تصور وقراءة لما يحدث في مصر ودول الشرق الأوسط...مبروك لشعوب المنطقة

[aymanay32]

لو كان فعلا هو مشارك فى قتل السادات فسوف يكون مصيرة مثله و يقتل على يد الجيش اما اذا كان برىء من دم السادات فسيسافر خارج البلاد

[MIDO-SPICY]

المشاركة الأصلية كتبت بواسطة otefa تصوري لما يحدث حاليا أعتقد بوجود سيناريو سياسي دولي محترم وأيجابي لحد كبير لتطهير المنطقة من الأنظمة الديكتاتورية ومساعدة شعوب المنطقة للأنتفاض والخلاص من قيود حكومات ظالمة مستبدة أستخدمت الأجهزة الأمنية المستعينة ببلطجيةوكثير من الفاسدين ماتقلقوش أن شاء الله خير وبكرة أحسن من النهارده أن شاء الله.

بشمهندس انت كاتب الموضوع دا علشان تصبر نفسك ولا تصبرنا احنا..
الكلام دا غير صحيح بالمره وعايز اقولك ان المتغطى بالامريكان وغيرهم عريان
والدول المحترمه والايجابيه اللى حضرتك بتقول عليها دى ولا هى بتموت فى تراب مصر ولا عاشقه للاهرام والنيل
وخير دليل ان العالم الغربى والمتحضر وانا لا اعتقد ان الشعوب دى لا ينطبق عليها كلمه تحضر بالمعنى الفعلى للكلمه دى لما غزى العراق واللى هو نفسه ساعد العراق فى حربها ضد الكويت ماكنش علشان التحضر وتخليص العراقيين من ايدى الظلم والطغيان وطبعا غيرها من اعمال البلطجه والارهاب الدولى زى سجن ابو غريب وفنون التعزيب اللى ماسعناش ولا هنسمع عنها طول عمرنا وغيرها
انا اسف مش هقدر اتقبل كلامك ولا حتى على سبيل الهزار

[MIDO-SPICY]

انا عايز اقول انى لسه شايف على التليفزيون المصرى دلوقتى مداخلهمن شاب اسمه تامر مقدرتش اعمل او اقول حاجه بعدها غير انى اخد سيجارتى واخرج اقف فى البلكونه علشان ادارى دموعى وحرقة قلبى واللى مقدرتش انى اوقفهم ..

الشاب بيتوسل للتليفزيون وهو منهار تماما من كتر البكاء انه يتواصل مع الشباب قبل بكره ويقولهم يروحوا

هو واحد من اللى بقالهم 10 يام فى الشارع ولما احتكم لصوت العقل روح هربان علشان ماحدش يقول عليه انهخاين

ومعرفش قرار الحربيه بامكانية انهم يروحوا غير لما راح عند اقارب ليه فى غمره

وبيتوسل للتليفزيون انه يوصل التحرير دلوقتى ويبلغ الشباب بالقرار دا

فين ناس كتير جدا عايزه تروح وخايفه من امن الدوله

بيقسم بالله العظيم اكثر من مره ان فيه ناس مش مصريين دلوقتى جوه المظاهرات وكانوا معاهم من اول يوم بيتكلموا معاهم وكانوا بيتظاهروا معاهم وبيجيبولوهم وجبات وشاى وسجاير وبيعملولهم اللافتتات اللى هما عايزينها وقاعدين ياثروا عليهم طول الليل

وقال انهم قالولهم ان بكره جمعه الوداع .. وداع لمين ؟؟؟

وانهى مكالمته وهو فى حالة اعياء من كتر البكاء

بالماسبة مزيع القناه طلب منه انه يجى دلوقتى على التليفزيون علشان يتكلم معاه وحولوا الخط على الكنترول علشان ينسق معاهم هيجى ازاى بس الولد مابداش قبول او رفض

_________________________ _________________________ ____

انا حاسس يا جماعه ان مصر بتسقط .. مصر تعدت مرحلة الثورة واصبحت فى حالة حرب .........

وحرب على مين ... حرب علينا احنا مش على شويه مبانى ولا على شويه فلوس نقدر بتعبنا وعرقنا اننا نعوضهم واحنا فخورين باللى عملناه

دى حرب ابادة للشباب اللى انا فى قمه حزنى انى ماكنتش معاهم علشان افضل فخور بنفسى باقى عمرى ادام نفسى وادام بنتى وادام عيلتى وبلدى

حرب اباده للشباب اللى رفعوا اسم مصر فوق قوى .

حرب اباده للشباب اللى ماحدش قدر يعمل زيهم مش من 30 سنه لا يمكن من 50 سنه او اكتر

حتى ثوره يوليو الشهيره اللى عملها مش شويه شباب عزل .. لا دى قياده جيش ليهم سلطه ونفوذ فى البلد ومعاهم سلاح ثقيل

مش عارف اعمل ايه للناس دى علشان احاول اجنبهم ولو ا % من اللى ممكن يحصلهم بكره

دمهم هيروح هدر

مش لاقى غير انى اقوم اتوضى دلوقتى واصلى وادعى ليهم ان ربنا يحميهم بكره من عنده ويبعد عنهم اى شر ويبيد الظالمين

الناس دى مش عايزه حاجه اكتر من انها تحس انها ليها كرامه فى بلدها ودى ابسط حقوقهم وكون ان الحكومه تنفذلهم دا فدا مش تفضل منهم وانما دا واجب عليهم

يارب حافظ علينا وعلى بلدنا وابعد عنا اى شر ..

اللهم اضرب الظالمين بالظالمين واخرجنا منهم سالمين

يارب رجع لاخواتنا فى ميدان التحرير دلوقتى رشدهم وعقلهم قبل ما تحصل الكارثه اللى كلنا هتسيب جوانا شرخ كبير

وبطلب من جميع الاعضاء اللى فى المنتدى انهم بكره فى صلاه الجمعه ان امام المسجد يدعوا فى صلاته ليهم وان ربنا يخرجنا من اليوم دا سالمين

يارب

انا بكتب المشاركه دى فى اكتر من موضوع دلوقتى علشان اكبر عدد من الاعضاء يقروها ويدعوا معايا للشباب دى ويدعوا وهما بيصلوا من دلوقتى لبكره فى صلاة الجمعه

[otefa]

أنا مش مع الأمريكان ولا حاجة
أنا قصدي أن التوريث كان هايتم بعد كام شهر فهل يعقل أنتقال الحكم ألي مدني ليس له علاقة بالجيش سابقا!!!!!!!!!!!!!!!
الحكم فعليا في يد الجيش حاليا(أنقلاب أبيض) والنظام يحاسب فاسدينه(منع سفر وتجميد حسابات) وجاري ضبط الباقيين
مايجري من فوضي وعنف حاليا فهو من أصحاب المصالح مع النظام السابق للوطني أيوه السابق
من تجار لمخدرات وفاسدي رجال الأعمال أصحاب المليارات وأستخدامها في تأجير البلطجية وعناصر الشرطةة الفاسدة الهاربة أرجو تكون الصوة وضحت

لا للمظاهراتتتتتتتتتتتتتتتتت تت الثورة الحمد لله حققت هدفها أي تصرف بعد كده هايقلبها لخسارة لينا كلنا

[cheetosmini]

الموضوع صعب ومعقد الاراء كتير ومحدش فاهم حاجة