اية رايك فى سواقة السيدات

[paradise lover]

اية رايك فى سواقة السيدات ؟
السائقات من النساء فى مصر اما هاديه لانها متعلمه جديد او خايفه تعمل حادثه ويقولوها انا قلت الستات مبتعرفش تسوق والكلام الخايب اياه او متهوره (وانا من النوع الثانى الى استحاله حد يكسر عليا وخصوصا لو حسيت انه عمل كده استهانه بيا علشان انا ست وميفرقش معايا يطلع ميكروباص او ملاكى ده شئ ثانوى فى قرارى)
تقيمك ليهم كام ؟
بكل موضوعيه 4/10 ولكن لهم اسبابهم
وانا واحده من الناس الى ممشيش ورا واحده ست سايقه ولا ورا راجل بيتكلم فى موبايل او راجل سواقته متختلفش عن سواقة السيدات الهاديه)
وده مش تناقض فى راى ولكن لعلمى بطبيعة الحال


الحل اية من رايك ؟
نديهم فرصتهم الكامله حتى يثبتوا انفسهم
ولو عاوز تقيمها صح ولو ان ده مش من حق حد لانك مثلا عمرك مبتقيم سواقة راجل ولكن ان حدث وقيمهتا يكون بعد لما تديها نفس سنوات خبرتك فى القياده

تعمل اية لو حصلك لاقدر الله حادثة مع واحدة ست (خبطلت عربيتك )او العكس ؟
زى لو راجل الى خبطنى بالضبط لو انا الى غلطانه هعتذر واشوف هى عاوزه ايه ولو هى الى غلطانه هستنى لما اشوف رد فعلها وعلى حسب فداحة الحادث تتم المحاسبه

[santaclose]

بصراحه عن تجارب قله ذوق فظيعه خاصه من المحجبات ( المفروض العكس) و احسن شيء تحط اعصابك في ثلاجه و تصدر الطرشه و الخرصه و العاميه

[AbOnOrA]

اكيد مش منطقى يا سانتا ان تبقى فيه قلة ذوق من المحجبات عموماً او حتى غير المحجبات كل فئة من الناس فيها وفيها والتعميم اكيد مش صح ولا ايه رايك

[pro a7mad]

بصو يا شباب بصراحة من ساعة ما نزلت عشت في مصر مشفتش حد بيقفلك بالعربية و انت معدي الشارع غير الستات - وده ربما نابع عن الخوف - , و مرات قليلة شفت ستات هنا في مصر سواقتهم ملهاش حل سواقة محترفين, و في مرة نادرة الحدوث كنت راكب مع صاحبي و في عربية بي ام الفئة السابعه طالعة من جنبنا فا ادت اشارة انها طالعة و طبقت كل حاجة صح بس صاحبي ضربلها الطرشة و كمل ... شوية جت جنبو و الازاز اتفتح طلعت بنت قالتلو: انا اديت لحضرتك اشارة مرة و اتنين بس حضرتك مخلتنيش اعدي , بصراحة صاحبي ساعتها كان محرج قوي مش عارف يقول ايه لو قالها انا اسف... بس قصاد احترامها و ادبها لي كأنه بيشتمها , بس طبعا اغلبية الستات حدث و لا حرج بتسوق و لا على بالها مين جنبها و مين و راها , و اتفرج عليهم بقى في مفارق الطرق تشد الشدة و ملهاش دعوة مين يمين و مين شمال

ptmnlo123per111 و مرة شفت حاجة غريبة قوي اتنين ستات قابلو بعض بالعربية دي جاية عكس طريق دي و راحو واقفين في وش بعض و دي نزلت و دي نزلت و كل واحدة ادت وصلة الردح و بعد كده كل واحدة طلعت و رقة و قلم ...وقال ايه .. بتكتب نمرة عربية التانية .. دول بيكتبو لبعض مخالفات .. و كل واحدة تتوعد التانية ... يعني بيحاولو يطبقو القانون و العقوبة ماشاء اللهptmnlo123per154

[rockeromda]

مش كل الستات تعبانين في السواقة يعني نسبة كبيرة منهم لكن الامر لا يمنع قلة منهم رائعات في القيادة بس يمكن النسبة اللي شفتها مش اكتر من 10 % كويسات - حسب ما بيحصل معايا.
انا باخاف منهم جدا واحاول ماستخدمش كلاكس ولا نور واوسع لهن على قد ما قدر بدل ما الاقي الدنيا وقفت والعملية لخبطت.
فيما يخص الحوادث لا قدر الله غالبا الواحد عيستعوض ربنا الا في حالات الغلاسة وربنا يكفينا شر سواقة الستات