ما هي الاضرار التي لحقت بك جراء هذه الثورة ..؟؟

[Ahmed Anwer]

أنا صاحب أعمال حرة

أعتقد خسارتي كبيرة جدا ،،

لأن إيجارات و أجور و شيكات و حاجات كتير شغاله زي ما هيا

مش مجرد دخل شهري مفتقد كام يوم أو كام شهر

و كمان شغال في مجال السلع المعمرة ،،

يعني حتي مش هيرجع يشتغل بسرعة مع مجرد رفع حظر التجول

بس مبسووط ،، و أعتبره اقل مساهمة بسيطة في الثورة

و عندي أمل إن بعد استقرار الأمور إن شاء الله

الشهور الجاية هتعوض فترة التوقف ،، عشان الناس اللي كانت هتشتري الشهر ده

هيشتروا بالإضافة للي هيشتروا وقتها إن شاء الله

و تحيا مصر

[اسما]

الأيجابىي للثورة هى تعديل الدستور وتقديم الناهبين اموال الدولة لنائب العام وبداية جديدة لمحاربة الفساد وظهور الأيجابيات فى الشباب وفي الشعب المصرى اما الخسائر فا هى كتير بس لسة ماظهرتش لسة في حاجات كتير غايبة عن الجميع غير الغلاء ووقف الحال الى احنا فية وربنا يسترها

[_amr.mostafa_]

شكرا لكم على مشاركتكم

يارب ياكريم ارزق المصريين وعوضهم خيرا نت خسرائهم يارب

اولا احنا في فرع من فروعنا في اركاديا مول ده اتنهب واتسرق واتحرق مع المول بالكامل وخسرانين فيه ما لا يقل عن 4 مليون جنيه ده غير شغل الديكورت اللي كان فيه


واضطرينا اننا نفضي بقية فروعنا بالكامل وادينا قاعدين في البيت منتظرين الفرج

[cheetosmini]

خسارتنا المادية اقل من المعنوية
غياب الامان والاستقرار ووجود الرعب والخوف