a 113 عربية ممكن تشتريها و اللا بلاش احسن ؟

[dr_m_bahr]

لو خدت بالك ان كل اللى بيتكلم فى العيوب بيتكلم فى حاجات مش اساسيه يعنى محدش اتكلم عن الموتور او كفائته او الفتيس على فكره هتسمع ان العفشه ناشفه شويه ودا موجود تقريبا موجود فى كل الاسبرانزا علشان دى عفشه رياضيه .
هى عربيه مناسبه جداا جوه البلد بس متوسطه فى السفر (بلاش سرعه عاليه علشان الثبات)
بس فعلا سعر اعاده البيع مش حلو

[shoshovet]

لو كنت لسه ما اشترتش صلي استخارة وهات ال113 وان شاء لله مش هتندم
العربية جميلة جدا وانا شخصيا معايا العربية واللحمد لله زي لفل وما بها من عيوب تعتبر اشياء فرعية وغير مؤثرة فمثلا لعفشة ناشفة شوية ما حدش يقدر يكر بس مش ضعيفة وبكرر مش ضعيفة وانا اول ما جبت العربية ما كنتش بعرف اسوق واكلت بيها كذا مطب بسرعة اللحمد لله لم يحدث شئ والحل انك علي مهلك وانت بتعدي اي مط خاصة المطبات الغير مطابقة للمواصفات
اما بالنسبة للسفر فانا بحكم شغلي باضطر اسافر بالعربية كتير يعني تقريبا مرة او اثنين علي الاقل كل اسبوع من دمياط للاسماعيلية واللحمد لله العربية ما شاء الله تقدر تعتمد عليها
بالنسبة للثبات انا شخصيا حاسس انها ثابتة جدا لغاية 120 (واعتقد انها سرعة مناسبة جدا للسفر)
ولو عايز تجري تقدر تجري وانا جبت بعربيتي 165 وكنت حاسس انها ممكن تجيب بس الطريق ما ساعدنيش ازود
واهم عيب ان كل واحد (في الغالب لم يمتلك هذه السيارة ) هيقولك ابعد عن الصيني وده ممكن ياثر عليك بس الرد:
يكون لما تلاقي عربية جديدة (مش هتحتاج اكتر من تغيير زيت وتربيط عفشة والحاجات لاعتيادية) شكلها كويس اداءها كويس وسعرها مناسب منتشرة وقطع غيارها رخيصة (يا راجل دا انا كنت بسأل عن تيل الفرامل في التوكيل قالي ب 140 -او 160 ) وفل اوبشن (دا نور العربية اللي قدام تقدر تتحكم في اتجاهه من داخل التابلوه)
يبقي نقوله صيني بس عجباني