|
|||||||
| رينو ميجان Mégane The Renault Mégane is a small family car produced by the French automaker Renault since 1995. It is offered in 3- and 5-door hatchback, saloon, coupé, convertible and estate bodystyles. The Renault Scénic (launched 1996) is the first modern compact MPV to be built in Europe |
 |
|
|
أدوات الموضوع |
|
#101
10-02-2009, 02:56 AM
|
||||
|
||||
رد: حقيقة الميجان
صراحة لقد توقفت عن التحدث في هذا الموضوع لانه طال جدا وأصبح "بايخ"
وأرجو قبل أن أن أسرد أسباب عدم كتابتي في هذا الموضوع أن يكون الكلام في المفيد فقط دون التطرق إلى الفرعيات التي لا تفيد أحد أي نكتفي بما قيل في مصطلح "الكومبيوتر" بدلا من "الكونترول يونت" حيث أن المصطلح الدارك هو كلمة "كومبيوتر" بدلا من "كونترول يونت" وحتى في التوكيل نفسه لا تجد أحد يستخدم المصطلح الصحيح (سواء من المهندسين او الفنيين او حتى العملاء) بل يستخدمون المصطلح الدارك وأنا متأكد ان اجهل الناس حتى لا يتخيل أن يكون داخل السيارة "كومبيوتر" له "ماوس" و "كي بورد" و "رامات" و "هارد دسك" ..... أكيد طبعا وإذا دخل أحد الأشخاص هنا أو في أي موضوع أخر وقال أنه لديه مشكلة في "الجادون" فاستحلفكم بالله أن لا تتوقفوا عند هذه الكلمة و قدموا له المعلومة دون شرح الفرق بين "الجادون" و"الدريكسبون" إذا دعونا نتحدث في المفيد قفط دون تصحيح كلمات متعارف عليها أكثر من المصطلحات نفسها وأسباب عدم كتابتي في هذا الموضوع أكثر من ذلك تعود لتلخيص الزميل "Tronky" في أننا لسنا المقياس لتقييم الميجان وأنا معه جدا في هذه المقولة .... فعلا ليس معنى ان يكون هناك فرد مثلي يحكم على السيارة بأنها ردئية يكون الحكم الشامل عليها بانها ردئية لاني لست مستر "شوماخر" مثلا لكي يكون كلامي هو الفيصل في الحكم على السيارة وإنما العبرة بالسوق الذي حكم على السيارة بما يليق بها حقا وهو النزول إلى أقل من نصف ثمنها .... والسوقق هو الفيصل في هذا الموضوع إذا الحكم على السيارة لا يحتاج شهادات من أحد فقد حكمت السيارة على نفسها بالأعدام في سوق السيارات المستعملة لننهي هذه النقطة ونتحدث فيما يفيد عن الأعطال وتكاليف الأعطال بدون اي أثبات مني لاي شيء يفيد بأن السيارة أعطالها كثيره ومكلفة فكلام الزميل "Tronky" كافي جدا للقارئ ..... فابلرغم من الدفاع المستميت من طرف زميلي العزيز "Tronky" إلا أن القارئ أستنتج أن الميجان مليئة بالأعطال ومكدسة بالمشاكل وأسعارها غاية في الغلو ومن أين لك هذا الأستنتاج أيها القارئ ؟ من كم المعلومات التي أستفاض في شرها الزميل "Tronky" عن أسعار القطعة الفلانية والقطعة العلانية وعن وجودها بسعر كذا داخل التوكيل وبسعر كذا خارج التوكيل وبسعر كذا لدى تجار قطع الغيار المستعملة في الحرفيين إذا كانت السيارة التي لم تكمل عامها الرابع في الأسواق المصرية معلوم لدى احد مالكيها كل هذه المعلومات فهو بالتأكيد تعرض او رأى من تعرض لمشكلات السيارة وبالتالي اصبح عنده خلفية عظيمة بسيارة عمرها أربع سنوات ويلجئ مالكيها لشراء قطع غيار أستعمال الخارج !!!!! فانا منذ بدأت أن أركب سيارات جديده (الـ"ماتريكس" على سبيل المثال) لم أتذكر في يوم من الأيام أنني بحثت عن سعر أي قطعة غيار سواء كانت جديده او مستعملة أستعمال الخارج حتى لان السيارة ليست بها أية أفتكاسات تحتاج إلى تلك المعرفة الرهيبة لكل قطعة غيار مستعملة وجديده وليس لها أعطال أقابلها لمعرفة أسعار كذا وكذا داخل التوكيل أو خارجه "ملخص الهذه النقطة : إذا كنت تركب سيارة ممتازة لا تواجه فيها أية متاعب فمن أين اتت لك كل هذه المعلومات عن الاعطال وعن اسعار أصلاحهاوعن المستعمل منها ؟" اعتقد أن القارئ خرج بنتيجة كافية من دفاع الزميل "Tronky" ومن كلام الزميل "Tronky" ودفاعه عن السيارة تستنتج أيضا أنه مقتنع جدا بالسيارة إلى حد لا تستطيع معه أن يغير وجهة نظره فيها لانه لم يجد بها أعطال كما يقول أو لانه يرى أن تلك الأعطال والمصاريف عادلة بالنسبة لهذه السيارة .... وهذه وجهة نظرة مع العلم أن حجم المبالغة الرهيب من قبل زميلي العزيز في تسفيه السيارات الأخرى جعل القارئ أيضا يشعر بمدى تحيز الزميل "Tronky" تجاه الميجان (المليئة بالعيوب) حيث وضع هوة عظيمة جدا وفجوة كبيره بين تكنولوجيا الأوكتافيا وتكنولوجيا الميجان وكانت حجته ان الاولى موديل 1998 والثانية موديل 2008 وحسب على ذلك أن الفرق 10 سنوات ..... في حين ان الفرق بينهم 6 سنوات فقط وهو الفرق بين أول موديل للأوكتافيا(1998) وأول موديل لليمجان (2004 بالخارج) وحتى إن قلنا أن الفارق هو عشرة سنوات فمن المعروف ان الألمان هم من يطلقوا التكنولوجيا ثم يتبعهم الأخرين في تقليدهم وياخذوا في ذلك سنوات لكي يدركوا الالمان وأيا كان فـ6 سنوات لا تمثل شيء في أن تجعل فجوة هائلة كما صورها لنا زميلي "Tronky" فـ6 أو حتى 10 سنوات ليست بفارق يجعلنا نتحدث عن تكنولوجيا السحاب في الميجان وانا هنا لست في صدد نقد لأراء الزميل "Tronky" (فله عندي ألف تقدير) ولكن أترك القارئ ليستنتج بنفسه ما يريد من الاحاديث السابقة .... والحكم في النهاية للسوق الذي حكم الحكم النهائي لتلك السيارة السئية السمعة وأرجو ان لا يدخل احد علينا بعد ذلك ليتهم الناس بالجهل لتقيمهم للسيارة في سوق المستعمل لان السوق هو الحكم العدل في هذه الحالة ولا أستطيع أن أستوعب ان احد باع سيارته لانه سمع عنها كلام سيء هههههههه صراحة أنا لا أهضم مثل تلك المقولات التي لا تدخل عقل طفل بريء .... فأبني مثلا لديه الكثير من الألعاب التي يرفض أحيانا بعض اصدقائه اللعب معه ببعضها لحكمهم على هذه الالعاب أنها ليست جيده أو رديئة ومع ذلك لم يقم أبني بهجر أو رمي أي لعبة من الألعاب التي يملكها لانها ببساطة ترضيه جدا جدا ولا يهتم بما يقوله أصدقائه ولي عودة بعد ان أقوم بأصلاح ما طرئ من جديد في السيارة الميجان ptmnlo123per1127 التعديل الأخير تم بواسطة Payoo ; 10-02-2009 الساعة 03:13 AM 
|
|
#102
10-02-2009, 04:37 AM
|
||||
|
||||
|
رد: حقيقة الميجان
بصراحة حلوة قوى الفصحى و بتضفى مزيد من الوقار والمصداقية على أى مقالة.......بس أعذرنى مليش فيها
فأسمحلى أرد على كلام سيادتك بالعامية و من غير أقتباس.......و هحاول أرد على نقطة نقطة أولا أتفق معاك أن الموضوع طول و بقى بايخ قوى مع أنك كنت بتقول من 3 أو 4 صفحات ورا أنك عندك أجزاء أكتر من أجزاء ليالى الحلمية و رأفت الهجان و هتقولها...........و دلوقتى مش عاوز تقول....عادى براحتك ده من حقك. دع غير أنك قلت برضه أنك هتقولنا أيه عيب الفتيس اللى كان عندك و أتصلح بعد معاناة مع التوكيل.......وبرضه مقلتش........برضه عادى من حقك. موضوع الجادون ده هايل بصراحة.........بس مسألتش نفسك لو لقيت حد بيقول قدامك على الدركسيون جادون أنت هتقول عليه أيه ؟؟؟؟ عموماً نسيبنا من النقطة دى لأن واضح أنك مفهمتش قصدى منها اللى هو أنى كنت بوضح أن العربية أياً كانت بيبقى فيها أكتر من حاسوب لمختلف الوظائف......و خصوصاً عربيات اليومين دول المليانة بالتكنولوجى...........و بالتالى مينفعش نقول كمبيوتر العربية....ممكن نقول كمبيوتر الأيرباج مثلاً.......كمبيوتر ال ABS بس منقولش كمبيوتر ونسكت............أنهى كمبيوتر.......مين فيهم ؟؟؟؟ بالنسبة لموضوع السوق ده.......لأ..........بالذ ات السوق المصرى......بيختلف عن أى سوق فى العالم أجمع..........و لينا فى ماركات كتير تانية عظة وعبرة.......زى فورد مثلاً.....ليه بتتباع رخيصة؟؟ بى أم ليه أرخص من مرسيدس........مع أن الأتنين ألمانى......و كلامى طبعاً عن المستعمل وسبق ووضحت ليه الميجان سوقها واقع بالنسبة لباقى العربيات من نفس الفئة....... و مش هكرر الكلام تانى. نيجى بأه للنقطة اللى بعدها............و هو التشكيك فى كلامى أن العربية بدون أعطال كتيرة....... وسبق ووضحت أيه هى الأعطال و كانت بتبقى فى موديل 2005 ( كويلات و بطارية ) أنا واحد من الناس اللى عندها حب معرفة كل ما يتعلق بعربيته.......فى عربيتى الحالية واللى قبلها و اللى قبلها كمان. هتيجى تسألنى عرفت الأسعار منين......هقولك مع أنك مبتصدقش كلامى زى ما هوه واضح من كلامك وبالنسبة للسيارة التى لم تكل عامها الرابع...........السيارة دى عاملة 88 ألف وشوية مش عاملة 30 ولا 40 ألف............يعنى ماشية كتير........وهى لم تكمل عامها الرابع يعنى على حسب تقديرى على ما هتكمل عامها الرابع هتبقى عاملة فى حدود 100 ألف كم........هو فى عربية فى مصرنا العزيزة بتقعد كل ده من غير ما يبوظ فيها حاجة ؟؟؟؟؟؟؟؟؟؟؟ مع العلم أنى مهسهس فى كل ما يخص العفشة بصفة عامة و المحافظة على العربية بصفة خاصة. كونك أنت مش بتسأل على قطع غيار عربياتك دى حاجة تخصك..........مش مشكلتى أنا و متقللش من مصداقيتى فى حاجة. 1- أنا بنزل شارع دمشق كتير لأن معايا عربيتين و لحد سنة فاتت كانت واحدة منهم مو 94 و كنت بنزل أجيبلها قطع غيار كتير أو أصلحها لأنها كانت عربية مراتى.......و أنا واقف مع الميكانيكى أو معدى أجيب قطع غيار بسأل على قطع غيار عربيتى المختلفة........هوه ده عيب ؟؟؟؟ ولا حرام ؟؟؟؟؟ 2- أنا برضه بحب أدلع نفسى على قد ما أقدر و على قد ربنا ما يقدرنى.........نزلت الحرفيين عشان أعمل طارة الدركسيون فى الميجان جلد.........و أنا داخل لقيت واحد بتاع قطع غيار رينو.....قلت أسأل على الطارة أستيراد مش هخسر حاجة......لقيتها وجبتها و أثناء التركيب كنت برضه بسأل على قطع الغيار و أسعارها........هوه ده عيب ؟؟؟؟ ولا حرام ؟؟؟؟؟ 3- فى مصدر تانى بجيب منه معلومات عن قطع الغيار و أنا على النت...............و أعتقد أن أنت عارفه........هوه ده عيب ؟؟؟؟ ولا حرام ؟؟؟؟؟ عن الملخص اللى أنت كاتبه : أفهم من كده أنك بتتهمنى أنى باكذب على الأعضاء لغرض ما.........و أنا مقبلش بكده........اللى عاوز يصدق يصدق واللى مش عاوز يصدق..................... .........نمشيها " براحته" سبق و ذكرت الأسباب اللى بتخلينى أعرف أسعار قطع الغيار داخل و خارج التوكيل و فى الحرفيين.......ولا محتاجة توضيح تانى؟؟؟؟؟ بالنسبة للحتة بتاعت قطع الغيار..................ق ارن قبل ما تتكلم.......قارن بينها وبين اللانسر القديمة والكورولا القديمة برضه.......و الأوكتافيا القديمة والجديدة هتلاقى أن أسعار قطع الغيار متقاربة......ارخص فى بعض الحاجات و اغلى فى بعض الحاجات......و هتلاقى الميجان و الأوكتافيا أغلى عموماً من اليابانى.......و ده عادى...........الأوروبى دايماً أغلى من اليابانى..........وبرضه قلت الكلام قبل كده بس يمكن أنت مقرتهوش كويس. تسفيه العربيات دى بأه قصة فى حد ذاتها..........أنا مسفهتش عربيات.....أنا بتكلم عن واقع الفرق بين العربيتين و حضرتك لما حسبت الفر ق أنه 6 سنين بس ده كان على أساس أن الأوكتافيا أو نزولها مصر كانت فى 98 و الميجان أول نزولها مصر كانت 2004...........؟؟؟؟؟ الميجان كان نزولها فى أواخر 2004 يعنى أوائل 2005.........و عشان كده أمر شبه مستحيل أنك تلاقى ميجان 2004 و على فكرة أنا لما قولت 10 سنين كنت بتكلم فى حاجة تقريبية......و معلوماتى بتقول أن أوكتافيا A4 موجودة بره مصر من 96 على الأقل......يعنى تصميمها الميكانيكى مش الشكل أقدم من 98......عموماً برضه ميجان موجودة بره من 2004 ماشى هنمشيها فرق 7 سنين.......أنت شايف أن فى ال 7 سنين دول محصلش فرق فى أستخدام التكنولوجيا فى العربيات؟؟؟؟؟ لو شايف كده يبقى لازم تراجع وجهة نظرك لأن الفرق شاسع..........و التكنولوجيا اللى نزلت فى الميجان ساعتها مكنتش بتنزل غير فى عربيات من فئة أعلى.......زى المرسيدس و البى أم. مش مصدق النقطة دى يبقى تقولى فى تكنولوجيا أيه موجودة فى الأوكتافيا و أنا أقولك فى تكنولوجيا أيه موجودة فى الميجان ونقارن. أنا بقى اللى مش مستوعبه.........أزاى يبقى عندك كم المشاكل دى و مش عاوز تبيع العربية...(ده أعلان صغير فى الوسيط يجيبلك ناس كتير)......و يتعرض عليك مساعدة وبرضه أنت مش عاوز..........تيجى أزاى دى ؟؟؟؟؟؟موضوع مش منطقى و خصوصاً مع كم الأعطال الرهيب اللى عندك.......ده أنت بتقولنا على عيب كل يومين أو تلاته ده غير أن فيه فى كلامك تناقض فى حاجة............أنت عربيتك مو 2005 يعنى برة الضمان بأى حال من الأحوال.................. .مع أنك كنت قايل أنها فى الضمان.............أزاى ؟؟؟ لو حضرتك تحب تكمل النقاش أنا معنديش مانع بس ترد على كل النقاط اللى قولتها واحدة واحدة ........وخصوصاً موضوع مساعدتى ليك و لو أنت مش عاوزها تقولى على رقم عربيتك عشان نعرف ال history بتاعها من التوكيل و أيه اللى بيحصل فيها بالظبط مخليها تعطل منك كل يومين. أبنك...........ربنا يباركلم فيه و يرزقك برزقه.............ما هو طفل برضه والأطفال أحباب الله.......فا يا ريت متحاولش تشبه موقف أى حد مننا بيه......لأن فى فرق شاسع بينا وبينه.....هو طفل صغير لسه.....يعمل اللى يعمله من غير حساب من رب العباد...........الدور والباقى علينا أحنا الكبار.....أى حاجة بنعملها بنتحاسب عليها.....يعنى لازم نبقى عارفين الصح من الغلط.......نعمل أيه و منعملش أيه. باقى كلامى موجه للسادة الأعضاء أولاً :ً أكثر ما أعجبنى فى المنتدى فى البداية هو وجود الأية الكريمة " و ما يلفظ من قول إلا لديه رقيب عتيد". ثانياً: يعلم الله أننى أجتهدت بقدر الأمكان فى توصيل الصورة كاملة من الواقع الفعلى لسيارتى و سيارات من أعرفهم..........و أجتهدت بقدر الأمكان فى عرض المساعدة لمن يريد...............و الله على ما أقول شهيد
__________________
|
|
#103
10-02-2009, 05:20 AM
|
||||
|
||||
|
رد: حقيقة الميجان
يا جماعة انا شايف الكلام كدة خد مأخذ تانى خااااالص غير الفائدة المرجوة منه والهدف الأصلى فى النقاش هو المعلومات الدقيقة والمصلحة لكما وللأعضاء أيضا...............
فكل منكما اجتهد قدر الأجتهاد...... بايو فى شرح وتفنيد مشاكله دون أدنى شك فى كلامه....... وترونكى فى الدفاع عن سيارة من وجهة نظره العلمية والعملية انها مريحاه وعرضه الدائم فى المساعدة............. مع بعض المرور و المشاركات من بعض الأعضاء سواء كان يملك السيارة أم لا ونقل وجهة النظر من أفراد عن طريق السمع وما اللى ذلك............. فلا ينبغى أن يتطور الحديث الشيق والأختلاف الذى أعتبره ظاهرة صحية الى أن نغلق المناقشة فى الموضوع بهذه الطريقة والذى قتل بحثا فى المنتدى.......... ترونكى يابايو لما ذكر أسعار قطع الغيار الاستيراد على ما أتذكر كان يتحدث عن مراية جنب ووارد جدا انها تتكسر من حادثة بسيطة وليس عن شئ فى السيارة كفتيس مثلا أو ما الى ذلك....... وبايو يا ترونكى مش ممكن تكون العربية مريحاه ويتمادى فى اظهار سلبيات أكيد هى كدة معاه......... وزى مافيه ناس بتشتكى منها فى ناس بتشتكى برضة من باسات أو أوكتافيا مثلا ........... وسواء هؤلاء أو هؤلاء يملكون من الأسباب المقنعة للأعجاب أو العكس .......... فلا ينبغى أن يصل النقاش المثمر دائما الى احتداد ......... فلطالما كنا نضرب المثل بينكما فى النقاش الهادئ الهادف المثمر الذى نتمنى ان يستمر دوما كأخوة متحابين فى الله............. أخر ما أود قوله الأختلاف فى الرأى لايفسد للود بيننا جميعا قضية.............. التعديل الأخير تم بواسطة ayman abdelrazek ; 10-02-2009 الساعة 05:27 AM
|
|
#104
10-02-2009, 01:00 PM
|
||||
|
||||
|
رد: حقيقة الميجان
أخى أيمن...... شكراً على كلامك الجميل أولاً
و أنا معاك فى بس فى حاجتين أنا مش لاقيلهم تفسير......يا ريت لو تعرف تفسيرهم تقولى..... 1- الخلاف فى الرأى طبعاً لا يفسد للود قضية......و لكن الأتهام ضمنياً بالكذب بالتأكيد يفسد للود كل قضية. 2- مشاكل بايو كلها صحيحة........... طيب ليه مش بيرد على أقتراحى بتاع التوكيل ؟؟؟؟؟؟؟ الواحد لما بيكون عنده مشاكل فى عربيته بالمنظر ده أعتقد هيكون فى أشد الحاجة للمساعدة.............وحتى لو مش عاوز المساعدة.....طلبت منه طلب عشان نفيد باقى الأعضاء و عشان أنا متكلمش تانى........وبرضه مش بيرد عليه. شكراً مرة تانية على ذوقك.
__________________
|
|
#105
10-02-2009, 01:56 PM
|
|||
|
|||
|
رد: حقيقة الميجان
بعد ما قريت الكلام ده كله استشف ان العربيه الميجان عربيه متوسطه الحال , عاليه التكنولوجيا , لا تنفع للأستخدام العادى بمصر و فى حال استخدامها لازم تحط فى الشنطه لكه فلوس علشان الصيانه و تغيير قطع الغيار ....يبقى عربيه تركبهافئه فوق اعلى من المتوسطه للقدره على الصرف عليها .
يبقى كده عربيه كويسه للى معاه  و بزياده و عربيه مش تمام و مش كفء للفئه العاديه من الشعب المصرى اللى بيبقى عايز عربيه ماتفتحش بقها لمده خمس سنين على الأقل ....... و بغض النظر عن العربيه ارجو ان تهدأ حده الأنفعال للمؤيد او المعارض ............... و لكم جزيل الشكر,,,,
__________________
 اى موضوع او اى تعليق ينم عن رأيي انا الشخصى و لكم جزيل الشكر ,,,
|
|
| الكلمات الدليلية |
| رينو ميجان |
|
|
