مقال مستفز جدا عن قيادة السيدات المنقبات ادخلو قولو رايكو

[سيف الدين سعيد]

المشاركة الأصلية كتبت بواسطة احمد باشا مع احترامي لجميع الاراء و لكن هل النقاب الي موجود في الصوره يسمح لهذه السيده بالرؤيه بنسبه 100% وياريت قبل ما نرد نجرب نبص من ورا اي حجاب او طرحه خفيفه و خفيفه جدا كمان و بعدين نقول راينا

هى الناس بتشوف من غيره أصلا عشان تشوف بيه ؟

[د.هبه77]

معلوم ان النقاب اصلا اثناء القيادة لا يرتدي بهذا الشكل
واي سيدة منتقبة اثناء القيادة لو كانت تضع البيشة (وهي طبقة رقيقة تضعها بعض المنتقبات علي العين تتكون من قماش شيفون او تول = الاول قماش خفيف والثاني عبارة عن شبكة ذات خيوط دقيقة )
فمن المعلوم ان المنتقبة تقوم برفع هذه "البيشة " اثناء القيادة من علي العين لتري الطريق جيدا
للأسف المشكلة انه لا يعلم هذه الامور الا من تعرض لها بنفسه ! ويستحيل ان اقول ان التجربة خير برهان!!!
ارجو ان اكون قد وضحت الصورة الي حد ما!

[ahmed_rahem]

السلام عليكم،

احب اضيف نقطة تايهة عنكم، القيادة فى مصر تحتاج إلى عيون فى خلف وجانبى الرأس. أنما القيادة فى باقى دول العالم القيادة سهلة لان القواعد معروفة وكسرها استثناء وليس القاعدة.
انا زرت اربعة دول اروبية ودوليتن خليجية، محستش بفرق فى الطرق بينهم ولا قواعد المرور خالص. فى الامارات السيدات تقود السيارات بالنقاب الكامل بدون تأثير على باقى السيارت - كلة ماشى فى حارتة - انما هنا صعب.
يبقى الوضع مش ضد قيادة المنقبات انما وضع ظروف تتيح قيادتهم لان بالوضع الحالى يتكون فى صعوبة ليهم ولينا، تحسين الظروف من اول استخراج الرخصة - بامتحانات زى باقى الدول وتطبق على الكل - لحد جودة الطرق واتباع قواعد المرور على الكل.
مش الفوضى الى احنا عايشين فيها.
انا زوجتى كانت بتسوق فى الامارات وعلى سفر بسهولة تامة - وبعربيات اقوى من الى هنا - انما هنا بتخاف تروح لحد المحل الى فى اخر الشارع والقيادة بتكون عندها اخر خيار.
احنا بنتكلم فى الفرعيات وسايبين الاساسيات، حد عاجبة فوضى المكروباص، ولا قتل جميع قواعد المرور - من مشى عكس الاتجاة على طريق الواحات، إلى كسر اشارات -، ولا بلطجة سواقين النقل خصوصاً الثقيل منهم، ولا المصيبة الكبير الحاجات الى بنمشى عليها ومفروض انها شوارع ليها تخطيط وعلم والمدقات الى عندنا. فى المانيا فى عز المطرة من المطار إلى الفندق سواق التاكسى كان ماشى على 150 كيلو وبيقول علشان فية مطرة، والامارات على الطرق السريعة 120 كيلو دى حارة البطئ، هنا ابقى ماشى 120 وانا خايف ازود لان الطرق مبتستحملش ولا البلاعات والحفر ومطبات الاهالى...الخ.
ارجو انكم تخدوا رأئى بهدؤ، انا لا اقصد تجريح احد ولاكن بيصعب عليا اشوف حالنا كدة وناس تانية حالها ازاى واحنا فى ادينا نتغير للاحسن، المهم النية.

والسلام ختام

[DOAA :)]

اممممم اصلا المنتقبات اللي بيسووووقوا هنا عددهم جداااااااا قلييييييل مش مستاهل كل الخناقات والحوارات دي ياجماعه

فيه حاجاااااااات تانيه للمرور والطريق تستاهل النقاشات دي اكتر وربنا يصلح حال البلد ان شاءالله

[young..pharaoh]

و انا شخصيا تعرضت لاحتمالية صدام من قبلهم ثلاث مرات

سبحان الله كاتب الموضوع مبيخبطوش الا منقبات

عفوا ده طلع مبيخبطوش .. ده كاتب احتمالية !! الراجل بيحاسبهم بالتخمين ؟!

هقول ايه .. دي نيــات .. و هو ماشاء الله نيته لون قلبه

ملحوظة : أنا مش مع سواقة المرأة عامة أصلا الا لضرورة