ليه بتحبو ال128 وبتكرهو الادا ؟

[hazem_khidr]

المشاركة الأصلية كتبت بواسطة hamdyghazal على فكرة يمكن يمكن القيادة بسهولة فى اللادا عند تزويد الكاوتش 45 مثلا . لكن جمال الادا ومتعتها وهى محملة .وشكرا

طبعا كلااام غلط جدا مع احترامي لحضرتك
الكاوتش بالمنظر دا ممكن ينفجر في اي وقت
يبقي مش علشان اخلي الدركسيون خفيف يبقي اضيع نفسي و العربيه

[ahkhalil]

انا عندى لادا 2107 موديل 2007 العربيه فعلا ناشفه وخشنه بس لو قارناها باى عربيه فى مستوى سعرها فعلا اللادا تكسب
السعر والمتانه هم الميزتين الاساسيين فيها
بس خلاص
ptmnlo123per181

[abo salem8882]

والله يا حدعان مافيش عربية وحشة ,, اكيد ليها مميزاتها
بس الفكرة ان الواحد يجيب اللي يناسبه و يعامله بمايرضي الله
بس

[tom_gr]

مع احترامى لكل مالكى ال 128

عربية لا تستحق ان يطلق عليها كلمة سيارة
1- جرب تركب فيها 3 ااشخاص غيرك ؟ هاتبرك على الارض زى الجمل واسمع احلى اصوات
2- جرب تعدى بيها 130 - هاتحس انها ورقة فى الهوا طايرة وربنا يستر ( وبالذات فى الملفات )
3- جرب تطلع بيها مطلع --- هاتتكسف احلى كسفه ادام العربيات الى حواليك
4- يلا بينا بقى على الكبيرة --- اطلع سفرية يا معلم ومش هاقلك مطروح ولا ولا ولا -- لا هاقلك من اسكندرية للقاهرة ( هاوقعلك قلبك وطول الطريق هاتبقى متنشن اوى ) ولو حالتها ممتااااااااااازة يادوب هاترجع بيها على الميكانيكى عدل

الخلاصة
مع مساواة كل من : السعر - الموديل - قطع الغيار - الصيانة ( الاتنين زى بعض )

عاوز عربية : سهلة القيادة - تقضى بيها مشاويرك جوا بلدك يادوب - تركن بسهولة
وبس
يبقى 128
عاوز عربية بمعنى كلمة عربية
واسعه - كبيرة - قوية - دبابة - تسافر بيها للهند - تركب فيها علتك كلها
يبقى اللادا

[مهند سالم]

خلاصة الكلام، وبعد قراءتي لمشاركات الأعضاء، وكلام أستاذ حازم الموزون، ال128 تكسب جوة البلد بجدارة، لكنها وعن تجارب كثيرة ضعيفة في السفر والتحميل، ولذلك اللادا تكسب في التحميل والسفر بجدارة.
يبقى حضرتك لو موظف جوة البلد هات الفيات، ولو بتسافر كثير أو بتحمل يبقى اللادا طبعا بس تابعها في مسألة ملص البيض.
وفي النهاية بأشكر صاحب الموضوع إلا خلانا نستفيد الاستفادة الجميلة دي.