احدث طرق النصب (خد حذرك من ضبط ضغط الأطارات)

[abo_adhm]

حصل معايا انا واخويا - المشكلة مش فاكر البنزينة فين الموضوع دا من اكتر من سنتين تقريبا بنزينة على الدائري تقريبا كنا مسافرين السويس ودخلنا البنزينة ورش المية بصابون السحرية بتاعتهم ولقينا فقاقيع وحط الخابور الامريكي طبعا وبعدها وجد خرم اخر راح واضع خابور كمان وكمان وكمان وكمان لحد ما زهقت وقلت له كفاية كدة وقعدنا نفاصل علشان سعر الجملة ودفعنا مبلغ ومشينا هربا بجلدنا

الله يجازيهم - هم وكل الغشاشين

[ابوجهاد]

وحصل معايا عند واحد معندوش ضمير وربنا ينتقم منه والراجل ده في شارع فيصل بعد شارع المستشفي اوشارع علي شيحه وانت رايح علي الرمايه علي اليمين بوظلي فرده جديده والله 12 خرم الواحد ب 5 جنيه يعني 60 جنيه وبنفس الطريقه ال حكاها اغلبيه الاصدقاء المهم كان كلامه انت مشيت على زجاجه مكسوره ولفيت العجل اكثر من مره وانت واقف عليها المهم انا كنت مسافر علي اسكندريه في هذا الوقت واستغربت جدا علي الموقف ال انا فيه المهم اتصلت بحارس العقار ال انا ساكن فيه وقلت له في زجاجه مكسوره مكان ما باركن السياره قالي في فعلا بس حاجه بسيطه المهم استغفرت ربنا ومشيط وقلت امون بنزين من بنزينه بعد البوابه مباشره علي اليمين وحتى كان مدخلها مش عدل بس الواحد ربكم والحق ماشى متغاظ علشان كده ماكنتش مركز اوي المهم مالقتش بنزين وطبعا وقعت كمان مره فريسه لبتوع الكاوتش وعملت 5 اخرام في نفس الفرده اليمين قدام وكنت متغاظ جدا من البواب علي اساس ان الموضوع كله منه هو مابينضفش المكان من الزجاج وبعد ما رجعت من السفر واتنرفزت علي البواب ويشاء السميع العليم ان يريني بعيني ماذا حدث . وبعدها بفتره ذهبت للمكانيكي لعطل ما وطلب مني قطعه غيار اجبهاله من عند ابو زيد ال بعد بتاع الكاوتش ال في فيصل واقسم بالله شاهدت راجل دخل عتد بتاع الكاوتش بسيارته للتزويد ونزلمن العربيه وتركها وذهب لشراء حاجه من السوبر ماركت ال جنبه وعندها شاور العامل لزميله بسرعه احضار ال حرف تي لخرم الكاوتش وعندها وجدت نفسي واقف في ذهول وانظرالي العامل وعندما راني وقف عن تنفيذ ما اراد ان يفعله ومرضيتش امشي حتي جاء صاحب السياره ووقف معاهم وعندها مشيت في طريقي وانا اقول حسبي الله ونعم الوكيل وكل هذا الموضوع حصل في دقائق بسيطه وان ماشي علي رجلي بدون عربيه وترددت كثيرا ماذا افعل هل ادخل في مشكله ام ماذا افعل بصراحه حسبتها بسرعه انا مكمعيش سياره ومش هعرف اثبت عليهم حاجه وكمان هما حوالي 3 اشخاص يعني يا معلم مطحون مطحون ياولدي . معلش طولت عليكم لكن اخر حاجه بيعملوها في هذا المحل دلوقتي انهم بيوقفوا واحد قبل المحل بمسافه بسيطه ويقولك خد بالك ياباشا الفرده عندك مريحه

[moshradiase]

معروفة وشكرا على النصيحة وفعلا حكاية المنفاخ الكهربائى احسن بكتير بس المصيبة لو فعلا وانت ماشى واتخرم الكاوتش لازم تروح تلحمه عن اى حد لو معكش ستبن وممكن بردوا الواحد يلبس فى حد نصاب ^_^

[ميدو عمر ايمن]

واليكم حل المشكله
#مصر_تنطلق
اختراع مصرى يحمى من حوادث السيارات
تمكن مؤخراً مخترع مصرى يدعى شحاتة إسماعيل من ابتكار إطارات غير قابلة للانفجار تحمى من حوادث انقلاب السيارات الناتجة عن انفجار الإطار نتيجة ثقبه خلال السير.

يتكون هذا الاختراع من عجينة تصنع من مواد صلبة واسفنجية ومواد بترولية يتم حقنها داخل الإطار لتكون بديلا عن الهواء تحوله إلى كتلة صلبة تؤدى نفس خصائص الهواء من حيث السعة والقوة والاحمال وتريح العفشة والمساعدين وتقريبا نفس الوزن حتى تمنع خطورة انفجار الاطارات الخاصة بالسيارات التى تؤدى الى الحوادث.
ويعتبر هذا الاختراع نقطة تحول فى عالم السيارات لما يمثله من أهمية حيث قام بتحويل أضعف نقطة فى السيارة وهى الإطارات الى اقوى نقطة فيهاخاصة على الطرق السريعة.
ويقول شحاتة إسماعيل إن هذا الاختراع يقضى تدريجيا على حوادث الطرق التى اصبحت شبه يومية بسبب إطارات السيارات المعيبة أو المستهلكة أو حتى الجديدة التى تتعرض للثقب خلال السير وتلك الطريقة الجديدة تقوم بتحويل الإطار إلى كتلة صلبة دون هواء
يذكر أن المخترع المصرى حصل على تكريم من الفريق حمدى وهيبة..كما تقدم الى أكاديمية البحث العلمى للحصول على براءة الاختراع الخاصة بالابتكار الجديد الذى من المتوقع أن يقلب الموازين فى عالم السيارات فى حالة تطبيقه على نطاق واسع.



بوابة الوفد الاليكترونية الوفد -

[ميدو عمر ايمن]

كدة هتجنن الصنايعية النصابين
بعد ما يخرم الكاوتش مينمشي ييجي يسالك
باشا
باشا
باشا
الكاوتش ده مش راضي ينام ليه
قله - خش مصرموتورز واقرا الخبر الي فوق ده