استفسارات الى ملاك اللوجان

[th lawyer]

السلام عليكم

ان شاء الله حاستلم عربيتي رينو لوجان 2013 مانيوال فول اوبشن خلال 5 ايام من الطارق ، وبالكاسيت الجديد اللي فيه بلوتوث ويو اس بي ، وطبعاً وقت الإستلام انا واخد معايا اتنين اصحابي علشان افحص العربية ، ، وكان عندي شوية استفسارات :-
- عايز اعرف هو فيه غطاء مخصوص للوجان ولا اي غطاء يكب عليها ، وهل بشيل الإريال كل ما احب اغطيها ولا لا ، وسعر الغطاء كام ( ووتر بورف ) ومقاسه ؟
- عايز افرش العربية بالجلسة ارضية وكراسي ، تكلف قد ايه تقريباً و تاخد وقت قد ايه ، واروح لمين ؟
- موضوع العزل هل لسة مشكلة صوت الموتور والحرارة موجودة في الموديلات الجديدة ولا لا ، ولو لسة موجودة اركب لباد تحت الفرش منين ويكلف كام ؟
معلش انا تقلت عليكما

[hal71]

أولاً ألف مبروك مقدماً بالنسبة للغطاء لا أنصح بالغطاء الووتر بروف لأنه غير معمر و بيشقق بعد فترة قصيرة -أحسن غطاء هو من قماش إسمه قلع مركب بس هاته من النوع الثقيل حتى لو متوصل لأن فيه منه نوع خفيف ممكن يطير بسهولة و إنت بتنفضه و بيدخل التراب الدقيق و الغطيان دي موجودة عند كذا محل على الكورنيش جنب التليفزيون (وكالة البلح)

[Dr.Smile]

1- رأيي إنك تجيب Cover للعربية جبردين ,, وابعد عن الووتر بروف ,, غير إنه بيشقق .. لو اتقطع منك ولو قطع صغير ,, يبقى فلوسك اترمت في الأرض ..
أنا معايا واحد جبردين تفصيل من سنة ,, كان وقتها بـ80 جنيه .. على قد حجم الرينو ,, خصوصاً إن الرينو عالية ,, بس ماشي معايا زي الفل الحمد لله

2- الفرش : أنا عملت فرش في اسكندرية جلد الماني ( كراسي + أرضية + شنطة ) كلفني 900 جنيه ,, هتلاقي أسعار أرخص من كده ( من 400 جنيه وطالع ) .. بس طبعاً الفرق في الخامة والمصنعية

لو انت في اسكندرية قولي وأوصفلك المكان اللي رحتله

[th lawyer]

المشاركة الأصلية كتبت بواسطة hal71 أولاً ألف مبروك مقدماً بالنسبة للغطاء لا أنصح بالغطاء الووتر بروف لأنه غير معمر و بيشقق بعد فترة قصيرة -أحسن غطاء هو من قماش إسمه قلع مركب بس هاته من النوع الثقيل حتى لو متوصل لأن فيه منه نوع خفيف ممكن يطير بسهولة و إنت بتنفضه و بيدخل التراب الدقيق و الغطيان دي موجودة عند كذا محل على الكورنيش جنب التليفزيون (وكالة البلح)

ممكن سعر الغطاء وفي محل معين اجيبه منه يكون جنب التليفزيون.؟
هو الإريال لازم يتفك كل مرة بغطي العربية ؟
متشكر جدا ليك

[th lawyer]

المشاركة الأصلية كتبت بواسطة Dr.Smile 1- رأيي إنك تجيب Cover للعربية جبردين ,, وابعد عن الووتر بروف ,, غير إنه بيشقق .. لو اتقطع منك ولو قطع صغير ,, يبقى فلوسك اترمت في الأرض .. أنا معايا واحد جبردين تفصيل من سنة ,, كان وقتها بـ80 جنيه .. على قد حجم الرينو ,, خصوصاً إن الرينو عالية ,, بس ماشي معايا زي الفل الحمد لله 2- الفرش : أنا عملت فرش في اسكندرية جلد الماني ( كراسي + أرضية + شنطة ) كلفني 900 جنيه ,, هتلاقي أسعار أرخص من كده ( من 400 جنيه وطالع ) .. بس طبعاً الفرق في الخامة والمصنعية لو انت في اسكندرية قولي وأوصفلك المكان اللي رحتله

شكرا على اهتمامك
انا من القاهرة وسمعت عن محل اسمه جينز كار والتاني اسمه سبير كار .
بس السؤال هو انا حاعمل لباد تحت الفرش علشان اعزل الحرارة والصوت ولا مش محتاجة