تركيب تكيف ساندن فى سياره سكودا اوكتيفيا موديل 2001 فى ورشة الاسطى احمد حنفى محفوظ فى المعادى وخصم خاص لاعضاء مصر موتورز لمدة شهر واحد فقط

[sayed2077]

المشاركة الأصلية كتبت بواسطة hany_roland معايا النترا2009 نفس المشكلة بجيب سرعة المروحة علي الأخر وطالع ضعيف فكيت البلاور نضفتها بس برضو زي ماهي والفلتر برضو نضيف ياتري ايه اللي كاتم الهوا كده

بنسبة كبيرة اوووى التلاجه اللى جوه مسدوده من التراب وعاوزه تتنضف

[hany_roland]

طب في حل فعلا لتنضيف التلاجه بدون حل التابلوه ولا صعب؟

[sayed2077]

المشاركة الأصلية كتبت بواسطة hany_roland طب في حل فعلا لتنضيف التلاجه بدون حل التابلوه ولا صعب؟

والله حضرتك عربيتى الاكسيل فيها نفس مشكلة حضرتك النهارده روحت اجيب مروحه بتاعت التكيف اللى فى التابلوه قلت يمكن العيب منها وركبتها لقيت الهوا ضعيف زى ما هو فهروح للاسطى احمد يظبطلى الدنيا ديه كلها ان شاء الله

[hany_roland]

ان شاء الله قريبا أزور استاذ أحمد حنفي في المعادي وأشوف المشكلة دي
ممكن حضرتك توصفلي الطريق من الكورنيش لو أنا جاي من حلوان؟

[sayed2077]

المشاركة الأصلية كتبت بواسطة hany_roland ان شاء الله قريبا أزور استاذ أحمد حنفي في المعادي وأشوف المشكلة دي ممكن حضرتك توصفلي الطريق من الكورنيش لو أنا جاي من حلوان؟

حضرتك هتدخل من بوابة المعادى 2 هتلاقى نفسك عند ميدان الفاروق وهتلاقى شارع بيودى على كوبرى كل العربيات بتطلعه هتطلع الكوبرى وتنزل تسال عاوز اروح على ميدان سوارس اول ما توصل ميدان سوارس اسئل فين مدرسة مصطفى كامل و محمد فريد الابتدائى هتلاقى كله بيدلك اول ما توصل هناك هتلاقى بتاع كاوتش قدام مدرسة مصطفى كامل الابتدائى اسئله احمد الكهربائى فيين هيدلك او حضرتك اسئل اى حد هناك فين امد الكهربائى اللى فى شارع التضامن كله هيقولك ان شاء الله