الشيفروليه كوري ولا امريكي ؟؟

[sherifabden]

بصراحة الموضوع ملخبط اوي
ناس بتقول ان الشيفروليه دي امريكي
وناس تانية بتقول انها كوري
من الاخر
الشيفروليه كوري ولا امريكي ؟؟؟؟؟

[احمد على 1999]

انت عايزها ايه ؟
هههههههههههههه لا فعلا هما بيعملوا كدا
كل الشفورليه اللى فى بلدنا دايوا كورى اصيل

[wathi8]

حبيبي الغالي
من خلال رقم الشاصي (VIN) ممكن تعرف ان الشفروليت كوري أو أمريكي
وكالتالي:
اذا كان رقم الشاصي للسيارة يبدأ من اليسار بالرقم (1) معناه ان السيارة أمريكي
أما إذا كان رقم الشاصي للسيارة يبدأ من اليسار بالحررف (K) معناه ان السيارة كوري

تحياتي

[ahmed_eng2001]

بصفة عامة .... فيه انواع عربيات كثيرة تحمل علامة شيفروليه .... و لا تزال تنتج فى مصانعها الاصلية
مثل السيارات الـ دايو ... شركة جنرال موتورز اشترت شركة دايو ... و الحقتها بشركة شيفروليه
المصانع ... التصميم .. فى كوريا ... العلامة .. شيفروليه

فيه بعض موديلات الكابريس ملهاش علاقة بشيفروليه
اليوكن و السييرا ... شيفروليه الامريكى

تقبل مرورى

[borio1704]

أخي شريف

شركات السيارات على مستوى العالم بتحاول توصل للناس وتعمل العربية المناسبة ليهم بالمواصفات وبالأسعار اللي تناسبهم.... ولو في ماركة مش عارفة تنتشر في مكان معين عشان معندهاش البضاعة اللي تناسب المكان ده حتتصرف وتجيب بضاعة من مكان تاني..ز المهم تبقى موجودة في السوق

ده بالضبط اللي بيحصل حاليا... مش شيفروليه لوحدها... معظم الشركات الكبرى بتعمل نفس الشيء

المهم... الشيفروليه يا سيدي أصلا شركة أمريكية، وهي إحدى شركات مجموعة جنرال موتورز الأمريكية، اللي تحت لواءها شركات كتير جوه وبره أمريكا.



من أشهر الشركات جوه أمريكا.... شيفروليه... كاديلاك... بويك... جي إم سي... بونتياك... أولدزموبيل، والاتنين الآخرانيين دول اتقفلوا من كذا سنة



من أشهر شركات جنرال موتورز بره أمريكا... أوبل الألمانية، هولدن الاسترالية، فوكسهول الانجليزية، دايــيهـــوو (دايو) الكورية، إيسوزو اليابانية، سوزوكي اليابانية




بالإضافة لشركات تانية باعتها بعد 2008 في فترة الركود وأزمة الديون اللي حصلت في 2008... زي ساب السويدية، لادا الروسية


المهم.... جنرال موتورز بتحب تلعب لعبة الشطرنج في عربياتها... وتجيب عربيات من كل شركاتها وتحط عليها علامة شيفروليه على حسب السوق والمصنع اللي بيعمل العربية المناسبة

موديلات الشيفروليه كالتالي:
العربيات الأمريكية: كورفيت، فولت
العربيات الكندية: كامارو، إيبيكا
العربيات البرازيلية: كوبالت، كورسا، أسترا، فكترا (بتنزل باسم شيفروليه في أسواق أمريكا اللاتينية)
العربيات الكورية: سبارك، سونيك، كروز، كابتيفا
العربيات الاسترالية: لومينا
العربيات الصينية: N300

ده غير النص نقل الدبابة اللي هي أصلا إيسوزو ياباني بيتقفل في مصر ويتحط عليه علامة شيفروليه


لو عايز معلومات وافية... ادخل على الوصلة دي:
http://en.wikipedia.org/wiki/Chevrolet

وأي خدمة



...