مسافر ومش عارف اعمل ايه في اللوجان

[svneleven]

المشاركة الأصلية كتبت بواسطة محمدصلاح القاضى احسن شىء انك ترفع العربيه تشترى اربع روافع حديد من بتوع الورش زى دول وترفع العربيه كلها عليهم بالطريقه دى وتشترى غطا قماش مش وتر بروف ليه عشان القماش افضل فى حفظ العربيه من الوتر بروف لانه بيخلى الهوا متجدد على جسم العربيه ولو لاقدر الله فى رطوبه مش بيخلى حاجه بين المفرش والعربيه لانه قماش تجيب علبة بودره تلك ( اطفال ) وتحطها على جميع جوانات الابواب والازاز والشنطه و الكابوت عشان التشققات تجيب علبة زيت بيبى اويل وتجيب قماش نضيفه وتحط عليها زيت وتمسح الطابلوه وفرش الابواب تغير الزيت والفلتر وتحط زيت وليكن شيل هيلكس الاحمر وفلتر زيت جديد طبعا حضرتك الريداتير عندك محطوط فيه مياه ريداتير مش مياه عاديه يبقى مفيش مشكله بتفك كابلات البطاريه ويستحسن تشيل لها من العربيه وتبيعها لاى حد تعرف انه محتاج واحده لانها للاسف هتبوظ هتبوظ واما تنزل بالسلامه تشترى واحده جديده نفس الامبير وتركبها عادى جدااا طبعا تانك البنزين متخليش فيه بنزين اكتر من 5 لتر وياريت تحط عليهم علبه WD-40 عشان تحافظ على التانك من البرومه لو البنزين فيه نسبة رطوبه تحاول بقدر الامكان تسديد الماتور من اسفل العربيه وليكن بكارتونه بوتوجاز او غساله وتسبته بسلك او حبل وبلاش تماما اللزق عشان اما هيجى يطلع ممكن يشيل معاه البويا طيب ليه هتسدد الماتور عشان الفران الملاعين دول ميلعبوش فى اى حاجه اكيد هتبقى معاك شويه زيت بيبى اويل بنفس القماشه وتمسح خرطيم الريداتير والسيور اللى باينه وكمان الاربع فرد الكاوتش بالمره عشان التشققات وبعد كدا تنزل الهاند بريك للاخر وتمور الفتيس وتغطى العربيه وتتوكل على الله تسافر بالسلامه على فكرا دا اللى كان والدى بيعمله وهو مسافر السعوديه برضه وكان بيرجع يشترى بطاريه ويدور ويغير الزيت والفلتر وبس

الصراحة رد فاخر علي الاخر علي رأي واحد صاحبي.

[محمدصلاح القاضى]

المشاركة الأصلية كتبت بواسطة Emgrand ممكن اعرف السبب

لان الزيت بيكون وقتها بمثابة عامل حفاظ على الموتور اكتر من انه ماركة زيت
ومن المعروف عن زيت المواتير لازم يتغير بعد 6 شهور حتى ولو لسه بدرى على الكيلووات بتاعته
لانه بيفقد خواصه وبتحلل جميع مكوناته فيصبح خفيف اللزوجه ولا يتحمل درجه الحراره
فيصبح سهل الاحتراق
وعشان كدا اما ينزل يدوب يدور العربيه تسخن بالزيت دا
عشان ينزل من على جميع اجزاء الموتور ويقوم مغير الزيت وهى واقفه مكانها والفلتر

المشاركة الأصلية كتبت بواسطة هيمو ليه بتنزل الهاند بريك وتمور الفتيس؟

بتنزل الهاند بريك عشان خزن زيت الفرامل اللى ورا متقفش من الوقفه وتحتاج تتغير
ولذلك لو عربيتك بتقف اكتر من اسبوع ياريت تنزل الهاند وتحجر العربيه بطوبه افضل

تمور الفتيس عشان يفضل الفتيس فى الوضع الحر فلو مثلا حضرتك معشق الاول ممكن الفتيس يقفش او يخشن نتيجه تعليق عصاية الفتيس فى التعشيق لكن فى الوضع المور بيبقى حر يمين وشمال وغير متصل باى ترس

وتحت امركم فى اى استفسار

[borio1704]

أنا بصراحة مع موضوع التأجير وبقوة

حضرتك لسة شاري العربية .. غالبا بالتقسيط... ولسه ما استفدتش من العربية

أنهي أحسن؟؟؟ تشيل من عليك تكاليف العربية وتجيبلك عائد كمان؟؟ ولا ترفعها وتخسر نص تمن العربية لما تيجي تبيع؟؟؟


...

[myson medo]

المشاركة الأصلية كتبت بواسطة محمدصلاح القاضى لان الزيت بيكون وقتها بمثابة عامل حفاظ على الموتور اكتر من انه ماركة زيت ومن المعروف عن زيت المواتير لازم يتغير بعد 6 شهور حتى ولو لسه بدرى على الكيلووات بتاعته لانه بيفقد خواصه وبتحلل جميع مكوناته فيصبح خفيف اللزوجه ولا يتحمل درجه الحراره فيصبح سهل الاحتراق وعشان كدا اما ينزل يدوب يدور العربيه تسخن بالزيت دا عشان ينزل من على جميع اجزاء الموتور ويقوم مغير الزيت وهى واقفه مكانها والفلتر بتنزل الهاند بريك عشان خزن زيت الفرامل اللى ورا متقفش من الوقفه وتحتاج تتغير ولذلك لو عربيتك بتقف اكتر من اسبوع ياريت تنزل الهاند وتحجر العربيه بطوبه افضل تمور الفتيس عشان يفضل الفتيس فى الوضع الحر فلو مثلا حضرتك معشق الاول ممكن الفتيس يقفش او يخشن نتيجه تعليق عصاية الفتيس فى التعشيق لكن فى الوضع المور بيبقى حر يمين وشمال وغير متصل باى ترس وتحت امركم فى اى استفسار

معلومات قيمة
شكرا ليك

[adham_cs]

الحمد لله بعت العربية بـ 74 ألف
وكان ممكن تجيب 76 ألف
بس نا قلت عصفور في اليد خير من عشرة على الشجرة
فإيه رأيكم