الرأي والمشورة (فورد موستنغ 2000-2004)

[dr_eslam_66]

السلام عليكم ورحمة الله وبركاته,
إخواتي في قسم الفورد أول مرة أشارك معاكم وحتاج رأيكم جدا جدا,,,
الحمد لله بعت عربيتي القديمة وكانت كرولا 2002 وكانت لا تشتكي من اي شيء إطلاااااقا الحمد لله ولاكني بعتها بغرض التغيير لا أكثر.

• عايز أشتري عربية جديدة (مستعملة طبعا) وبفكر أغير نوع السيدان كله بحاول مع أي حاجة سبور إتنين باب وياسالام لو مكشوفة.
  في رينج الفلوس الي معايا انا محصور في خيارين لا ثالث لهما,
  إما إني أشتري بي إم دبليو من 320 إلى 330 موديلات 1994 إلى 2000 ودا حسب الحالة والموديل والمواصفات ةعدد الكيلو متر والكلام بتاع المستعمل دا كله والحمد لله كل الي أنا بتكلم فيه في الـ بي إم دا ستة سلندر وعربية مقبولة من حيث القوة والأداء ولاكن يعيب هذه الموديلات هو شكلها الكلاسيكي لأبعد درجة وماحدش يقولي الموديلات من 98 إتغيرت لأني لو عليت بالمودي بنزل بنوع السيارة ياعني لو بفكر في موديل 2000 مش هعرف أجيب غير 318 ودا طبعا بسبب الكاشات.

• أو إني أشتري فورد موستنغ من موديل 1999 إلى موديل 2004 ودا شكل ثابت بردو السيارة الموستنغ منها 8 أو 6 سلندر أوتوماتيك وعادة بسقف وبدون.
  السؤال هوا انا عارف إني خلفية العربية دي بالذات في السوق المصري منعدمة تقريبا لاكن أنا لم يسبقي لي إطلاقا إمتلاك أي موديل من موديلات الفورد عايز رأيكم في أدائها إعتماديتها إستهلاك البترول وطبعا أنا هعدل المقياس وأقيس على الي عندي.
  ياعني مثلا الفورد بالنسبالي تكييف أحسن وأقل مشاكل من الـ بي إم بالنسبة للحرارة برضو الفورد أحسن من الـ بي إم ودا من واقع الأجواء اخارقة للحرارة الطبيعية هنا.
  إستهلاك البنزين طبعا الفورد اعلى بكتير من الـ بي إم
  توافر قطع الغيار وسهولة الصيانة الـ بي إم أحسن من الفورد مع توافر صعوبة في صيانة الإتنين ولاكن الـ بي إم أحسن من الفورد برضو.
  قوة وأداء وشكل وحلمي أصلا وأملي إني كنت اركب الفورد من زمان والله ماتتخيلوش قد إيه.
  المتوافر في السوق وبكثرة الستة سلندر من الفورد ولاكن بسقف وال 8 سلندر مكشوفة وأنا حاليا في رحلة بحث شاقة عن سيارة 6 سلندر مكشوفة وتكون بحالة وسعر معقولين.
  سعر إعادة البيع للسيارتين زفت سواء دي ولا دي الي إتنين بيفقدوا قيمتهم السوقية بشكل رهيب ويمكن هوا دا الي خلا الغلابة الي زيي يحلموا بيوم يركبو فيه عربيات زي دي ولاكن الي هيشتري منهم عربية هيلبسها لحد ماتتكهن أو هيخسر فيها حوالي نص تمنها لما يحب يبيع.

ياريت النصيحة لوجه الله وياريت ماحدش يحس إني الحياه سهلة قوي, للأسف الحياه صعبة شويتين والقرشين الي الواحد خدهم البيعة بتاعت عربيتي القديمة على الي موجود كله شمال ويمين وبحاول ألم نفسي بقى في عربية سبور تحجم طموحاتي شوية بدل العربية السيدان الي كنت عمال أعمل فيها العجب وأزو فيها وأشيل منها وأحطلها وبرضو ماكنتشي عاجباني كانت فعلا العربية مابتعطلشي أبدا وكنت برف عليها كتير جدا لمجرد إني مش مقتنع بيها فا كان لازم أحل الموقف وأبيعها.
وحاليا أ،ا بستخدم عربية الشركة أهو تقضيني كام يوم لحد ما ألاقي عربية كويسة.
عايز رأيكو

1. فورد ولا بي إم.
2. لو فورد 8 ولا 6 سلندر.
3. لو فورد أو بي إم الصبر شهرين أو تلاتة ويمكن أربعة لحد ما أقدر اجيب الفورد 2005 ودا شكل جديد أو البي إم 2000 أو 2001 ودا برضو سلسلة شكل جدي ولا هوا كفاية أصلا والعربيات دي كدة كدة مستعملة وكدة كدة بترخص والزيادة في السعر إستحالة هترجعلي أبدا وفي الآخر كله بيخسر النص وأكتر.
4. السيارة القديمة الي سعرها أصلا خسران أقل خسارة من السيارة الحديثة نسبيا لأني سعرها هيكون لسة بيخسر كتير.

أنا آسف للإطالة إنصحوني من واقع إستخدامكوا لأي فورد.

[esam_comm]

حضرتك تبقي بتظلم نفسك بموضوع الفورد ده اولا مع احترامي حتي التوكيل مش هايبقي فاهم لها لان مافيش خبره بسبب قله هدد ملكها في مصر وحاجه كمان انا كنت راكب جراند شيروكي في قطر وكان الميكانيكي اللي بتعامل معاه شغال في كل الامريكاني وكانت طالعه في دماغي الموستنج الشيلبي بس هو حذرني منها بسبب اعطال الموتور ونصحني ساعتها بالكابريس

[dr_eslam_66]

الله يكرمك.
حضرتك بس اسأت فهمي ولاكن اغلط عليا انا.
انا مش مقيم في مصر انا مقيم في الامارات لاكن يمكن انا ماكدتش علي المعلومة في راس الموضوع بسبب انها مذكروة في مكان التواجد تحت اسمي اعتذر منك مرة تاني.
وبما اني حضرتك كنت في قطر يبقي هنفهمني كويس.
دلوقتي من رابع او سابع المستحيلان انك كنت ممكن تفكر في يوم من الايام في مصر انك تحلم تركب موستنغ بس الحمد لله العربيات دي موجودة هنا ومتوفرة واسعارها مستعمل مضروبة قوي علي قيمتها.
فا ياريت ترد عليا تاني بعد تصحيح الوضع.
حضرتك كمت في الخليج لو كمت مكاني تنصحني بي انهي فيهم بي ام قديم شوية او موستنج احدث واقوي منها والتنبن زي الزفت انا عارف ومقرفين.

[dr_eslam_66]

:10F925~1 65::10F925~16 5:

[dr_eslam_66]

ايييه ايييه في ايييه؟
فين الناس ياجماعة؟