طعنة في قلب "رينو" (ميجان بالتحديد)

[hazem_khidr]

الف شكر ليك يا هاني باشا علي موضوعك
الميجان بصراحه ناس كتير اشتكت منها
و السوق مش عبيط او اهبل علشان يقول علي عربيه كويسه انها وحشه فعلا
مع احترامي لجميع ركابها
بس عربيه زي دي عاوزه اوربا و دخول مرتفعه مش الدخول بتاعتنا ابدا

[Payoo]

المشاركة الأصلية كتبت بواسطة tronky يا باشا أنت بس تأمر................... أنا كنت مأمن معاهم لحد شهر 6 اللى فات وغيرت للدلتا

طب ياريت تقولنا تقرير عن "دلتا" وإذا كانت شركة جامده وللا زي غيرها ونسبة التأمين كام ؟

سبب عدم التأمين هو أنهم شايفين أن قدع غيار الفرنسى والألمانى مبالغ فيها وكلفتهم كتيييير قوى فى حوادث السنة اللى فاتت.....واللى أتقالى ساعتها أنهم بيفكروا يرفعو سعر التأمين على الفرنسى والألمانى.......

أنا شايف أنهم ماعندهمش حق في النقطة دي لان العربيه كل ما سعرها كان غالي كل ما المبلغ نفسه بيزيد ومافيش فرنساوي ولا الماني رخيص اصلا

سيبك بأه من قصة التأمين التعاونى التكافلى الأسلامى اللى بيقولو عليه فى بيت التأمين المصرى السعودى عشان هما أصلاً ما بيصدقو يعرفو ينصبو عليك فى أى حاجة.

أهو أكثر حاجه بتضايقني ptmnlo123per111 في حياتي الناس أو المؤسسات إللي بتستخبى ورا الدين و يتكلموا بلسان الدين وهما أصلا نصابين وحراميه (وياما الواحد شاف من النوعية دي كتير) ptmnlo123per1125

وعلى فكرة لما كلمته عن نسب التوزيع إللي وزعوها اخر سنة رد عليا وقاللي
"أحنا من ساعة ما عملنا قسم السيارات ما وزعناش أرباح خالص لأن القطاع ده مابيكسبش نهائيا"

مش لو الأيرباجز بتفتح لوحدها كان الأولى أنها تفتح فى الحوادث دى ؟ و أنا برضه فهمت من حضرتك أن بتعمل كيلومتر عالى......ممكن تقولى أيه اللى حصل فى الأيرباجز عندك ؟

أنا مغير باب بسبب خبطة شديدة و الإير باج مانفتحش ولا حاجه ptmnlo123per140

ptmnlo123per188

المشاركة الأصلية كتبت بواسطة ayman abdelrazek يا بايو سلامو عليكو الاول

وعليكو السلام ورحمة الله وبركاته
أتفضل يا عرب ptmnlo123per177

اولا بحييك على اختيار عنوان الموضوع (طعنه فى قلب رينو) وميجان بالتحديد ينفع عنوان مسلسل او فيلم بوليسى على فكرة انا مش بتريق ولا حاجه

الكام سنة برضه إللي الواحد اتفرج فيهم على ليالي الحلمية ورافت الهجان والسقوط في بئر سبع خالوا الواحد بقى متأثر تليفزيونيا

ثانيا انا حاسس انك بالفعل مش موفق مع العربيه الميجان وبتتحامل عليها اوى من خلال مواضيع سابقه

لاني بصراحة كنت متوقع منها اداء وراحة بال اكثر من كده يليق بشكلها الجميل على الأقل

لما عرفت مراكز بتصلح زى التوكيل واحسن وارخص وهى نفس البيجو ال307 فى كل حاجه اطمنت وبقيت موفق معاها جدا جدا.

ياسيدي الفاضل أنا مابتعاملش إلا مع التوكيل أو مركز خدمة "الميكانيكيون العرب" وهو مركز معتمد
ومع ذلك بلاقي دايما أشتغالات جامده قوي بتحصل وكأني جاي من كوالالمبور طازة

العربيه يا هانى زى الجواز ممكن جدا تبقى انت كويس والعروسه مش تمام تبقى الحياة اعوذ بالله وممكن تبقى الميجان أأقصد العروسه كويسه والعريس مش تمام تبقى الجوازة مش موفقه...

يا عم انا تمام التمام وزي الفل ومش عاوزين نتكلم عن نفسينا لامؤاخذه ptmnlo123per181

أخر القول ياباشا شفلك حل يا تطلقها يا تخلعك يا تطلبها فى بيت الطاعه وبعدين ماانت متجوز عليها ينفع كده يا عم هانى

والله العظيم ما لاقي مأذون يطلقنا قصدي سمسار يبعهالي وبدلل عليها مش لاقي حد يشتريها ومستعد اخسر شوية كمان (بس مش خسارة جامده يعني) ptmnlo123per1106

المشاركة الأصلية كتبت بواسطة sam ram انت اللي بتختار العربيه و تشتريها وانت اللي بتبيعها .... ليه تستحمل عربيه مش على مزاجك.... العشرة ؟!! ولا كلام الناس؟!!

المشكلة اني مش لاقي حد يشتري والله يا جدعان ولو حد أتكلم عليها ألاقيه بقول 70 ألف ويقوللي هو ده توبها في السوق .... ده يرضي ربنا ده ؟

بيــع يا لطفي على رأي محمد صبحي على الاقل عشان تستريح و نستريح معاك .... والله صعبت علياptmnlo123per191

جااااااااااي
تصدق بالله انا شكلي هاتعلم الباتيناج زي "سنبل" و ومش هاركب عربيات خالص
ptmnlo123per150

اهو يا عم tronky طلعلك اهه ... وطلع عارف الموضوع والرد جاهز.... (ابوس ايدك يا tronky ارحم payoo شويه ..... ده لو عفريت مكنش لحق رد عليه بالسرعه دي.... ولا انت كنت مجهز الرد؟!!!!!

سيبه يا ريس TRONKY ده حبيبي ولو انه تقلان عاليا وما اتصلش بيا لحد دلوقتي بالرغم من اني بعت له تليفوني في رسالتين لحد دلوقتي

المشاركة الأصلية كتبت بواسطة tronky مش كده برضه ؟..... أنا بس بحاول أنى أساعده يحب الميجان شوية طالما مش هيبعها ptmnlo123per1114

وأنا سعيد بمساعدتك دي لاني فعلا هاحاول أتئقلم معاها وأحسس عليها واعاملها معاملة الهوانم من هنا ورايح ptmnlo123per1119

وبالنسبة للرد.........يا باشا أنا أى شئ يخص عربيتى تلاقينى جاهز أن شاء الله ( أى عربية عدت عليا مش الميجان بس)ptmnlo123per179

طب يا ترى الـEOS عدت عليك ؟
لاني بصراحة عاوز اخد الخطوة دي ومتردد من فترة وعاوز أعرف بس أي حاجه تطمن قلب في الفلوس إللي هاتدفع فيها
ياريت حتى لو تعرف حد معاه EOS تساله عنها

المشاركة الأصلية كتبت بواسطة hazem_khidr الف شكر ليك يا هاني باشا علي موضوعك الميجان بصراحه ناس كتير اشتكت منها و السوق مش عبيط او اهبل علشان يقول علي عربيه كويسه انها وحشه فعلا مع احترامي لجميع ركابها بس عربيه زي دي عاوزه اوربا و دخول مرتفعه مش الدخول بتاعتنا ابدا

وكفاية إن سوق المستعمل حكم عليها بالأعدام وبتتباع باقل من نصف تمنها
وأنا كنت فاكر نفسي ناصح لما أشتريته بفرق سعر 45 ألف جنيه ptmnlo123per1127

[tronky]

المشاركة الأصلية كتبت بواسطة hazem_khidr الف شكر ليك يا هاني باشا علي موضوعك الميجان بصراحه ناس كتير اشتكت منها و السوق مش عبيط او اهبل علشان يقول علي عربيه كويسه انها وحشه فعلا مع احترامي لجميع ركابها بس عربيه زي دي عاوزه اوربا و دخول مرتفعه مش الدخول بتاعتنا ابدا

هو ليه يا جماعة محدش بيتعب نفسه و يبص على الأسعار بتاعة قطع الغيار ويقارن؟؟؟
يعنى يا أستاذ حازم.....بناءً على أيه قلت أنها عاوزة دخول مرتفعة؟.....أمال البى أم والمرسيدس عاوزين أيه بأه ؟؟؟
يا جماعة حد يدينى مصحف أحلف عليه عشان تصدقوا كلامى....مع أنى مش هستفاد من وراه حاجة

الميجان كل اللى عاوزاه المحافظة على الصيانة الدورية.......مش أكتر من كده
هل انت مبتعملش صيانة دورية لو معاك عربية زيرو ؟

المشاركة الأصلية كتبت بواسطة Payoo طب ياريت تقولنا تقرير عن "دلتا" وإذا كانت شركة جامده وللا زي غيرها ونسبة التأمين كام ؟

أنا مأمن تبع الشغل عشان كده هتلاقى النسبة قليلة.....1.8 تقريباً وهى شركة كويسة مش وحشة بس لا ترقى لمستوى كونتاكت مثلاً

المشاركة الأصلية كتبت بواسطة Payoo أهو أكثر حاجه بتضايقني ptmnlo123per111 في حياتي الناس أو المؤسسات إللي بتستخبى ورا الدين و يتكلموا بلسان الدين وهما أصلا نصابين وحراميه (وياما الواحد شاف من النوعية دي كتير) ptmnlo123per1125

شفت بأه ptmnlo123per144

المشاركة الأصلية كتبت بواسطة Payoo أنا مغير باب بسبب خبطة شديدة و الإير باج مانفتحش ولا حاجه ptmnlo123per140

يا باشا أى أيرباج فى الدنيا ليها عوامل محددة عشان تفتح.....يعنى خبطة من الجنب بقوة معينة ممكن متخليهاش تفتح.....بس خبطة بنفس القوة من قدام لا قدر الله تخليها تفتح
أنا كمان لسه مخبوط من 3 أيام بالظبط فى الجنب اليمين والأيرباج مفتحتش.......رحت التوكيل عشان أودى العربية لقيت عربية تانية الجنب بايظ برده بس الخبطة واصلة للقوايم.........وكل الأيرباجز اللى فى الناحية دى بس فاتحين....و الباقى لأ

طب أنت عندك فكرة الأيرباج الخلفية حجمها أد أيه ؟؟؟ يعنى بتاعت السواق بتبقى تقريباً فى حجم الكاوتش كده.....واللى فى كرسى السواق بتبقى تقريباً نفس الحجم.......تعرف دى بأه قد أيه ؟

المشاركة الأصلية كتبت بواسطة Payoo ياسيدي الفاضل أنا مابتعاملش إلا مع التوكيل أو مركز خدمة "الميكانيكيون العرب" وهو مركز معتمد ومع ذلك بلاقي دايما أشتغالات جامده قوي بتحصل وكأني جاي من كوالالمبور طازة

أسماء ناس...............أنا عاوز أسماء ناسسسسس.......هوديهملك فى داهية....بس أنت قوللى الأسماء

المشاركة الأصلية كتبت بواسطة Payoo سيبه يا ريس TRONKY ده حبيبي ولو انه تقلان عاليا وما اتصلش بيا لحد دلوقتي بالرغم من اني بعت له تليفوني في رسالتين لحد دلوقتي

الله يكرمك يا برنس...أن شاء الله هكلمك النهاردة بعد الشغل

المشاركة الأصلية كتبت بواسطة Payoo طب يا ترى الـEOS عدت عليك ؟ لاني بصراحة عاوز اخد الخطوة دي ومتردد من فترة وعاوز أعرف بس أي حاجه تطمن قلب في الفلوس إللي هاتدفع فيها ياريت حتى لو تعرف حد معاه EOS تساله عنها

تأمرنى يا معلم..........قولى بس أنت عاوز تعرف أيه بالظبط.....انا معايا واحد فى الشغل معاه واحدة مو 2007 ..... معلوماتى بتقول أنها نفس الجولف فى كل حاجة .

[sam ram]

المشاركة الأصلية كتبت بواسطة Payoo المشكلة اني مش لاقي حد يشتري والله يا جدعان ولو حد أتكلم عليها ألاقيه بقول 70 ألف ويقوللي هو ده توبها في السوق .... ده يرضي ربنا ده ؟ وكفاية إن سوق المستعمل حكم عليها بالأعدام وبتتباع باقل من نصف تمنها وأنا كنت فاكر نفسي ناصح لما أشتريته بفرق سعر 45 ألف جنيه ptmnlo123per1127

طب و الحل ايه .... ما هو يا تمشيها و تستعوض ربنا ..... يا تعصر على نفسك ليمونه .... و ماعتقدش ان الحل ده حيريحك لان واضح انك كرهت العربيه خلاص ونفسك اتسدت منها حتى لو الناس قالت فيها اشعار.....
انا والله ما كنت بتريق ... لكن كنت بحاول احط السم في العسل .....
( بيع يا لطفي ... لأن سنبل كان بيبع بخساره)
حضرتك فعلا صعبت عليا لأني لو كنت مكانك اكيد كنت حتضايق .... انا مش عايز اقعد اقول امثال و اللي يشوف ايه تهون عليه ايه أو احكي شوف علان حصله ايه و الكلام ده ptmnlo123per167 .... انما الحمد لله انها جت على قد كده ...

معلش اذا كان اسلوبي الاولاني ضايقك ....بس انا تابعت الموضوع من البدايه خصوصا موصوع (حقيقه الميجان) و مرضتشي اتدخل فيه بس لمل قريت الموضوع ده حسيت اد ايه انت متضايق من العربيه ... والناس بتحاول تقنعك بالعافيه ......او بمعنى اصح ناس بتقولك العربيه حلوه و زي الفل وانت اللي مش مقدرها.... ومن ناحيه تانيه انت بتدور على اي سبب تطلع بيه اللي جواك وشايف ان مفيش حد حاسس بحرقه دمك...
ارجع تاني اقولك ... حضرتك مش محتاج سبب ( العربيه مش عجباك و محدش له عندك حاجه) ...
وعلى فكره انا كان ليا تعليق على جمله لtronky في موضوع (حقيقه الميجان-ازاي عربيه 101 حصان تعدي من 115 حصان) ... بس مرضتش اتطفل على الموضوع و قلت اسيبه يقفل لوحده .. ففتح تاني هنا!!!
ومره تانيه بأعتذر عن اي ضيق سببته ليكptmnlo123per1127

[sam ram]

Eos مبنيه على شاسيه الجولف وهي و الجيتا و الجولف بيستخدموا نفس المواتير .... وان كان موتور الeos اللي بتنزل مصر 115 حصان ... وموتور الجولف و الجيتا 102 حصان...
بس اهم حاجه اسأل على ال resale... لأن اي عربيه كوبيه او كابريوليه في مصر سعرها بينزل جامد ومننساش الهوندا CRX
وربنا يوفقك