مساعدة في اختيار سيارة أتوماتيك بحدود 120 ألف جنيه

[jameneees]

برجاء من السادة الأفاضل المحترمين خبراء هذا القسم والمنتدى عامة إفادتي – حيث أنني عضو جديد – في اختيار أفضل خيار مناسب لسيارة أتوماتيك في حدود 120 ألف جنيه مصري على أن تكون التوصية قد راعت الاعتبارات الأتية
1 – السرعة والقوة والثبات والأمان ( علما بأن أخري في الجري 130 كم)
2 – الراحة والرفاهية الداخلية
3 – الشكل الأنيق الرياضي خارجيا وداخليا
4 – رحابة الصالون وصندوق الأمتعة
5 – علو السيارة عن الأرض – انتو عارفين اننا واخدين كاس العالم في المطبات طبعا !!!
6 – جودة التوكيل والصيانة
7 – سعر جيد في إعادة البيع
علما بأنني رب أسرة صغيرة زوج وزوجة وطفلة
وشكرا جزيلا لكم جميعا إخواني الأعزاء

[sherifabden]

السيارات في حدود ال120 الف
كيا سيراتو
عربية حلوة وعملية ومتورها قوي وثباتها ممتاز وشكلها رياضي فخمة داخليا وخارجيا وتقفيلها ممتاز وواسعة جدا من جوه وتوكيلها محترم جدا وقطع غيارها متوفرة ورخصة واعادة بيعاها ممتازة ويعيبها نشوفية العفشة مع الجنط 17 لكن لو جنط اقل من كده العفشة هتبقا ناعمة
هيونداي اكسنت
عربية حلوة ومتورها جبااااااار وثباتها ممتاز لحد 120 وشكلها جمييل جدا سواء داخليا او خارجيا وتقفيلها ممتاز وخاماتها معقولة وواسعة ويعيبها ان الصاج الخرجي ضعيييف جدا وبيتاثر من ابسط صدمة وكمان العربية لو حملت ركاب بتحك في المطبات والالعن من كده االتوكيل بتاعها توكيل سئ جدا جدا جدا
هيونداي الالنترا
نفس عيوب الاكسنت بالاضافة ان حجمها الخارجي كبير نسبيا
كيا كارينز
عربية حلوة وعملية وواسعة جدا وثباتها حلو وشكلها عائلي وتقفيلها معقول جدا ويعيبها ان الموتور مش مناسب لحجم العربية خااالص وكمان حجمها ضخم جدا
ميتسوبيشي لانسر البومة
عربية حلوة وعملية وقوية واعتمادية وقطع غيارها متوفرة ورخيصة وتوكيلها ممتاز وعالية عن الارض ويعيبها قلة الكماليات وشكلها الغير محبب
انا رايي انك تفكر في السيراتو فيها كل اللي حضرتك عاوزه

[jameneees]

المشاركة الأصلية كتبت بواسطة sherifabden السيارات في حدود ال120 الف كيا سيراتو عربية حلوة وعملية ومتورها قوي وثباتها ممتاز وشكلها رياضي فخمة داخليا وخارجيا وتقفيلها ممتاز وواسعة جدا من جوه وتوكيلها محترم جدا وقطع غيارها متوفرة ورخصة واعادة بيعاها ممتازة ويعيبها نشوفية العفشة مع الجنط 17 لكن لو جنط اقل من كده العفشة هتبقا ناعمة هيونداي اكسنت عربية حلوة ومتورها جبااااااار وثباتها ممتاز لحد 120 وشكلها جمييل جدا سواء داخليا او خارجيا وتقفيلها ممتاز وخاماتها معقولة وواسعة ويعيبها ان الصاج الخرجي ضعيييف جدا وبيتاثر من ابسط صدمة وكمان العربية لو حملت ركاب بتحك في المطبات والالعن من كده االتوكيل بتاعها توكيل سئ جدا جدا جدا هيونداي الالنترا نفس عيوب الاكسنت بالاضافة ان حجمها الخارجي كبير نسبيا كيا كارينز عربية حلوة وعملية وواسعة جدا وثباتها حلو وشكلها عائلي وتقفيلها معقول جدا ويعيبها ان الموتور مش مناسب لحجم العربية خااالص وكمان حجمها ضخم جدا ميتسوبيشي لانسر البومة عربية حلوة وعملية وقوية واعتمادية وقطع غيارها متوفرة ورخيصة وتوكيلها ممتاز وعالية عن الارض ويعيبها قلة الكماليات وشكلها الغير محبب انا رايي انك تفكر في السيراتو فيها كل اللي حضرتك عاوزه

شكرا ليك اخي الكريم انا كده حصرت المنافسة بين السيراتو اللي حضرتك رشحتها والاكسنت اللي مايل ليها شوية بس كلامك عن المطبات والوكيل ده قلقني منها يعني هي بتحك قوي في المطبات حتى لو خدتها ع الهادي وبزاوية كمان حكاية الوكيل دي يعني سيئ جدا للدرجة دي رغم ان ناس كتير بتشتري هيونداي معلش اعذرني اصل السيراتو بحس انها كبيرة قوي ومتهيألي ان التجهيزات اللي انا عاوزها ممكن تكون في فئة اغلى من نظيرتها في الاكسنت ودي حاجة برضه مخلياني متردد

[hisham853]

اضم صوتي لصوت العضو sherifabden شوف السيراتو ... من وجهة نظري عربيه كويسه و بلاش جنط 17

[mohamed hossam elemam]

عندك سكوا اوكتافيا موديل 2007 اوتوماتيك اذن افخم منها مش عتلاقي ولا انا غلتان وتقبل تحياتي