أعرف كل شئ عن السباكة

[شريف عبدربه]

نسيت أذكر الموقع )

http://www.os6a.com (أسطى.كوم)

لو فيه أي ملاحظات يسعدني أسمعها

[samy6666]

المشاركة الأصلية كتبت بواسطة ابوشروق السلام عليكم ورحمة الله وبركاته أ. أحمد ألف ألف شكر على ثقتك الغالية فى وأتمنى من المولى عز وجل أن أقدر أفيدك بخصوص ثمن البضاعة فهو معقول تقريبا بس فى نقطتين أحب أشرحهم لحضرتك ولك حرية الاختيارفى البضاعة النقطة الاولى وهى أن حضرتك ممكن تشترى البضاعة من السبتية القاهرة من محلات الجملة وهذا سوف يوفر لك فى الثمن عن أى مكان أخرلكن فى مبدا أن كل الشركات هناك تتبع أسلوب البضاعة المباعة لا ترد ولاتستبدل النقطه الثانية وهى أن حضرتك ممكن تشترى من أى مكان قريب من الفيلا والاتفاق مع صاحب المكان أن أى بضاعة تبقى من الشغل ممكن ترد أليه أو أستبدالها وهذا يفيد حضرتك لأن السباك بيزود حجات بسيطة عن الكمية المطلوبة فعليا وذلك لأن ظروف العمل فى بعض الاحيان تلزمة بتعديلات وبناء عليه فمن الوارد أن يحتاج يغير قطعة من البضائع بشىء أخرفهنا الاتفاق مع التاجر هيفيدك بدل من تشترى مرة أخرى وفى نهاية العمل تجد عندك بضائع ذيادة لا تعرف ماذا تفعل بها حتى ولو ثمنهم 100جنيه فهى خسارة عليك أتمنى أن أكون قدرت أوصلك المعلومة ولو فى أى حاجة أرجو الاتصال بى أما بخصوص المصنعية فهى ليست ثابته فى كل الاماكن المصنعية بالنسبة لى تحدد حسب بعد المكان وأيضا حجم الاعمال يعنى ممكن يكون الفيلا مثلا الصرف الموجود فى الشارع قريب فسعر مصنعيته يختلف عن لو كان مسافته بعيدة وحاجات ثانية كتير لذلك لا أستطيع أن أعطيك سعر مصنعية دون معاينة المكان وأعزرنى أن لم أستطع أفدتك فى هذا الموضوع لك منى كل تقدير وأحترام وأتمنى أن أكون أفدتك أخوك أيمن أبو شروق 01005314147 01287710555

السلام عليكم
اشكرك شكر جزيل جداا علي الرد وجعله الله في ميزان حسناتك انشالله
سؤال تاني بالنسبة للخلاطات افضل نوع موجود ايه في مصر ؟ هل الافضل اجيبهم من السعودية عن طريق واحد صاحبي ولا من مصر ؟ انا خايف من الاعطال بعدين وعد توفر قطع غيار ..

شكراا

[ابوشروق]

المشاركة الأصلية كتبت بواسطة شريف عبدربه نسيت أذكر الموقع ) http://www.os6a.com (أسطى.كوم) لو فيه أي ملاحظات يسعدني أسمعها

السلام عليكم ورحمة الله وبركاته
ألف شكر لكرم حضرتك وأتمنى لك كل التوفيق والنجاح
الفكرة رائعة وتستحق كل التقدير والاحترام
أخوك أيمن أبو شروق
01005314147
01287710555

[ابوشروق]

المشاركة الأصلية كتبت بواسطة samy6666 السلام عليكم اشكرك شكر جزيل جداا علي الرد وجعله الله في ميزان حسناتك انشالله سؤال تاني بالنسبة للخلاطات افضل نوع موجود ايه في مصر ؟ هل الافضل اجيبهم من السعودية عن طريق واحد صاحبي ولا من مصر ؟ انا خايف من الاعطال بعدين وعد توفر قطع غيار .. شكراا

ألف ألف شكر لحضرتك وأتمنى من الله عز وجل أن يتقبل عملى هذا لوجه الله سبحانه وتعالى
بخصوص الخلاطات أفضل الانواع الموجودة بمصر
1- الهاينز جروهى
2- الايديال أستاند
وبالطبع لايوجدفرق بينهم لجودة تصنيعهم
الاول صناعة ألمانية
والثانى مصرى أمريكى
لكن طبعا لو حضرتك تقدر تجيب من السعودية
يبقا الهاينز جروهى وهو طبعا موجود هناك بأسعار أرخص من مصر
تقبل تحياتى
أخوك أيمن أبو شروق
01005314147
01287710555

[ابوشروق]

المشاركة الأصلية كتبت بواسطة tham1010 أنا مركب خلاط أسمة جومانا دولفين ( شكل الدولفين) الطقم ثلاث قطع كان 400 جنية من 3 سنين ونص. المهم عندى مشكلة فى الخلاطات. الخلاط بتاع المطبخ مش بينزل ماية حتى ولو فتحت الحنافية على الأخر ولما اخبط عليه أو أشدة لبرة تزيد الماية وترجع تنزل ضعيفة جدا. فما هو سبب هذا العطل؟ وعلى فكرة الحكاية دى فى الصاقع بس ولكن الساخن عادى شغال كويس وأعتقد ان السبب هو الأستخدام. ولكن هل ثلاث سنوات كافية لتعطيل خلاط من المفروض أنه يكون ماركة كويسة؟ أما خلاط الحوض بتاع الوش فبألاخط أنى لما بفتح الحنافية الماية مش بتنزل فى ساعتها تعلق لمدة ثانية وبعدين تنزل طبيعية. أول مرة أشوف حنافية الماية مش تنزل مع الفتح وتفضل ثانية او أثنين قبل النزول... عندى حاجة كمان مزعجة وهى السيفون بتاع الحمام. لو فتحت المحبس بتاع الماية الداخل للسيفون على الأخر ( هذا مفروض يكون الطبيعى) اجد أن السيفون بعد ما يمتلئ بالماء يبتدأ يسرب ماية جوه قعدة الحمام ولهذا يفضل يملى ماية. بتغلب على الامر دة أنى بوطى محبس الماية الداخل للسيفون لحد الاخر فالماية بتدخل ضعيفة جدا لدرجة أنه بملى السفون فى نص ساعة مثلا.......

السلام عليكم ورحمة الله وبركاته
سيدى الفاضل أعتذر على التأخر فى الرد وذلك لأنشغالى أعتذر بشدة
بخصوص العيب الموجود بالخلاطات فده بسبب
تلف قلب الخلاط والجزء المسؤل عن العطل ده بتسمى التيله ودى بتركب فى القلب لتحكم فى الغلق والفتح ويمكن تغيرها وصيانة قلب الخلاط ولو حالة القلب تالفة تماما يمكن تغيره وهو متوفر بكثرة ويفضل شراء الايطالى وسعره تقريبا 10 الاصلى والتقليد ب 5 جنيهات
بخصوص مشكلة السيفون فممكن حضرتك ترفع غطاء السيفون وتقلل منسوب المياه عن طريق العوامة وممكن شراء طقم صيانة لماكينة السيفون وهو عبارة عن عدد 2 كاوتشه واحدة للعوامة والثانية للقلة الخاصة بطرد المياه
أرجو من المولى عز وجل أن أكون أفدتك وأنا تحت أمرك فى أى شىء
أخوك أيمن أبو شروق
01005314147
01287710555