اية موضوع بالونات الكاوتش دة؟؟

[Marwan Saber]

السلام عليكم ورحمه الله وبركاتة
انا لسة مستلم A113 من اسبوعين وتقريبا عملت بيها 600ك وهى الحمد لله سيارة كويسة جدا جدا جدا بس لقيت عند الـ 600 كيلو ظهر بالونة فى الفردة الامامية يمين ومش عارف اية السبب وهل دة عيب كاوتش ولا دة غلطة منى انا ارجو الافادة

[Sameh Ragih]

أولاً مبروك العربية الجديدة.. ثانياً كان لازم أول حاجة تعملها بعد ما تستلم العربية و قبل ما تحط فيها فواحة حتى كان المفروض تغير الكاوتش لأن الكاوتش اللي الوكيل بيحطه فيها لا يصلح للإستخدام الأدمي و لا الحيواني حتى.. و أي نقرة أو حفرة صغيرة هتاخدها بسرعة هاتعملك بالونة.

[farid2006]

ياباشا طبعا العربيه شاريها جديده خودها على التوكيل وريهم الكاوتش الزباله بتاعهم لان الكاوتش له ضمان ايضا وروح وهددهم بان لو ماعملو شيئ تذهب الى حمايه المستهلك ويجبولك حقك من عينيهم الفلوس مش بنلاقيها كلنا بنتعب فيها ولا تتساهل فى حقك ومستنى ردك بعد الذهاب الى التوكيل

[handtools123]

farid2006 هو ده الكلام التمام لا تفرط فى حقك مهما حصل