العودة   مصر موتورز مجتمع السيارات > منتدى الصيانة و اﻹصلاحات > منتدى الصيانة العام > المنتدى التعليمى والمكتبة الفنية

المنتدى التعليمى والمكتبة الفنية كتب وشروحات ومقالات تعليمية عن كل فروع هندسة وميكانيكا السيارات


إضافة رد
 
أدوات الموضوع
  #1  
قديم 05-01-2012, 04:25 AM
الصورة الرمزية borio1704
borio1704 borio1704 غير متواجد حالياً
من انا؟: أعشق السيارات، أحب اليابانية، الكورية، ولا أفضل الأوروبية
التخصص العملى: استشاري نظم جودة
هواياتي: السيارات - الكمبيوتر
 
تاريخ التسجيل: May 2011
الموقع: جدة - المملكة العربية السعودية
المشاركات: 692
borio1704 has a reputation beyond reputeborio1704 has a reputation beyond reputeborio1704 has a reputation beyond reputeborio1704 has a reputation beyond reputeborio1704 has a reputation beyond reputeborio1704 has a reputation beyond reputeborio1704 has a reputation beyond reputeborio1704 has a reputation beyond reputeborio1704 has a reputation beyond reputeborio1704 has a reputation beyond reputeborio1704 has a reputation beyond repute
افتراضي عربية على شاسيه ولا على علب؟؟؟ اتعرف على طرق بناء السيارات


كتير بنسمع عن شاسيه العربية، وفيه ناس بتقول العربية دي جابت شاسيه.. وبرضو كان زمان بيقولوا إن الـ128 على علب... هو إيه الحكاية بالضبط؟؟

فيه كذا طريقة لبناء جسم السيارات... حنتكلم عليهم كلهم إن شاء الله... وعندي أمل إني ما انساش حاجة منهم











معظم العربيات العادية بتاعتنا مبنية بأحد طريقتين... على شاسيه ... أو ... على علب


طيب إيه الفرق؟



العربيات المبنية على شاسيه بيسمو التصميم بتاعها "جسم على هيكل" أو "Body-on-Frame"، وفكرة التصميم ده إنه العربية بتبقى متكونة من حاجتين: هيكل (شاسيه) ... و.. جسم (كابينة)

الشاسيه هو هيكل قوي (غالبا بيبقى شبه السلم الخشبي) بيتركب عليه كل أجزاء العربية، وعادة الموتور والعفشة وأجزاء نقل الحركة بتبقى متركبة عليه مباشرة، وبعدين بتيجي الكابينة أو جسم العربية كامل ويتربط في الشاسيه بمسامير

شوف الصور دي


التصميم ده هو الأصل في صناعة السيارات وكان بيتعمل من الخشب وبعدين اتعمل من الصلب، وقبل ما الكمبيوتر يدخل في تصميم السيارات كان تصميم شاسيه يشيل العربية أسهل، لإن حسابات التصميم بتبقى أعقد بكتير لو اتحسبت على جسم العربية من لو حسبناها على الشاسيه لوحده.




حاليا... التصميم ده بيستخدم في العربيات المخصصة للخدمة الشاقة أو اللي بتشيل أوزان تقيلة، زي عربيات النقل والنص نقل والـ4×4 والميكروباصات والأوتوبيسات والمقطورات طبعاً.










طيب إيه الميزة في التصميم ده؟

• التصميم بالشكل ده بيخلي العربية قوية وتتحمل الخدمة الشاقة، لإنك ممكن تخلي الشاسيه قوي جدا... وهي دي الميزة الأساسية في التصميم ده..

• التصميم ده ممكن يخليك مستريح أكتر جوه العربية لإن المطبات ممكن ما تحسش بيها قوي نتيجة إن الشاسيه بيستقبل كل الصدمات وما بينقلهاش للكابينة (زي العربيات الأمريكاني القديمة) نتيجة وجود كاوتش بين الجسم والشاسيه في نقط التثبيت.

• العربيات اللي على شاسيه أقوى بكتير من العربيات على علب في الحوادث.. بالذات في الصدمات الأمامية والخلفية، ده غير إن إصلاحها بيبقى أسهل لإنك ممكن تغير الكابينة أو تلحمها بدون تأثير على قوة الشاسيه.

• له ميزة في الصناعة (بالذات في فترات ما قبل الكمبيوتر) إن الشاسيه الواحد ممكن يتوحد لكذا عربية.. بمعنى إن نفس الشاسيه بنفس المحرك ومجموعة نقل الحركة والعفشة يتركب عليه كذا جسم لعربيات تانية وتبقى موديلات تانية... ده طبعا بيوفر في التكلفة بشكل كبير، لإن معظم تكلفة التصميم بتبقى في الشاسيه والأجزاء الميكانيكية، إنما الجسم مش محتاج حسابات هندسية... ودي كانت سياسة جنرال موتورز لحد الثمانينات.





طيب ليه التصميم ده مبقاش منتشر في العربيات دلوقتي؟

• الشاسيه القوي حاجة كويسة... بس غالبا لما بتقويه وزنه بيزيد ويتقل العربية... ودي مشكلة كبيرة في العربيات لإن الوزن الزائد معناه أداء أضعف واستهلاك وقود أعلى... وأسعار الوقود في العالم بتزيد باستمرار، ده غير القوانين اللي ضد تلوث البيئة في البلدان الصناعية.

• معدل الوفيات والإصابات الشديدة فيه أعلى لإن العربية مفيهاش منطقة امتصاص صدمات، وإن كان فيه تطوير حاليا في إن ممكن يتعمل في الشاسية مناطق ممكن تتكسر أو تنفصل في الحوادث

• فيه مشكلة تانية إن جسم العربية (الكابينة) محتاج كل فترة يتعاد على تربيطه في الشاسيه، ولو ما حصلش الكلام ده ممكن يأثر على اتزان وثبات العربية، ده غير الأصوات اللي حتسمعها نتيجة خبط الجسم في الشاسيه (نتيجة عدم التربيط).

• اتزان العربية بشكل عام بيبقى أقل لإنه مقاومته للالتواء أقل من العربيات على علب





عربيات الركاب دلوقتي مابقتش تتصمم بالطريقة دي إلا موديلات قليلة قوي زي

فورد كراون فكتوريا




طيب... إيه نظام العربيات اللي على علب؟؟


ده اللي حنتكلم فيه المرة الجاية


...

الموضوع على 3 أجزاء


العربيات على شاسيه: مشاركة رقـم 1

العربيات على علب: مشاركة رقم 28

بقيــــــة الأنـــواع: مشاركــة رقـم 47

التعديل الأخير تم بواسطة احمد على 1999 ; 14-01-2012 الساعة 06:17 AM
رد مع اقتباس
  #2  
قديم 05-01-2012, 04:51 AM
الصورة الرمزية sayed2077
sayed2077 sayed2077 غير متواجد حالياً

من انا؟: انا مش فارس ولا فتى احلام انا زحمة وربكه وشغل جنان
التخصص العملى: طالب هندسة قسم اتصالات
هواياتي: الكمبيوتر و السيارات
 
تاريخ التسجيل: Jul 2011
الموقع: القاهرة
المشاركات: 1,405
sayed2077 has a reputation beyond reputesayed2077 has a reputation beyond reputesayed2077 has a reputation beyond reputesayed2077 has a reputation beyond reputesayed2077 has a reputation beyond reputesayed2077 has a reputation beyond reputesayed2077 has a reputation beyond reputesayed2077 has a reputation beyond reputesayed2077 has a reputation beyond reputesayed2077 has a reputation beyond reputesayed2077 has a reputation beyond repute
افتراضي رد: عربية على شاسيه ولا على علب؟؟؟ اتعرف على طرق بناء السيارات

متابع للاهمية
وتسلم ايدك يا غالى
وفعلا انا مكنتش فاهم يعنى ايه عربية على شاسية وعربية على علب بجد الله ينور عليك و جزاك الله خير عنا
رد مع اقتباس
  #3  
قديم 05-01-2012, 05:39 AM
f3lix f3lix غير متواجد حالياً
 
تاريخ التسجيل: Dec 2010
المشاركات: 181
f3lix is a splendid one to beholdf3lix is a splendid one to beholdf3lix is a splendid one to beholdf3lix is a splendid one to beholdf3lix is a splendid one to beholdf3lix is a splendid one to beholdf3lix is a splendid one to behold
افتراضي رد: عربية على شاسيه ولا على علب؟؟؟ اتعرف على طرق بناء السيارات

متابع جدا جدا جدا
رد مع اقتباس
  #4  
قديم 05-01-2012, 09:07 AM
الصورة الرمزية ™Ķǻṙӗӗɱ
™Ķǻṙӗӗɱ ™Ķǻṙӗӗɱ غير متواجد حالياً
التخصص العملى: مهندس مدنى
هواياتي: السيارات
 
تاريخ التسجيل: Mar 2011
الموقع: مدينة نصر
المشاركات: 169
™Ķǻṙӗӗɱ is a glorious beacon of light™Ķǻṙӗӗɱ is a glorious beacon of light™Ķǻṙӗӗɱ is a glorious beacon of light™Ķǻṙӗӗɱ is a glorious beacon of light™Ķǻṙӗӗɱ is a glorious beacon of light
افتراضي رد: عربية على شاسيه ولا على علب؟؟؟ اتعرف على طرق بناء السيارات

تسلم يا استاذنا وجزاك الله خيراً
متابع الموضوع بأهتمام
رد مع اقتباس
  #5  
قديم 05-01-2012, 09:18 AM
الصورة الرمزية ahmed_eng2001
ahmed_eng2001 ahmed_eng2001 غير متواجد حالياً
 
تاريخ التسجيل: Jun 2008
المشاركات: 2,509
ahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond repute
افتراضي رد: عربية على شاسيه ولا على علب؟؟؟ اتعرف على طرق بناء السيارات

متابع باهتمام
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 05:26 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017