سوال فى منتهى الاهميه نرجو الرد من جميع الاعضاء جزاكم الله خيرا

[mohamedmostafa]

السوال ده فى منتهى الاهميه
ياريت الكل يرد ويسيب اجابه ربنا يجزيكم خير

دلوقتى انا قررت اشترى عربيه هيونداى نيو اكسنت rb
بالتقسيط
وكل حاجه تمام

بس عايز اعرف ايه المصاريف اللى مفروض بتدفع غير المقدم
زى التامين الترخيص الحاجات ديه المصاريف الاداره كل ده نفسى اعرف بيدفع ازاى وبيكون فى حدود كام

والمعرض بيقولى لازم تامن على العربيه تامين اجبارى الشريحه ب 4.5 فى الميه بس انا مش فاهم هوه ده كويس ولا وحش ولا ايه

ياريت ربنا يتقبل منكم تردوااااااا
علشان نفسى حد يساعدنى

[mohamedmostafa]

هوه ليه مفيش اى حد بيرد عليا
عايز اعرف ايه المصاريف بالترخيص بكله بالمصاريف الاداريه
وعايز اعرف انهى تامين احسن واللى هوه بكام
وشكراااا

بص يا غالي السنة في التراخيص بتكلفك حوالي 350 سنويا

التأمين انا عن نفسي امنت في كونتكت وفي قناة السويس وشايف ان قناة السويس افضل من وجهة نظري

التأمين بيبقي حوالي 3.5 بدون تحمل تقريبا او اقل ولو هتتحمل بنسبة 4 في الالف بتبقي النسبة تقريبا 2.9 من قيمة العربية

وربنا يوفقك لما فيه الخير

ومتزعلش من التأخير في الرد ممكن يكون حد شاف الموضوع ومش قادر يفيدك

واي استفسار تاني انا تحت امرك بس بعد الفطار ههههههههههههههه المغرب خلاص هيأذن وكل سنة وحضرتك طيب

بص سيبك من اللي انتا مشتري منه العربية بالقسط مش من حقه انه يجبرك انك تأمن عن طريقه

هو ملهوش عندك غير وثيقة تأمين وخلاص علي كدا متخلهمش يعرفوا ينصبوا عليك

و 4.5 كتير اوي الصراحه

لو العربية تمنها 100000 هتدفع تقريبا في حدود من 3000 الي 3500 جنيه في السنة تأمين وكل سنة بتقل 10%