رابطه ( قول معاك كام و انا اقولك تجيب ايه بفلوسك )

[أم زياد]

السلام عليكم ورحمة الله وبركاته
لو سمحت كنت عايزة عربية في حدود ال35000 ج
كنت عايزة كمان أسأل رأيك في الأكسنت واللانوس موديل 2000 أو 2001 واي واحده أفضل؟
كمان في ناس ذكروا لي الكيا سيفيا 2000 هل حلوة؟قطع غيارها غالية ولا إيه؟ وياترى سعرها حوالي كام ؟وهل كوري ولا مصري أعرفها إزاي؟
ياريت لو في عروض عند حضرتك تقولهالي؟
ولك جزيل الشكر

[ali ebrahim]

ارجو المساعدة
عايز عربيه في حدود 40 الف تكون موديل جديد شويه وجامده يعني من 40:35 الف بس عربيه كويسه تبقي ايه وسعرها في المستعمل واكون شاكر جدا

[YahiaAshraf]

المشاركة الأصلية كتبت بواسطة rawanaltoka السلام عليكم ورحمه الله وبركاته اود في البداية ان اشكرك علي هذا الجهد الرائع واود من حضرتك مساعدتي فمعي في حدود 50 الف جنية واود ان اشتري عربية ع الزيو 2012 فيها اوبش او حتي نصف اوبشن انا كنت قرأت عن (الجين ماروتي – اسبيزنزا A113 – جيلي باندا -BYD F0 - شيري QQ - سوزوكي التو او سيلاريو - جيلي باند كروس - سايبابرايد- ايديا – شانا بيني) بس معظمها صيني وانا خايفة ومقللقة شوية من الصيني و مش عارفة اختار بس قريت ان ماركة byd حلوة وفي منها تاكسيات شغالة كويس انا عايزة عربية فيها اوبشن وقطع غيارها متوافرة ورخيصة (برة وجوة التوكيل ) وتكون انيقة وكويسة في امكانيتها وتستحمل في حدود 50 الف جنية انا عايزة حضرتك تقولي اية احسن عربية فيهم ولو فيه غيرهم وحضرتك تعرفهم أو لو فيه عربية ع الزيرو 2012 في حدود 50000ج حضرتك تعرفها غير الصيني وتكون كويسة وتستحمل ياريت تقولي وياريت تقولي اية العربيات الي ع الزيرو في حدود المبلغ دة واسفة لو كنت طولت علي حضرتك بس بقالي حوالي شهر علي النت بدور علي عربية امكانيتاها حلوة والصراحة تهت ومش عارفة اختار وخايفة اختار يكون في في عربية تانية بنفس السعر وتكون احسن أصلي مش عندي خبرة في العربيات والف شكر لحضرتك

تم الرد على الخاص
تحياتى

[YahiaAshraf]

المشاركة الأصلية كتبت بواسطة Mr-Mohamed اولاِ اشكرك جداً لمجهودك الجبار والله يجعله فى ميزان حسناتك انا معايه 50 الف وهخلي حضرتك تختار واديني رايك ايضا فى موضوعي اللى فى توقيعي واكون مشكور جداً ليك فى انتظارك

بص يا زعيم بالتمن ده تجيب



اوبل استرا 2004 الى 2005 اوتوماتيك او مانوال فول اوبشنز الشكل الجديد
من 48 الى 50 الف


عندك كمان دايهاتسو تريوس موديل 2000 اوتوماتيك او مانوال
من 45 الى 50 الف



عندك برده فيات سينا موديل 2008 فول اوبشنز كسر زيرو ب 48 الف
و 2009 الشكل الاحدث من الجديد ب 50 الف
كسر زيرو


فى كمان فولكس بولو 2001 سيدان ب 48 الف

و موديل 2005 عيون ب 50 الف


اخر حاجه عندك فولكس فاجن باراتى استيشن كبير 2006 ب 50 الف
و البوينتر الهاتشباك بتاعتها بتفس التمن 2007 او 2006

اى خدمه انا موجود

تحياتى

[YahiaAshraf]

المشاركة الأصلية كتبت بواسطة عمرو الشبراوى 37 الف حاجة تكون اوتوماتيك .

عندك كيا برايد سيدان موديل 2001
كورى اصلى اوتوماتيك كامله فول اوبشنز تعمل من 35 الى 37 الف

مش هطول عليك
لان دى انسب حاجه بالتمن ده

و لو مقتنع بيها
انا مستعد ادول لحضرتك منها للبيع

انا قدامى كذا واحده للبيع

تحياتى