العودة   مصر موتورز مجتمع السيارات > السيارات الأوروبية > رينو RENAULT > رينو لوجان Logan

رينو لوجان Logan The Dacia Logan is a car produced jointly by the French manufacturer Renault and its subsidiary Dacia of Romania. It is manufactured at Dacia's automobile plant in Mioveni, Romania, in Colombia, Brazil, Russia, Morocco, Iran, India and South Africa. It is also marketed as the Renault Logan, Nissan Aprio or Tondar 90 depending on the existing presence or positioning of the Renault brand.


إضافة رد
 
أدوات الموضوع
  #1  
قديم 20-06-2012, 03:24 PM
عاوز عربية عاوز عربية غير متواجد حالياً
التخصص العملى: مدير بشركة سياحة
 
تاريخ التسجيل: May 2012
الموقع: القاهره
المشاركات: 53
عاوز عربية has a spectacular aura aboutعاوز عربية has a spectacular aura about
افتراضي مرجع صيانه شامل لكل مشاكل اللوجان النادره .. موضوع قوي جداً (منقول بعد أستأذان صاحبه)

ياريت نكمل عليه من تجاربنا الخاصة (كل اللي عنده فكره جديدة في صيانة اللوجان يقولهالنا ونفيد بعض وياريت يكون بارقام تليفونات وعناويين الصنايعية

المشكله رقم (1) : إصلاح فلانشة الشكمان - تكلفة تغييرها فى التوكيل 6000 جنيه .

حجزت علشان أعمل صيانة ال60.000 كم ، وكانت العربيه صوتها عالى عشان فيه تسريب فى العادم من الشكمان ، وبعد الكشف على العربية فى المقطم كانت المفاجأه إن إصلاح الشكمان تكلفته 6000 جنيه ، لأن الفلانشه ( مأخذ توزع و سحب وتفريغ العادم من الماكينه ) كانت متآكله ولازم تتغير ، طبعا حضراتكم عارفين إن صيانة ال 60000 هى صيانه كبرى يعنى أصلا مكلفه ( حوالى 2500 ) لأنك بتغير كاتينه كامله وطلمبة الميه وجميع الوصلات والسيور والفلاتر و شمعات الاحتراق و كوع الميه وغالبا الترموستات ، غير الضريبه + أنا كمان غيرت موتور مروحة الرادياتير ، من الآخر كان مستحيل أدفع كمان 6000 جنيه ( الفلانشة جديده بس أكتر من 4300 بدون الضريبه والمصنعيات ) ، لكن أكتر حاجه كانت مستفزه إن العيب ده بدأ يظهر فى لوجان تانيه مع واحد صاحبى وكنا عاوزين نشوف حل لأنه بيأثر على سحب العربيه + الناس كلها بتتفرج عليك وأنت ماشى طبعا رد فعل لا إرادى للصوت المزعج إللى العربيه بتعمله .
* طبعاً كنت مضطر إنى أسأل أكتر من واحد و أشغل عقلى رغم إنى ما بأحبش ، وكانت الاختيارات انحصرت معايا فى واحده من إتنين ، ده طبعا بعد ما مريت على أهم ناس أعرفهم شغالين فى قطع غيار وصيانة اللوجان:
1 - تفصيل الجزء المطلوب ( شغل مخرطه ) عن طريق صنايعى شكمان يكون معلم ، الاختيار ده كانت صعوبته إن محدش كتير إشتغل الموضوع لأن العربية لسه جديده فى السوق المصرى و ده يعنى عربيتى هتكون أول تجربه وعلشان كده لازم أشدد على إن الصنايعى يكون شكمانجى محترم ومفتح .
2 - الحل البديل التانى هو إنى أشترى الجزء المطلوب استيراد أو متقطع من أى عربيه عملت حادثه ، وده مشكلته إن الجزء اللى هيتركب حتى لو عرفت ألاقيه عند حد ، هيكون مستعمل يعنى كفائته مشكوك فيها وممكن يكون فيه نفس العيب حتى لو نسبته أقل + سعره مش هيكون رخيص لأن التاجر هيسأل على سعر الجديد قبل ما يبعلى وبعدين ممكن يدينى المستعمل ب 50:60 % من سعر الجديد ، طبعاً كانت مخاطره كبيره .
أستخرت ربنا وقررت أروح لمعلم الشكمان ، بس الجزء الأهم هو الجوان اللى بيركب ما بين الفلانشه والفرن ( مابين جزء تفريغ العادم و منطقة خروجه من الماكينه ) وهو ده الدرس التانى اللى إتعلمته ، الفلانشه ممكن تعيش 100 سنه لو الجوان ( الأولسيه ) اللى راكب مظبوط وقافل أى فراغ يعنى ما فيش تسريب للعادم لأن تسرب العادم هو اللى سبب تآكل الفلانشه ، تعرفوا الجوان اللى بأتكلم عليه تمنه كام ؟؟؟؟ ( فقط عشرة جنيهات مصرية لاغير ) وصناعنه تركى ، تخيلوا 10 جنيه سببت خسائر كانت ممكن توصل إلى 6000 جنيه + التعطيل والازعاج وفرجة الناس.
* اشتريت الجوان ( الولسيه ) وفصلت الفلانشه مخرطه وركبتها شغاله زى الفل ليها أكتر من 25 يوم من غير صوت ولا نفس وكمان وفرت تمن الأفيس بتاع الشكمان لأن التوكيل بيغيره كل ما يفك الشكمان وتمنه 180 جنيه من غير الضريبه ومصنعيات التركيب ، وكانت التكلفة الاجماليه شامله المصنعية ( 280 ) جنيه لاغير .
.... دلوقتى هأعرض على حضراتكم فكره إننا نعمل مع بعض موضوع عباره عن مرجع صيانه شامل لكل مشاكل اللوجان النادره وإللى بتحتاج تكالف مرتفعه لإصلاحها ، طبعاً أقترح إن المرجع ده يكون متخصص فى الأفكار الجديده اللى بتظهر نتيجة تجارب واقعيه + يشمل عناوين ومصادر الأماكن والورش والمحلات والناس المتميزه اللى ساعدت صاحب أى مشكله نادره فى حل مشكلته ، وطبعا بدأت بنفسى وعرضت حل مشكلتى وادتها رقم واحد ، وهأضيف مع تجربتى عنوان وتليفون أشهر مصدر لبيع قطع غيار اللوجان الجديده بالتوفيقيه و هو جمال البدرى ( 7 ش زكى التوفيقيه - الدور الثانى ت: 25752633 ، محل رقم 18 ، موبايل 0182099061 - 0110451620 ) + ورشه متخصصه فى إصلاح وبيع قطع غيار اللوجان المتقطعه ( استيراد ) + جديد ودا اسمه رينو المعادى - خالد ويحي ‘ ومحله فى صقر قريش ( المعادى 85 مساكن صقر قريش الأوتوستراد - الحرفيين ش تبارك أمام بلوك 6 - موبايل 0101718206 ، 0124746102 ) .
أتمنى أسمع تعديلاتكم واقتراحاتكم فى أقرب وقت .
المشكله رقم (2) : استبدال الزجاج الأمامى - تكلفة تغييره فى التوكيل أكتر من 2000 جنيه.

قبل سبع شهور كنت راكن العربيه تحت البيت ولقيت الانتركم بيدق ، ولاد الجيران بلغونى إن بنوته بتلعب رمت زلطه شرخت الزجاج الأمامى شرخ يوجع القلب ، اللى زاد الموقف سخونه إنى كنت المفروض أجدد رخصة العربية فى خلال شهر ، وطبعا حضراتكم عارفين المرور كان أد إيه حبوب ومتعاون قبل الثوره ، يعنى حاره سد لازم أغير الزجاج الأمامى ،
بالفعل الفحص ادانى مهله شهر لتغيير زجاج أمامى ، وطبعا أسعار التوكيل معروفه كانت أكتر من 2000 جنيه فى الوقت ده ، وعنها وسألت وعرفت إن أفضل زجاج محلى هو د / جريش وطبعا أتأكدت من جودته وطرق تصنيعه قبل ما أخد قرار وأشتري ، ممكن تراجوا الموضوع بعنوان " كل ما تريد معرفتة عن زجاج السيارة " على الرابط < http://www............com/vb/showthread.php?t=23482 > ، وكده إطمنت على جودة الزجاج البديل وباقى أعرف مين يركبه ، سألت وعرفت( محلات الحاجه لتجارةزجاج السيارات ) 142 ش حسن الانور ، مصر القديمه ،
التليفون: 02-25321154, 012-0010103
أخدت العربيه ورحت بعد ما اتصلت بيهم وأكدولى إنهم جابوا زجاج اللوجان ، لكن السعر المطلوب كان 700 جنيه ، وتم التركيب بعد الاتفاق النهائى على سعر 450 جنيه ، وصدقونى حضراتكم أنا حاسس أنه أحسن من الأصلى .


المشكله رقم (3) : استبدال زجاج وش الفانوس الخلفى - تكلفة تغييره فى التوكيل 275 جنيه .

واحد من الاعضاء المحترمين كان بيسأل على امكانية تغيير وش الفانوس الخلفى بدل ما يغير الفانوس كله ، وأنا سبق وسألت عن الموضوع ده ، وأنا رديت عليه وهأنقل الرد هنا لحضراتكم علشان نتعاون كلنا ونساعد بعض ،
أنا قولتله " ان الوش لوحده ممكن يتفصل عند الشركه المصرية اللى فى شارع زكى فى التوفيقيه ، بس هيطلب منك تفك الفانوس كله علشان ياخد مقاساته ، وبعدين يديك معاد بعد يوم أو إتنين لحد ما يبعته المصنع و يرجعله متفصل ، لو سألت فى شارع زكى هتلاقيه على الصف المقابل للمول إللى فيه جمال البدرى (رقم 7 ) ، سعره ممكن يكون 30 : 40 جنيه ، مش عارف بالظبط ، بس دا مجرد وش بلاستيك ما أفتكرش يزيد عن كده ، التفصيل والمقاس بيطلع نسخه من الأصل بس العيب ممكن يكون فى خامة البلاستك يعنى محتمل بعد فتره لونه يبهت شويه ، بس مش دايما الوش التفصيل بيبهت يعنى مش قاعده . ".
للآمانه أنا ما ركبتش وش متفصل أنا بس سألت وشفت العينات عند الشركة دى ، كانت فاترينة الشركه مميزه لأنها كلها فوانيس اشاره خلفيه لكل المقاسات والانواع ، معلش أنا مش فاكر رقم التليفون ومش متأكد من الأسعار علشان محصلش تعامل ، بس للأمانه كان لازم أقولكم على المعلومه لأن معظم الأعضاء المحترمين بيضطروا يغيروا الفانوس كله علشان مجرد كسر بسيط .

التعديل الأخير تم بواسطة AbOnOrA ; 01-07-2012 الساعة 11:37 AM سبب آخر: اضافة توضيح للعنوان
رد مع اقتباس
  #2  
قديم 20-06-2012, 07:45 PM
aboatif aboatif غير متواجد حالياً
 
تاريخ التسجيل: Nov 2010
المشاركات: 34
aboatif will become famous soon enoughaboatif will become famous soon enough
افتراضي رد: موضوع قوي جداً (منقوووووول بعد أستأذان صاحبه)

انت رائع بجد موضوع تحفه
رد مع اقتباس
  #3  
قديم 21-06-2012, 02:08 PM
عاوز عربية عاوز عربية غير متواجد حالياً
التخصص العملى: مدير بشركة سياحة
 
تاريخ التسجيل: May 2012
الموقع: القاهره
المشاركات: 53
عاوز عربية has a spectacular aura aboutعاوز عربية has a spectacular aura about
افتراضي رد: موضوع قوي جداً (منقوووووول بعد أستأذان صاحبه)

ألف شكر بس مش شايف تفاعلات من الناس انا أحبطت
رد مع اقتباس
  #4  
قديم 21-06-2012, 03:16 PM
الصورة الرمزية محمد عبد النور
محمد عبد النور محمد عبد النور غير متواجد حالياً
من انا؟: محمد عبد النور
التخصص العملى: كلية الطب
 
تاريخ التسجيل: Nov 2010
الموقع: المحلة الكبرى
المشاركات: 793
محمد عبد النور has a reputation beyond reputeمحمد عبد النور has a reputation beyond reputeمحمد عبد النور has a reputation beyond reputeمحمد عبد النور has a reputation beyond reputeمحمد عبد النور has a reputation beyond reputeمحمد عبد النور has a reputation beyond reputeمحمد عبد النور has a reputation beyond reputeمحمد عبد النور has a reputation beyond reputeمحمد عبد النور has a reputation beyond reputeمحمد عبد النور has a reputation beyond reputeمحمد عبد النور has a reputation beyond repute
افتراضي رد: موضوع قوي جداً (منقوووووول بعد أستأذان صاحبه)


المشاركة الأصلية كتبت بواسطة عاوز عربية مشاهدة المشاركة

ألف شكر بس مش شايف تفاعلات من الناس انا أحبطت


معلشى متحبطش خالص مش كل الناس عندها ثقافة الرد ساعات كتير الواحد بيقرأ ومش بيرد



بس فعلا الموضوع جميل جدا وشامل حاجات كتير
__________________

رد مع اقتباس
  #5  
قديم 26-06-2012, 11:57 AM
Neo206 Neo206 غير متواجد حالياً
 
تاريخ التسجيل: Feb 2011
المشاركات: 1,382
Neo206 has a reputation beyond reputeNeo206 has a reputation beyond reputeNeo206 has a reputation beyond reputeNeo206 has a reputation beyond reputeNeo206 has a reputation beyond reputeNeo206 has a reputation beyond reputeNeo206 has a reputation beyond reputeNeo206 has a reputation beyond reputeNeo206 has a reputation beyond reputeNeo206 has a reputation beyond reputeNeo206 has a reputation beyond repute
افتراضي رد: موضوع قوي جداً (منقوووووول بعد أستأذان صاحبه)

بجد فعلا موضوع مميز
شكرا لصاحب الموضوع الاصى و شكرا جدا ليك لاحياء الفكرة
و جزاكم الله خير
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 10:25 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017