كيفيه الذهاب الى مدينه السلام بالقاهره من المنوفيه

[amse_010]

السلام عليكم

ممكن أعرف كيفيه الذهاب الى مدينه السلام بالقاهره من المنوفيه ؟ والمسافه كام ؟ وتأخد وقت قد ايه تقريبا؟

[وائل احمد السيد]

السلام عليكم
طبعا وانت قادم من المنوفية الى القاهرة هتمشى من طريق مصر اسكندرية الزراعى لحد ما توصل قليوب المحطة وبعدها بحوالى 3 كيلو تقريبا هتلاقى طريق علوى قاطع طريقك بالاعلى . الطريق دة اسمة الدائرى والمفروض تاخد الطريق الدائرى دة شمال . هتعدى الطريق الدائرى(اللى هيكون فوقك ) وتلزم اليمين علشان هتطلع الدائرى الى المرج ومدينة السلام والقاهرة الجديدة وتمشى فى الطريق دة لحد ما توصل الى مدينة السلام وتوجدعلامات وارشادات على الطريق ولماتعدى المرج وبعدها مؤسسة الزكاة بعدها على اليمين هتلاقى جامع كبير وامامة كنيسة يبقى انت كدة قربت بعدها بشوية هتلاقى نفق السلام وفوقة كوبرى ( ماتنزلش النفق وخد يمين قبل النفق فية طريق صغير ادخل من الطريق دة والزم الشمال هتلاقى الطريق دة واخدك لفوق النفق (انت كدة فى موقف العاشر ) وراجع بيك للناحية التانية من الطريق اللى كنت ماشى فية كمل مع الطريق بس بعد ماتلف للجهة التانية من الطريق الزم اليمين لانك هتلاقى طريق على الشمال والتانى على اليمين بجوار سور كتيبةالحرس الجمهورى الزم اليمين مع سور الحرس الجمهورى خد الشارع دة على طول وخلى بالك لان فية عدد 2 مطب رخمين امام بوابة الحرس والتانية بعدها بشوية المهم كمل على طول لحد ماتلاقى زحمة عربيات وفية نصب تذكارى للهرم وللسادات تقريبا انت كدة هتكون فى اول السلام فلو دخلت يمين هتدخل السلام وهتمر على قسم السلام اول ولو دخلت شمال بعد النصب التذكارى( لان فية طريق قبل النصب هيرجعك تانى لموقف العاشر ) هتكون فى الحرفيين ... اما الوقت والمسافة فانا روحت الى الشهداء فى ساعة وربع بس مش فاكر كانت كام كيلو
يارب اكون افدتك

تحياتى للمنوفية لانى من الشهداء
تحياتى للمنوفية

[amse_010]

شكرا لحضرتك بس انا للسف معنديش سياره وعايز أعرف أروح هناك إزاى ؟

يعنى بعد ما أوصل الدائرى أركب ايه من هناك؟

[وائل احمد السيد]

السلام عليكم
اوى هتركب اى عربية للقاهرة موقف عبود وتنزل عند الدائرى ودة قبل المؤسسة وتطلع فوق هتلاقى ميكروباصات بتقول موقف العاشر هتركب وقولة عاوز انزل مدينة السلام هتنزل المكان دة اسمة القسم القديم تنزل لاسفل الكوبرى هتكون كدة فى اول السلام .والمكروباصات اللى موجودة فى هذا المكان تنقسم الى ثلاث طرق واحد اسمة سبيكو والتانى اسكندرية والثالث نهضة عبور يارب اكون افدتك
تحياتى