مين زار واحة سيوه؟

[koashraf]

المشاركة الأصلية كتبت بواسطة sad-bird تسلم ايدك يا استاذ اشرف مستني باقي الحلقات لان بقالي فترة بفكر في الموضوع ده لكن لم يأذن ربنا بعد

ان شاء الله بعد كتابه بقية الموضوع حتتشجع وتروح وتحدد امتى كمان لان السياحه العلاجيه بتكون من اخرشهر 6 الى أول شهر 9 وهى تختلف عن مواعيد السياحه الترفيهيه اللى غالبا بتكون شهر يناير اواجازة نصف العام.وطبعا حشرح بالتفصيل سبب ذلك ان شاء الله.
واشكرك على مرورك ومشاركتك

[فاطومه المصريه]

جميله ما شاء الله
بس نفسى ازورها بس بعيدة اوى

[tarek elbadry]

شكرا استاز اشرف على الموضوع
انا كان ليانصيب ورحت سيوة سنة2004 بجد جميلة جدا انا كنت بشتغل فى شركة تكييف كانت بتتعامل مع الجيش وكنت عارف ان فى طريق من الفيوم بيترصف لسيوة بس للاسف ظرف الارض صعبة المعدات كانت الارض بتبلعها الرمال المتحركة هوة دة الى ماخر الطريقودة مش كلامى دى كلام الناس الى كنا بنتعامل معاهم من الجيش

[koashraf]

المشاركة الأصلية كتبت بواسطة tarek elbadry شكرا استاز اشرف على الموضوع انا كان ليانصيب ورحت سيوة سنة2004 بجد جميلة جدا انا كنت بشتغل فى شركة تكييف كانت بتتعامل مع الجيش وكنت عارف ان فى طريق من الفيوم بيترصف لسيوة بس للاسف ظرف الارض صعبة المعدات كانت الارض بتبلعها الرمال المتحركة هوة دة الى ماخر الطريق ودة مش كلامى دى كلام الناس الى كنا بنتعامل معاهم من الجيش

من الطريف ان جيش قمبيز الفارسى والذى يقدر بعدة الاف كان فى طريقه الى سيوه لهدم معبد امون حتى يتمكن الفرس من السيطره على مصر عقائديا وقد اختفى تماماًفى الطريق الى واحة سيوه فى هذه الرمال المتحركه ولم يظهرله اثر حتى الان وهذاواحد من الالغاز التاريخيه التى لم تحل حتى الان.
لكن الطريق اللى انا وصفته من مرسى مطروح طريق جميل ومسفلت لان اغلب الحركه من والى سيوه عليه ولكن تنقصه بعض الخدمات.
وشكرا لمرورك وتابع معى باقى الموضوع وان شاء الله تستمتع بيه

[نبيل عبدالرحمن]

تسلم ايدك يا أستاذ أشرف الصراحة سيوه دى قطعة من أرض مصر أكثر من رائعة وكفاية الطبيعة البكر التى لم تلمسها يد إنسان وأنا فى انتظار باقى موضوعك وعلى فكرة أنا عندى صور كثيرة لسيوه بس مش عارف إزاى أضغطها ثم أرفعها ياريت تقوللى عشان أساهم بيها فى الموضوع ، وايه رأيك لو ننظم رحلة للمنتدى لسيوه ؟