طريقة سهلة لشفط الزيت الزيادة عن المستوى الاقصى للقياس

[aymanshebl]

بسم الله الرحمن الرحيم

انا كان عندى زيادة فى مستوي الزيت بعد عمل صيانة الالف و كنت فى حيرة الى ان وجدت طريقة لشفط الزيت و هى نجيب 70 سم سلك دش اللى هو لونه اسود و بعدين نشد السلك اللى جواه يعنى نفرغ السلك من الخرطوم بتاعه و يفضل لنا الخرطوم الاسود و بعدين نجيب بخاخة من عند اى واحد بتاع ادوات منزلية اللى هى صغيرة الحجم فى حدود 3 جنيه و بعدين نخلع البخاخة اللى بتبخ لوحدها و نركب الخرطوم فى البخاخة و بعد كده نشيل مقياس الزيت و بعدين نحط الخرطوم فى مكان مقياس الزيت و نشفط او نبخ الكمية اللى احانا عايزنها فى زجاجة مياة معدنية فارغة علشان منغرقش المكان و اى خدمة .

والسلام عليكم و رحمة الله و بركاته

والله انتا استاااااااااااااذ يا ايمن باشا تسلملنا ايدك علي الافكار الجميلة ديه كنا بنتسحل ونفك المسمار من تحت علشان نفرغ شوية الزيت

[essamenen]

على فكره هتغلب وتقعد وقت كبير عقبال لما تشيل 1/4 لتر زيت
انا شخصيا جربتها ولاكن بعلبه الشور جل على اساس انها واسعه وبتطلع كميه اكبر من بخاخه المياه بس لاقيتها مش عمليه ومتعبه والى ذاد وغطى سقوط الانبوبه الى بتشفط الزيت داخل كارتيره الزيت لانى كنت بسحب من مقياس الزيت مش عمليه
الافضل تفك طبه الزيت

[aymanshebl]

المشاركة الأصلية كتبت بواسطة essamenen على فكره هتغلب وتقعد وقت كبير عقبال لما تشيل 1/4 لتر زيت انا شخصيا جربتها ولاكن بعلبه الشور جل على اساس انها واسعه وبتطلع كميه اكبر من بخاخه المياه بس لاقيتها مش عمليه ومتعبه والى ذاد وغطى سقوط الانبوبه الى بتشفط الزيت داخل كارتيره الزيت لانى كنت بسحب من مقياس الزيت مش عمليه الافضل تفك طبه الزيت

بالعكس ياباشا انا شلت 1/4 لتر فى زمن بسيط و الفكرة ان الانبوبة رفيعة و كمان محكمة على البخاخ (و حتى لو سقط لا ينزل الى الكارتيرة لان المقياس واخد منحنى عندى فمش بتوقع الى الاسفل) و بتدى دفع جامد نتيجة صغر قطر الانبوب و اهى احسن من غلبة فك الطبة و احتمال نزول الزيت كله

[aymanshebl]

سلك الدش الاسود عبارة عن انبوب مطاطى اسود و بعدين شبكة الالمونيل و بعدين سلك رفيع مغلف بالبلاستك احنا نقطع مسافة 60 سم من سلك الدش و بعدين هنعرى السلك مسافة تقريبا بتاع عشرة سنتى بحيث يبان السلك المونيل و السلك الرفيع المغلف و نشد بزرادية السك المتعرى كله من الانبوب المطاطى هنلاقى الانبوب انفصل عن السلوك كلها و ننفخ فى الانبوب لتخلص من اى سلوك رفيعة من المونيا ان وجدت و ممكن واحد يكون بيمسكلك السك و انت بطلعه و بعدين نجيب راس البخاخة بالخرطوم بتاعها اللى هو عند اى محل ادوات منزلية ب 3 او 4 جنيه (الحجم الصغير) و نتاكد من احكام ماسورة البخاخة بها و بعدين نركب الخرطوم اللى لسه عملينه حالا و ندخله فى انبوبة البخاخة بحيث انه هيلبس فيها من برة مش هيدخل جوه انبوب البخاخة و نهوى راس البخاخة بحيث انه يدى بخ على هيئة مسدس مياه و ليس بخاخات او رذاذ و بعد كده نشيل مقياس الزبت و ندخل الانبوب بعد التاكد من احكام الانابيب على بعض و نجيب زجاجة مياة معدنية و ندخل راس البخاخة فيه علشان الزيت ميبهدلش المكان و نبدا العمل فى سحب الكمية المرغوبة و يجب التاكد من وصول الخرطوم الى الزيت حتى يتم الشفط و كمان نصبر فى الاول ثانية او اتنين على ما البخاخة يشفط الزيت لانه فى الاول بيشفط هواء من الانابيب اللى هو موجود فيها اصلا ثم بعد ذلك نجد الزيت و قد بدا فى الشفط و شكرا