عن سوق الجمعه كله تجار و اسعارهم عاليه و بيبيعو عربيات مضروبه و خلصانه

حاول تخلي ميكانيكي او حد قريبك بيفهم ف العربيات يدورلك علي واحده
و قبل ماتشتريها ارفعها في بنزينه و اكشف عليها

الريجاتا حلوه بس حاول تشوف موديل اعلي شويه
انا اما كنت بدور الريجاتا 87 كانت ب 22 الف كامله و ال 131 موديل 83 بردو ب 22 الف بس الفرق ان ال 131 الشاسيه بتاعها اقوي بكتيير

لكن لو لقيت ريجاتا في حدود 17-18 موديل احدث شويه هتبقى لقطه