بجد محتار جدا ومش عارف افكر لوجان ام لا

[eloksh]

اخوك العكش بيمسى عليك انا راى الشخصى من الواضح فى كلامك انك مش اوى فى السواقة ومن الاحسن انك تجيب 128 و تقضى بيها فترة الشتاء وتتعلم بيها وتخبطها برحتك وكمان هتعلمك كل حاجة أنا معايا 128 من 3سنوات وخلتنى 100-100 فى كل حاجة 0 و ربنا يوفق

[dr_adelnegm]

والله يا جماعة انا ساكن في ازحم المناطق ش فيصل ش العشرين حتة زحمة جدا تكاتك وعربيات وميكروباص عدي عليها الزمان

[عمرو عبد الحميد الجندى]

المشاركة الأصلية كتبت بواسطة amor777 معلش انا بختلف مع الاعضاء الي فاتوا انا حالتي زيك بالظببببط انا حاجز لوجان مانيوال والاستلام يناير الجي ان شاء الله انا برضه ابيض في السواقة وكتير قالولي الموضوع ده اجيب 128 اتعلم عليها الاول بس ومقتنعتش صراحه قولي لييييه : اولا : واحد صاحبي كان زي حالاتي كده وجاب عربية 127 عشان يتعلم عليها الاول طلعت عينه وصرف عليها مش اقل من 2000 ج وكانت بتبهدله في الطريق لما تعطل وميكنش عارف فيها ايه والناس تتلم عليه وحصل موقف زي ده وانا معاه وكانت بهدله والناس كل واحد يعدي ويفتي العربيات الي وراك تزمر وكان يوم زفت وفي الاخر كره السواقة والعربيات كلها من الي شافه ثانيا : انت خايف من ايه ان العربية لما تجيبها متعرفش تسوقها ولا تتحك منك اولا علي السواقه اتعلم في اي مركز تعليم انا مش بقولك هتبقي محترف بس هتعرف تطلع بالعربية وتدي غيارات وهيكون عندك شويه جرأة السواقة ولو علي حك العربيه بص هنا في المنتدي اعضاء كتيييير عربيتهم لسه جديده وخبرة في السواقة واتحكت منهم برضه ومش لازم يكون غلطتهم يعني دي حاجه بتاعه ربنا ونصيب انته ممكن تتعلم علي 128 وتبقي في السواقه زي الفل وعمرها ما تتحك منك واول ما تجيب اللوجان واحد ابن حلال يزنق عليك ويحكهالك ده نصيب ثالثا : انت هتاخد وقت كتير قوي علي ما تلاقي 128 نضيفه وميدحكش عليك فيها ومهما كانت هتصرف عليها برضه وفي الاخر ممكن تبيعها بخسارة عشان تخلص وتجيب الجديد الي نفسك فيه ليه كل المصاريف دي بقي !!! انا ده رايي ونصيحتي ليك اقولك انا بقي بعد تفكير طويل قررت اعمل ايه .... اولا انا حجزت في مركز تعليم قيادة في ميدان التحرير الكورس ب 220 عبارة عن 10 حصص كلهم عملي التدريب علي 128 اعتقد بعد الكورس ده هبقي بعرف ازاي اطلع بالعربية وادي غيارات وخلافه عارف اني مش هكون محترف ثانيا اولا ما استلم اللوجي ان شاء الله مش هنزل بيها ابدا في الاول بالنهار انا كل يوم بليل كده اول ما الشوارع تهدي علي الساعة 12 كده هاخد العربية واقعد الف بيها في الشوارع حبه اجرب الغيارات واخد علي ابعاد العربية وواحده واحده ابدء انزل بيها في الزحمة وربنا يسترها بقي واعتقد دي طريقة كويسه جدا عشان تتعلم وتاخد جرأة السواقة وبسسسس خلاصة القول متدخلش نفسك في حوارات عربيات مستعملة وتقرف نفسك عشان موضوع تتعلم ده بجد هتكره حياتك التعليم هيجي واحده واحده بالممارسه علي الجديد مفيش مشكلة ومبروك مقدما يا باشا وانا تحت امرك في اي استفسار وياريت الاعضاء يقولوا رأيهم ايه برضه

رائى فعلا الجديد جديد مش هيتعبك انا معى لوجان 2013 مانيول فول بس بصراحة مسعفانى قوى و مشمتخيل ان العربية تفصل منى مرة واحدة و انا فى وسط الزحمة ده انا الوص و اتوه ةلالالالا الجديد مافيش احسن منه احسبها : مصاريف تصليح + قطع غيار + وده الاهم منين تجيب وقت تروح تصلح فيه . و على فكرة انا العربية اللى معايا اتحكت فى العيد الكبير هلى معنى كده انا الغلطان بلدنا ياستاذ مليانه حميار كتير فى السواقة