رجةفى الدكسيون عند الفرملة

[اسلام24101973]

صديقي بدل اللاطارات يعني اليمين امام خليها شمال وراء والعكس بس بعد ماترصص العجل كله

[m_elmasoudy]

هو نوع العربية ايه أصلا؟ ومتهيالى لازم ترصص تانى بعد ما غيرت الطنابير عند مركز متخصص أكتر وخليه يركب العربية معاك بعد ما يرصص ويتأكد بنفسه

[miam0502788391]

المشاركة الأصلية كتبت بواسطة m_elmasoudy هو نوع العربية ايه أصلا؟ ومتهيالى لازم ترصص تانى بعد ما غيرت الطنابير عند مركز متخصص أكتر وخليه يركب العربية معاك بعد ما يرصص ويتأكد بنفسه

العربية اكسيل 1500 سى سى بس فيه حاجه انا لاحظتها مكنتش واخد بالى منها وهو ان الرجه بتزيد لما الفرامل بتسخن بعد الضغط المتكرر يعنى لما اكون طالع الصبح وامشى على الطريق السريع وافتح شويه الرجة بتبقى خفيفه وبعدين مع المشى وتكرار الضغط على الفرامل الرجة بتزيد

[فادى]

هى ممكن تكون عدة مشاكل,
لو كانت الرجة "يمين و شمال" مصحوبة فى بعض الاحيان بتعويم:

الفرامل الخلفية ضعيفة, الرجلاش ممكن يحل المشكلة, فى حالة الفرامل الخلفية الضعيفة يرتج الدركسيون الى اليمين و الشمال عند الفرملة بسبب تمايل مؤخرة السيارة خاصة على السرعات العالية.
مشكلة فى العفشة, قد تكون الرجة بسبب المقصات أو بوش فى علبة الدركسيون أو البارات, غالبا هتكون الرجة مصحوبة بتعويم السيارة فى هذه الحالة, عندما تضغط على الفرامل, فان العجل يذهب لليمين و الشمال بسبب وجود ال"بوش".

لو كانت رجة الدركسيون "فوق لتحت" أو عشوائية دون تعويم:

الطنابير. ممكن تغييرها, أو اذا لم تكن مكسورة و فقط سطحها غير مستوى, يمكن الحفاظ عليها مع تغيير التيل, و هى مع الوقت هتطبع مع التيل الجديد لكن هيقل عمر التيل.
فى حالة الرجة الشديدة, فغالبا ما تكون الطنابير مكسورة.
الترصيص لا يسبب الرجة عند الفرملة, الترصيص يسبب الرجة على السرعات العالية فقط.

[EBRAHEM]

اكشف علي علبه الدركسيون