تجربتى فى تنضيف اليداتير

[essamenen]

انا اقوم كل فتره بغسيل اليداتير بشيل الخرطوم الى خارج من الماتور واجيب خرطوم الميه واشيل غطاء اليداتير واحط خرطوم الميه مكان غطاء اليداتير واشغل الميه بلاقى الميه بتخرج من طرف الخرطوم الى انا شلته والميه بتخرج نظيفه وبيضاء انا كنت بحط ميه بيضاء من الحنفيه ( اليداتير كا فيه خورم بسيط من عند الوش النحاس الى فوق من عند اللحام جبت امبوبتين لحام الحديد ولحمت الشرخ ده وبقى تمام ) لما اتاكدت ان اليداتير سليم والميه مش بتنقص قلت احط ميه خضراء بس لازم انضفه الاول تمام فجبت ازازه خل ابيض وحطيتها من يومين وزودت الباقى ميه من الحنفيه وقفلت النهرده قلت افضى الميه بالطريقه الى انا بعملها شوفت المفاجاه الميه نزلت لونها احمر من الاملاح والصدء زى لون السبرتو الاحمر المهم فضلت لحد لما الميه بدات تنزل بيضاء المهم قفلت الحنفيه وفضيت الميه الى فى اليداتير وربط الخراطيم وحطيط الميه الخضراء.
فى بعض النقاط
- الخل حمض وبيستعملوه فى تنضيف غلايات المياه و براد الشاى لما يترسب املاح فى الاسفل
-لا يجب استعمال الخل او حتى المياه الخضراء فى اليداتير الى مواسيره متكله
-انا كنت ممكن استعمل ميه خضراء على طول بس قلت اعمل موضوع الخل ده بحيث يكشفلى اليداتير ان كان سليم ولا لا
- الواحد ميعملش الموضوع ده الا لما يكون عامل حسابه ان ممكن يغير اليداتير بواحد ثانى لان ممكن يلاقيه اتفتح من كل حته لانه كان دايب والصدا والاملاح والرواسب سدت الاخرام وده افضل اختبار لليداتير من وجهة نظرى
- واحد صحبى عمل الموضوع ده ويداتيره سليم 100 %100 لقى فى بعض التنفيس البسيط وجده عباره عن ملح ابيض فى مكان الخروم ( صغيره جدا )
- موضوع الاملاح ده والاوساخ الى فى اليداتير و مجارى الماء الى جو الماتور بتقلل التبادل الحرارى بين الماتور والماء وايضا بين مواسير اليداتير والماء المار داخله وبين مواسير اليداتير من الخارج والهواء الخارجى (لما بنعمل صيانه للتكيف يقوم الفنى بغسل الوحده الخارجه او تكيف الشباك بالماء لازاله الاتربه والاوساخ )
انا اسف طولت عليكم بس علشان كلنا نستفيد
بس لى استفسار الون الاحمر الى كان فى الميه الى رمتها هى جنزرت النحاس ولا الخل اتفاعل مع النحاس ياريت لو فى كيميائى معانا فى المنتدى يقدر يفيدنا بالموضوع ده
وتقبلو تحياتى

[whitevego]

معلومة جميلة ربنا يجازيك خير عنها ان شاء الله

[ironheart]

بس عذرة هو اسمة رادياتير مش يداتير
وذلك للتوضيح

[يوسف نوور]

موضوع جميل جدا بس ياتري ممكن الواحد يستعمل مزيل صدأ بدل من الخل

[essamenen]

المشاركة الأصلية كتبت بواسطة يوسف نوور موضوع جميل جدا بس ياتري ممكن الواحد يستعمل مزيل صدأ بدل من الخل

انا والله معنديش خلفيه بالمواد التى توضع فى ميه اليداتير بس اكيد انها تحتوى على مزيل للاملاح والصدا او وممكن تريح نفسك وتحط ميه خضراء او زرقاء وهى تحتوى على كل الاضافات الى بيحتاجها اليداتير
على فكره لايوجد تقريبا فى دائره التبريد حديد الا اذا كان اليداتير حديد ( لو حضرتك بتتكلم على مزيل الصدا فقط