ندرة الحديث عن البيجو 504

[basosi]

اي استفسار عن البيجو في حدود معرفتي اقدر افيدكم فيه لأنها كنت راكب GR 79 من سنة 2002 حتى 2010 يعني 8 سنين كنت باخدها من دمنهور لاسكندرية في 20 دقيقة بالبيجو سنة 2003 كنت مروقها الصراحة
وبعدين اللي يقولك دي بتعوم وخفيفة والكلام ده كله فشنك هو اللي ظبطها الصراحة الجنوط والباور
انا لحد اخر مرة كانت بتجيب 160 مرتاح
اتذكر كنت جاي من قرية الحجاج في السويس بالليل الى الاسكندرية وراجع زراعي وكنت ماشي لوحدي ومن عند ايتاي البارود لحد اسكندرية مشينا 6 عربيات بيجو مع بعض 2 اجرة 7 راكب ، عربية واحدة تحت الطلب قابلتها بالصدفه وهي دي العربية الوحيدة اللي كانت فايقة وسريعة ، 2 صالون جي ال ، وانا بالبيجو عاوز اقول لكم كان في نوبيرا كحلي معرفش يعدي مننا كنا احنا السته قافلين عاليه دي كان احلى موقف سفر مشيت فيه لأن كان عربيات بحيرة وكفر الشيخ وشرقية وانا وعربية تحت الطلب بس اسكندرية وكنت منطلق مافيش عربيات قدرت تصد معانا ده العربية تحت الطلب ده كان ماشي 170 مع انه استيشن وانا كنت ماشي معاة ودايس على الاخر
لأ البيجو 504 عربية مالهاش مقارنة الا مع المرسيدس اللي في نفس وقتها
افتكر ان كل الناس كانوا بيقولولي ان 504 دي خسرت شركة بيجو جامد لأنها حققت مبيعات كبيرة للموديل ده وماحدش كان بيرضى يشتري أي موديل تاني بيجو مثلا كان وقتها 305 ، 304 ، 205 ، 505 ، 604 بقت الشركة تنتج ومافيش مبيعات الا 504 هي اللي كان عليها اكتر الطلبات
اسف للاطالة
اخوكم سامح الباسوسي

[basosi]

البيجو 504 لو فولتها من اسكندرية المؤشر يبقى خلاص في سفاجا لازم تفول تاني بما يعادل 800 كم تقريبا البيجو صالونها ممتاز احسن صالون الصالون الاوروبي
انا البيجو اللي كانت معايا عدت المليون كيلومتر من سنة 1979 الى 2010 وعربية قوية بس عيبها الصاج بتاعها غالي جدا يعني الباب مثلا يعدي 1300ج ، قطع الغيار غالية جدا بس الحقيقة معمرة وقت طويل جدا

اللتر في الطوالي في البيجو GR كاربراتير باب واحد بيمشي على سرعة 100 كم/ساعة أكتر من 15 كيلو عن تجربة وكمان ماتحسش بالسفر فيها تنزل من العربية ضهرك مش واجعك
بس قصدي الصالون انما انا ما سافرتش سايق بيجو استيشن
يعني بتعوم ولا ثابته ما جربتش
لكن انا ركبت باور وجنوط العربية واسبراتير اليكتروني اتظبطت بقت احسن من اللانوس 100 مليون مرة

البيجو لا يعلى عليها طبعا اسم من ذهب واتعملت فعلا عشان السفر كل حاجة فيها واسعة صالون وشنطة

ولكن اية اللى نزل سعرها غير قطع الغيار اللى غالية جدا

[خالد الجوكر]

بس انا عرفت معلومه كده من قريب عن العربيه دى ان ف بلاد ف مصر بتبقا العربيات دى مش محببه للناس فبيبقا سعرها تحت يعنى

غير البلاد اللى بتبقا معظمه العربيه دى زى الشرقيه مثلا والعا ناااار

انا من الشرقيه وقولت قبل كده العربيه دى بتجيب منها الفبريكه جوه بس ممكن صاحبها يطلب فيها 40 ولو راشه جوا بيتكلم ف 35

مفيش تفاهم لكن برا الشرقيه ممكن تجيبها بأقل من كده

دا على حد علمى

تحياتى ..

[Marlborooo]

المشاركة الأصلية كتبت بواسطة خالد الجوكر بس انا عرفت معلومه كده من قريب عن العربيه دى ان ف بلاد ف مصر بتبقا العربيات دى مش محببه للناس فبيبقا سعرها تحت يعنى غير البلاد اللى بتبقا معظمه العربيه دى زى الشرقيه مثلا والعا ناااار انا من الشرقيه وقولت قبل كده العربيه دى بتجيب منها الفبريكه جوه بس ممكن صاحبها يطلب فيها 40 ولو راشه جوا بيتكلم ف 35 مفيش تفاهم لكن برا الشرقيه ممكن تجيبها بأقل من كده دا على حد علمى تحياتى ..

البيجو ديه منطقة حرة بورعيد فبريكة دواخل سعرها من 8 الي 10 الاف

ملاكي حدود 17 او 18 فبريكة دواخل

ومبتتبعش

[خالد الجوكر]

المشاركة الأصلية كتبت بواسطة ابو الشوق كاديلك البيجو ديه منطقة حرة بورعيد فبريكة دواخل سعرها من 8 الي 10 الاف ملاكي حدود 17 او 18 فبريكة دواخل ومبتتبعش

هااااااااااااار اسووووووووووود

كانت فين دى قبل ما اجيب وزتى ب30 بااااااااكو متقفلين

انا لازم اقلبها وانزل بورسعيد اصطاد حته من هناك